"संभाजी महाराजांच्या पोशाखातील माझे फोटो फ्लेक्सवर लावू नका", अमोल कोल्हेंचं आवाहन

अभिनेते डॉ. अमोल कोल्हे यांनी नुकताच शिवसेनेला रामराम ठोकून राष्ट्रवादीमध्ये प्रवेश केला आहे. लोकसभा निवडणुकांच्या तोंडावर ही मोठी राजकीय घडामोड मानली जात आहे.

पिंपरी चिंचवड : छत्रपती संभाजी महाराजांच्या पोशाखातील माझे फोटो फ्लेक्सवर लावू नका, असं आवाहन अभिनेते आणि राष्ट्रवादी काँग्रेसचे नेते डॉ. अमोल कोल्हे यांनी कार्यकर्त्यांना केलं. पिंपरी चिंचवडमधील भोसरीच्या जाहीर सभेत ते बोलत होते. संभाजी महाराजांची भूमिका करत असलो तरी मी त्यांचा केवळ मावळा आहे. त्यामुळे संभाजी महाराजांच्या पोशाखातील माझे फोटो वापरणं टाळावं. तसंच संभाजी महाराजांच्या मालिका हे राजकारण नाही. ही मालिका संभाजी महाराजांच्या अंगार गाथेचा धगधगता यज्ञ आहे. यात हात घालू नका हात पोळतील. ही गंमत नाही, कोणीही उठावं आणि टिंगल करावी. त्यामुळे मालिकेवर बोलू नका तो विषय वेगळा आहे, असा इशाराही कोल्हेंनी मालिकेवर राजकारण करु पाहणाऱ्यांना दिला. कोणी कितीही कोल्हेकुई करुदे, निवडणूक मीच जिंकणार, शिवाजीराव पाटलांचा टोला अभिनेते डॉ. अमोल कोल्हे यांनी नुकताच शिवसेनेला रामराम ठोकून राष्ट्रवादीमध्ये प्रवेश केला आहे. लोकसभा निवडणुकांच्या तोंडावर ही मोठी राजकीय घडामोड मानली जात आहे. शिरुर लोकसभा मतदारसंघात अमोल कोल्हे राष्ट्रवादीच्या तिकीटावर निवडणूक लढवण्याची चिन्हं आहेत. तसं झाल्यास शिवसेनेचे विद्यमान खासदार आढळराव पाटलांना जोरदार टक्कर मिळेल असं म्हटलं जात आहे. VIDEO | संभाजी महाराजांच्या पोशाखातील माझे फोटो फ्लेक्सवर लावू नका : अमोल कोल्हे संबंधित बातम्या डॉ. अमोल कोल्हेंच्या मुलीचं टीव्हीवर दमदार पदार्पण उद्धवसाहेब, तुमचा विश्वास सार्थ ठरवण्यात अपयशी : अमोल कोल्हे