Hingna VidhanSabh Election : भाजपचा गड अजिंक्य ठेवत समीर मेघेंच्या विजयाची हॅट्रिक, हिंगण्यात शरद पवारांच्या पक्षाचे माजी मंत्री रमेश बंग पराभूत
Hingna Vidhan Sabha Constituency: नागपूरच्या हिंगणा मतदारसंघातील लढतीत यंदा महायुती की मविआ, या पैकी कोण बाजी मारणार हे पाहणे औत्सुक्याचे ठरणार आहे.
Hingna Vidhan Sabha constituency Election 2024 Result : संपूर्ण राज्यासह देशाला आतुरता लागून राहिलेल्या महाराष्ट्र विधानसभा निवडणूक 2024 (Maharashtra Assembly Election 2024) च्या रणधुमाळीचे अंतिम निकाल आता हाती आले आहे. लोकसभा निवडणुकीत आलेले अपयश बाजूला सारुन महायुतीने विधानसभा निवडणुकीत मोठा राजकीय चमत्कार करुन दाखवला आहे. राज्यात महाविकास आघाडी (Mahavikas Aghadi) बहुतांश ठिकाणी दारुण पराभवाला समोर जावे लागले आहे. तर महायुतीला (Mahayuti) यंदा अभूतपूर्व यश मिळाले आहे.
अशातच राज्याच्या राजकारणात महत्वाचा समजला जाणाऱ्या नागपूरातील 12 मतदारसंघापैकी एक असलेल्या नागपूरच्या हिंगणा विधानसभा मतदारसंघात (Hingna Assembly Constituency) भाजपने मोठा विजय मिळवला आहे. या मतदारसंघातून सलग तिसऱ्यांदा महायुतीकडून भाजपच्या तिकिटावर समीर मेघे (Sameer Meghe) हे मैदानात उतरले आहेत, तर महाविकास आघाडीकडून राष्ट्रवादी काँग्रेसच्या तिकिटावर माजी मंत्री रमेश बंग (Ramesh Bang) मैदानात होते. या विधानसभा क्षेत्रात निवडणुकीत बरेच उमेदवार मैदानात असले तरी खरी लढत मेघे विरुद्ध बंग यांच्यातच होती. मात्र या दोन दिग्गजांच्या लढतीत भाजपने विजयाचा गुलाल उधळत मोठे यश संपादन केलं आहे.
भाजपच्या बालेकिल्ला अभेद्य, शरद पवारांच्या उमेदवाराचा परभव
कळमेश्वर विधानसभा क्षेत्रात येणाऱ्या हिंगण्याचे विलगीकरण होऊन 2009 मध्ये हिंगणा हे स्वतंत्र विधानसभा क्षेत्र म्हणून उदयात आले. तेव्हापासून या मतदारसंघावर भाजपचा कब्जा आहे. वर्तमानात राष्ट्रवादी काँग्रेसमध्ये असलेले विजय घोडमारे तेव्हा भाजपकडून निवडणूक लढले होते आणि विजयी झाले. 2014 आणि 2019 मध्ये सलग समीर मेघे भाजपच्या तिकिटावरून निवडून आले आहेत आणि पुन्हा एकदा महायुतीकडून भाजपच्या तिकिटावरच मैदानात उतरले आहेत, तर महाविकास आघाडीकडून राष्ट्रवादी काँग्रेसच्या तिकिटावर माजी मंत्री रमेश बंग मैदानात होते.
या विधानसभा क्षेत्रात निवडणुकीत बरेच उमेदवार मैदानात असले तरी खरी लढत मेघे विरुद्ध बंग यांच्यातच आहे. बुधवारी पार पडलेल्या मतदान प्रक्रियेत मतदात्यांनी भरघोस मतदान केले. 58.10 टक्के मतदारांनी मतदानाचा हक्क बजावला आहे. मात्र आज (शनिवारी 23 नोव्हेंबरलाच) हिंगणा मतदारसंघाचा कारभारी कोण, हे निश्चित झाले आहे.
2019 मधील मतदारसंघातील राजकीय गणित!
| पक्ष | उमेदवार | मत |
| भाजप (विजयी ) | समीर मेघे |
121,305 |
| राष्ट्रवादी (SRP) |
विजय घोडमारे |
75,138 33 |
2014 मधील मतदारसंघातील राजकीय गणित!
| पक्ष | उमेदवार | मत |
| भाजप (विजयी ) | समीर मेघे |
84,139 |
| राष्ट्रवादी (SRP) |
विजय घोडमारे |
60,981 |
| कुंदा राऊत (कॉँग्रेस) |
विजय घोडमारे |
20,573 |
हे ही वाचा
महत्त्वाच्या बातम्या
