Amit Thackeray: मोठी बातमी : अमित ठाकरेंना समर्थन देऊन निवडून देऊ, आशिष शेलारांची इच्छा, महायुती माहीममध्ये पाठिंबा देणार?
Ashish Shelar On Amit Thackeray: महायुती म्हणून सगळ्यांनी एक चांगली राजकीय भूमिका घ्यावी, असं विधान आशिष शेलार यांनी केलं आहे.
Amit Thackeray Mahim Vidhan Sabha: ठाकरे घराण्यातील मनसेप्रमुख राज ठाकरे (Raj Thackeray) यांचे पुत्र अमित ठाकरे (Amit Thackeray) यंदाच्या विधानसभा निवडणुकीच्या मैदानात उतरले आहेत. माहीम विधानसभा मतदारसंघातून अमित ठाकरे निवडणूक लढणार आहे.
अमित ठाकरेंसाठी (Amit Thackeray) ही निवडणूक सोपी नसेल, कारण या मतदारसंघात तिरंगी लढत पाहायला मिळेल. अमित ठाकरेंविरोधात शिवसेना शिंदे गटाकडून सदा सरवणकर आणि शिवसेना ठाकरे गटाकडून महेश सावंत यांना उमेदवारी जाहीर करण्यात आली आहे. परंतु सदा सरवणकर उमेदवारी अर्ज मागे घेणार असल्याची चर्चा रंगली असताना भाजपचे नेते आशिष शेलार यांच्या विधानाची चर्चा रंगली आहे.
सदा सरवणकर यांना आमचा विरोध नाही. पण महायुती म्हणून सगळ्यांनी एक चांगली राजकीय भूमिका घ्यावी. त्यातून जनतेत एक संदेश जाईल. हिंदुत्वाची भूमिका घेणारे आम्हाला मदत करणारे आणि नातेसंबंध जपणारे राज ठाकरे यांचे पुत्र अमित ठाकरे मैदानात उतरले असतील, तर आपणही नाते जपायला हवे. भले उद्धव ठाकरेंना वाटत नसेल तरी महायुतीने नाते जपावे, असं आवाहन आशिष शेलार यांनी केलं. त्यामुळे महायुती अमित ठाकरेंना पाठिंबा देणार की नाही?, हे आगामी दिवसात स्पष्ट होणार आहे.
आपल्याच घरातील अमित ठाकरे...- आशिष शेलार
मी मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार यांच्याशी चर्चा करणार आहे. महायुतीमध्ये एक नातं आपण जपायला हवे, असं मला वाटतं असं आशिष शेलार म्हणाले. आपल्याच घरातील अमित ठाकरे निवडणूक लढत असेल तर महायुतीमधून एकत्र येऊन समर्थन (निवडून) देऊ असे मला वाटतेय, असंही आशिष शेलार यांनी सांगितले.
अमित ठाकरे आमच्याच घरातला मुलगा- संजय राऊत
वेगवेगळ्या पक्षाच्या विविध भूमिका असतात. ही निवडणूक महायुद्धासारखी लढली जाईल. महाराष्ट्रद्रोह्यांना मदत कोणी करतं हे जनता बघेल, असं संजय राऊत यांनी सांगितले. तसेच अमित ठाकरे आमच्याच घरातला मुलागा आहे. निवडणुकीत लढावं लागतं, असंही संजय राऊत म्हणाले. संजय राऊतांच्या या विधानामुळे अनेकांच्या मात्र भुवया उंचावल्या आहेत.
उद्धव ठाकरेंनी अमित ठाकरेंविरोधात उतरवला उमेदवार-
अमित ठाकरे माहीम विधानसभा मतदारसंघातून निवडणूक लढवणार असल्याने ठाकरेंच्या शिवसेनेकडून त्यांच्याविरोधात उमेदवार देणार नाही?, अशा चर्चा रंगल्या होत्या. मात्र दुसऱ्याच दिवशी उद्धव ठाकरेंनी अमित ठाकरेंविरोधात महेश सावंत यांना उमेदवारी दिली. तर शिवसेना शिंदे गटाकडून विद्यामान आमदार सदा सरवणकर यांना पुन्हा उमेदवारी देण्यात आली आहे.
संबंधित बातमी:
आशिष शेलार नेमकं काय म्हणाले?, Video:
Before You Go
Vijay Thalapathy : तामिळनाडूनत काँग्रेस का हाथ अभिनेता विजय के साथ
महत्त्वाच्या बातम्या
