![ABP Premium](https://cdn.abplive.com/imagebank/Premium-ad-Icon.png)
Maharashtra Local Body Polls : स्थानिक स्वराज्य निवडणुकांच्या सुनावणीसाठी तारीख निश्चित, तब्बल दोन महिन्यांनंतर सुप्रीम कोर्टात 18 जुलैला सुनावणी
Maharashtra Local Body Polls : राज्यातील स्थानिक स्वराज्य निवडणुकांबाबत सुप्रीम कोर्टात 18 जुलै रोजी सुनावणी होणार आहे. तब्बल दोन महिन्यानंतर या सुनावणीसाठी तारीख निश्चित करण्यात आली आहे.
![Maharashtra Local Body Polls : स्थानिक स्वराज्य निवडणुकांच्या सुनावणीसाठी तारीख निश्चित, तब्बल दोन महिन्यांनंतर सुप्रीम कोर्टात 18 जुलैला सुनावणी Hearing on July 18 in the Supreme Court regarding local body polls in Maharashtra Maharashtra Local Body Polls : स्थानिक स्वराज्य निवडणुकांच्या सुनावणीसाठी तारीख निश्चित, तब्बल दोन महिन्यांनंतर सुप्रीम कोर्टात 18 जुलैला सुनावणी](https://feeds.abplive.com/onecms/images/uploaded-images/2023/04/10/c0fcad848d85687850c062bcebbcadeb1681101509010645_original.jpg?impolicy=abp_cdn&imwidth=1200&height=675)
Maharashtra Local Body Elections : राज्यातील स्थानिक स्वराज्य निवडणुकांबाबत सुप्रीम कोर्टात (Supreme Court) 18 जुलै रोजी सुनावणी होणार आहे. तब्बल दोन महिन्यानंतर या सुनावणीसाठी तारीख निश्चित करण्यात आली आहे. 10 एप्रिलनंतर आता 18 जुलै रोजी सुनावणी होणार आहे. सरन्यायाधीश धनंजय चंद्रचूड (CJI D Y Chandrachud) यांच्या अध्यक्षतेखालील खंडपीठासमोर या प्रकरणी सुनावणी होईल. राज्यात प्रलंबित असलेल्या महापालिका निवडणुकांचे (Municipal Corporation Election) भवितव्य निश्चित करणारी ही सुनावणी आहे.
कामकाज होणार की नवीन तारीख मिळणार?
मुंबई पुण्यासह 25 पेक्षा अधिक महापालिका, 207 नगरपालिका आणि जिल्हा परिषद निवडणुकांचं भवितव्य या सुनावणीवर अवलंबून आहे. गेल्या काही महिन्यांपासून या निवडणुकांबाबत सातत्याने तारीख पे तारीख असंच चित्र पाहायला मिळत आहे, कोणतंही कामकाज होत नाही. त्यामुळे आता 10 एप्रिलनंतर म्हणजेच दोन महिन्यांनंतर सुनावणीसाठी तारीख निश्चित करण्यात आली आहे. 18 जुलै रोजी सरन्यायाधीश धनंजय चंद्रचूड यांच्या अध्यक्षतेखालील त्रिसदस्यीय खंडपीठासमोर क्रमांक दोन वर हे प्रकरण सुनावणीसाठी आहे. यावेळी कामकाज होणार की पुन्हा नवी तारीख पडणार हे पाहावं लागेल.
या मुद्द्यांवर एकत्रित सुनावणी
92 नगरपरिषदांमधला ओबीसी आरक्षणाचा प्रश्न, शासनाने वेळोवेळी जाहीर केलेले अध्यादेश, नवीन सरकारने नव्याने प्रभागरचना करण्यासंदर्भातील अध्यादेश पारित केल्यासंबंधित मुद्दा, या सगळ्यांवर 18 जुलै रोजी एकत्रित सुनावणी होणार आहे.
कारभार प्रशासकांच्या हाती
कोविड महामारीचं संकट, त्यानंतर राज्यात सुरु झालेला सत्तासंघर्ष, शिवसेनेपाठोपाठ राष्ट्रवादी काँग्रेसमध्ये पडलेली फूट यामुळे राजकीय घडामोडी वेगाने सुरु आहेत. राज्यातील अनेक महानगरपालिका, नगरपालिका, नगर परिषदांचा कालावधी अनेक महिन्यांपूर्वीच संपला आहे. त्यामुळे इथला संपूर्ण कारभार प्रशासकांच्या हाती आहे. त्यामुळे स्थानिक स्वराज्य संस्थांच्या (Local Body Election) निवडणुका कधी होणार याची उत्सुकता सगळ्यांनाच लागली आहे.
VIDEO : Maharashtra Local Body Election : स्थानिक स्वराज्य संस्थेच्या निवडणुकांबाबत 18 जुलैला सुनावणी
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)