Chhatrapati Sambhajinagar MC Election News: छत्रपती संभाजीनगर महापालिकेचं बिगुल वाजलं; निवडणुकीचा कार्यक्रम जाहीर, मतदान, निकाल, पक्षीय बलाबल कसे?
छत्रपती संभाजीनगर महापालिकेचं बिगुल वाजलं; निवडणुकीचा कार्यक्रम जाहीर, मतदान, निकाल, पक्षीय बलाबल कसे?
Chhatrapati Sambhajinagar MC Election News: राज्यातील स्थानिक स्वराज्य संस्थांच्या निवडणुका 31 जानेवारीच्या आधी घेण्याचं निवडणूक आयोगाचं नियोजन आहे. राज्यातील महापालिका निवडणुकांचे बिगुल वाजलंय. राज्यात नुकत्याच नगरपालिका नगरपंचायत यांच्या निवडणुका पार पडल्या. या निवडणुकांचा निकाल 21 डिसेंबरला लागणार आहे. दरम्यान, राज्य निवडणूक आयोगाने महापालिका निवडणुकांची घोषणा केली. राज्यातील 29 महापालिका संदर्भातही घोषणा राज्य निवडणूक आयुक्त दिनेश वाघमारे यांनी केली आहे.
मुंबईसह राज्यातील 29 महानगरपालिकांसाठी 15 जानेवारी रोजी मतदान पार पडणार आहे. 16 जानेवारी रोजी निकालाचा गुलाल उधळला जाणार आहे. यात मराठवाड्याच्या 8 जिल्ह्यातील 5 महानगरपालिकांसाठी निवडणूका होत असून छत्रपती संभाजीनगर, परभणी, जालना, नांदेड- वाघाळा आणि लातूर महापालिकांसाठी आज घोषणा झाली.
राज्यात महापालिका निवडणुकांसाठी एकूण 3.48 कोटी मतदार आहेत. 39 हजार 147 मतदान केंद्र असणार आहेत. मराठवाड्यातील सर्वात मोठी महानगरपालिका म्हणून छत्रपती संभाजीनगरच्या महापालिकेकडे पाहिलं जात आहे. छत्रपती संभाजीनगर महापालिकेतील सदस्य संख्या 113 एवढी असून त्या पाठोपाठ नांदेड वाघाळा महापालिका 81, लातूर 70 आणि परभणी 65 सदस्य संख्या आहे.
कसा असेल निवडणुकीचा कार्यक्रम?
अर्ज दाखल करण्याची मुदत - 23 ते 30 डिसेंबर 2025
अर्जाची छाननी - 31 डिसेंबर 2025
उमेदवारी माघारीची मुदत - 2 जानेवारी 2026
निवडणूक चिन्ह वाटप, अंतिम उमेदवार यादी - 3 जानेवारी 2026
मतदान दिनांक: 15 जानेवारी 2026
मतमोजणी :16 जानेवारी 2026
छत्रपती संभाजीनगरचे पक्षीय बलाबल कसे?
एकूण जागा: 113
शिवसेना: 29
भारतीय जनता पक्ष - 22
MIM- 25
काँग्रेस - 10
राष्ट्रवादी काँग्रेस पक्ष - 03
बहुजन समाज पक्ष - 05
इतर/अपक्ष - 19
छत्रपती संभाजीनगर महापालिकेत एकूण 113 सदस्यांपैकी 58 जागा महिलांसाठी आरक्षित आहेत. इतर मागास प्रवर्गांसाठी 31 जागा आरक्षित असून अनुसूचित जाती 22, अनुसूचित जमाती 2 झाला आरक्षित आहेत.
Municipal Election: महापालिकांची निवडणूक
1. बृहन्मुंबई - 227
2. भिवंडी-निजामपूर - 90
3. नागपूर – 151
4. पुणे – 162
5. ठाणे - 131
6. अहमदनगर - 68
7. नाशिक – 122
8. पिंपरी-चिंचवड - 128
9. छ. संभाजीनगर - 113
10. वसई-विरार - 115
11. कल्याण-डोंबिवली - 122
12. नवी मुंबई - 111
13. अकोला - 80
14. अमरावती - 87
15. लातूर - 70
16. नांदेड-वाघाळा - 81
17. मीरा-भाईंदर - 96
18. उल्हासनगर - 78
19. चंद्रपूर - 66
20. धुळे - 74
21. जळगाव - 75
22. मालेगाव - 84
23. कोल्हापूर - 92
24. सांगली-मिरज-कुपवाड - 78
25. सोलापूर - 113
26. इचलकरंजी – 76
27. जालना
28. पनवेल - 78
29. परभणी – 65
महत्त्वाच्या बातम्या
