Assembly Election 2026: आसामसह केरळ आणि पुदुचेरीमध्ये मतदानाची रणधुमाळी, 296 जागांसाठी 1,995 उमेदवारांच आज भवितव्य ठरणार; दिग्गजांची प्रतिष्ठा पणाला
Assembly Election 2026: देशातील पुदुचेरी (Puducherry), केरळ (Kerala) आणि आसाममध्ये आज विधानसभा निवडणुकीसाठी मतदान होत आहे.
Assembly Election 2026: देशातील तीन महत्त्वाच्या राज्यांमध्ये आणि एका केंद्रशासित प्रदेशात आज विधानसभा निवडणुकीसाठी मतदान होत आहे. पुदुचेरी (Puducherry), केरळ (Kerala) आणि आसाममध्ये (Assam) सकाळी 7 वाजता मतदानाला (Assembly Election 2026) सुरुवात झाली. कडक सुरक्षा व्यवस्थेत लाखो मतदारांच्या स्वागतासाठी निवडणूक आयोगाने तयारी पूर्ण केली आहे. आज आसाम, केरळ आणि पुदुचेरी या केंद्रशासित प्रदेशात विधानसभा निवडणुकीसाठी एकाच टप्प्यात मतदान होत आहे. सकाळी 7 वाजता मतदानाला सुरुवात झाली असून ते सायंकाळी 6 वाजेपर्यंत मतदान सुरू राहील. निवडणूक आयोगाने तिन्ही ठिकाणी सर्व तयारी पूर्ण केली असून निष्पक्ष आणि शांततापूर्ण मतदान सुनिश्चित करण्यासाठी व्यापक व्यवस्था केल्याचा दावा केला आहे. Kerala Assembly Election 2026
Karnataka, Nagaland, and Tripura by-election: कर्नाटक, नागालँड आणि त्रिपुरातील एका जागेसाठी पोटनिवडणूक
विधानसभा निवडणुकीव्यतिरिक्त, आज कर्नाटकातील दोन, नागालँडमधील एक आणि त्रिपुरातील एका जागेसाठी पोटनिवडणूक होणार आहे. गोव्यातील एका जागेसाठी पोटनिवडणूकही नियोजित होती, परंतु उच्च न्यायालयाने तेथील पोटनिवडणुकीला स्थगिती दिली आहे. निवडणूक अधिकाऱ्याने सांगितले की, आसाममध्ये 126 जागांवरील 722 उमेदवारांचे भवितव्य ठरवण्यासाठी 31,940 मतदान केंद्रे उभारण्यात आली आहेत. आसामच्या 35 जिल्ह्यांमध्ये शांततापूर्ण मतदान सुनिश्चित करण्यासाठी निवडणूक आयोगाने दीड लाखांहून अधिक सुरक्षा कर्मचारी तैनात केले आहेत. संवेदनशील मतदान केंद्रांवर देखरेख ठेवण्यासाठी विशेषतः सूक्ष्म-निरीक्षकांची नियुक्ती करण्यात आली आहे. येथील मुख्य लढत सत्ताधारी पक्ष आणि विरोधी पक्ष यांच्यात असून, लाखो मतदार आपल्या भावी प्रतिनिधींना निवडण्यासाठी मतदान केंद्रांवर दाखल झाले आहेत.
Assembly Election 2026 : केरळमधील सर्व 140 जागांसाठी एकाच टप्प्यात मतदान, 883 उमेदवार रिंगणात
त्याचप्रमाणे, केरळमधील सर्व 140 जागांसाठी एकाच टप्प्यात मतदान होत असून, तेथे 883 उमेदवार रिंगणात आहेत. राज्यातील 2.71 कोटी मतदार आज आपले मत देतील, ज्यात एलडीएफ तिसऱ्यांदा सत्तेत येण्याचा प्रयत्न करत आहे, यूडीएफ आपली गमावलेली जागा पुन्हा मिळवण्याचा प्रयत्न करत आहे आणि एनडीए राज्यात आपले खाते उघडण्याची आशा बाळगून आहे. दरम्यान, पुदुचेरीमधील 9.50 लाख मतदारही 294 उमेदवारांचे भवितव्य ठरवण्यासाठी ईव्हीएमवर मतदान करतील.
PM Modi : पंतप्रधान मोदींचे आसामच्या जनतेला आवाहन
पंतप्रधान मोदींनी आपल्या ट्विटरवर पोस्ट करत आवाहन केलं कि, 'आसाम विधानसभा निवडणूक 2026 साठी मतदानाला सुरुवात होत असताना, मी आसामच्या जनतेला मोठ्या संख्येने आपला मतदानाचा हक्क बजावण्याचे आवाहन करतो. मला आशा आहे की राज्यातील तरुण आणि महिला मतदार उत्साहाने सहभागी होतील आणि ही निवडणूक लोकशाही व सार्वजनिक कर्तव्याचा उत्सव बनवतील.'
महत्त्वाच्या बातम्या
