NEET PG 2023 परीक्षेबाबत मोठी अपडेट; परीक्षा स्थगितीची याचिका सुप्रीम कोर्टाने फेटाळली
NEET PG 2023 Postponement : येत्या 5 मार्च रोजी होणारी NEET PG 2023 परीक्षा पुढे ढकलण्याची मागणी करणारी याचिका सर्वोच्च न्यायालयाने फेटाळून लावली आहे.
NEET PG 2023 Postponement : सर्वोच्च न्यायालयाने 5 मार्च रोजी नियोजित NEET PG 2023 परीक्षा पुढे ढकलण्याची विनंती करणाऱ्या याचिका फेटाळून लावल्या. याचिकाकर्त्यांनी परीक्षेची पुरेशी तयारी करण्यासाठी पुरेसा वेळ नसल्यामुळे NEET PG 2023 परीक्षा पुढे ढकलण्याची विनंती केली होती. मात्र, सुप्रीम कोर्टाने कोणताही दिलासा दिला नाही. न्यायमूर्ती एस. रवींद्र भट आणि न्यायमूर्ती दीपंकर दत्ता यांच्या खंडपीठाने उमेदवारांनी दाखल केलेल्या याचिका फेटाळून लावल्या. सध्या सुरू असलेल्या इंटर्नशिपमुळे परीक्षेच्या तयारीसाठी पुरेसा वेळ मिळत नसल्यामुळे परीक्षा पुढे ढकलण्याची विनंती विद्यार्थ्यांनी याचिकेच्या माध्यमातून केली होती.
सुप्रीम कोर्टात आज झालेल्या सुनावणी दरम्यान, केंद्र सरकारच्या वकील ऐश्वर्या भाटी यांनी सांगितले की, NEET PG 2023 ची तारीख सहा महिन्यांपूर्वी जाहीर करण्यात आली होती. पहिल्या विंडो दरम्यान, 2.03 लाख उमेदवारांनी नोंदणी केली होती आणि आज नियोजित वेळापत्रकाप्रमाणे परीक्षेसाठीचे प्रवेशपत्र जारी केले गेले आहे. पुढे त्यांनी म्हटले की, दुसऱ्या खिडकीदरम्यान केवळ 6000 विद्यार्थ्यांनी परीक्षा देण्यासाठी अर्ज केले आहेत आणि त्यामुळे फार कमी विद्यार्थ्यांकडून ही परीक्षा पुढे ढकलण्याची मागणी केली जात आहे. ज्येष्ठ वकील अॅड. गोपाल शंकरनारायणन म्हणाले की, इंटर्नशिपची पूर्ण करण्याची अंतिम मुदत आणि परीक्षा यांच्यातील अंतर कधीही दोन महिन्यांपेक्षा जास्त नसते. अशा प्रकारे परीक्षेला घाई करून काही फायदा आहे का? असा सवाल त्यांनी याचिकाकर्त्यांच्यावतीने कोर्टात केला. दरम्यान, नॅशनल बोर्ड ऑफ एक्झामिनेशन्स इन मेडिकल सायन्सेस (NBEMS) ने NEET PG 2023 इंटर्नशिप कट ऑफ डेट 30 जून 2023 पर्यंत वाढवली आहे.
NEET 2022 समुपदेशन आणि प्रवेशांमध्ये कोविड-19 महासाथीमुळे झालेल्या विलंबाचा वैद्यकीय इच्छुकांच्या परीक्षेच्या तयारीवर मोठा परिणाम झाला असल्याची चिंता विद्यार्थी आणि वैद्यकीय संघटनांनी व्यक्त केली. सध्याच्या वेळापत्रकानुसार, मार्च 2023 मध्ये परीक्षा घेतल्यास उमेदवारांना NEET PG 2023 ची तयारी करण्यासाठी पुरेसा वेळ मिळणार नाही, असा दावा केला जात आहे. NEET PG ही भारतातील MD/MS/PG डिप्लोमा अभ्यासक्रमांसाठी एकमेव पात्रता परीक्षा आहे. भारतीय वैद्यकीय परिषद अधिनियम, 1956 च्या नियमांनुसार या अभ्यासक्रमांच्या प्रवेशासाठी इतर कोणत्याही राज्य किंवा संस्थात्मक-स्तरीय प्रवेश परीक्षा वैध मानल्या जाणार नाहीत. NEET PG दरवर्षी देशभरातील वेगवेगळ्या शहरांमध्ये आयोजित केली जाते आणि लाखो इच्छुक विद्यार्थी ही परीक्षा देतात.
इतर महत्त्वाच्या बातम्या :
Education Loan Information:
Calculate Education Loan EMI
Before You Go
Sudhir Mugntiwar Satara Speech : छत्रपती शिवाजी महाराज की जय! म्हणत सुधीर मुनगंटीवराचं जोरदार भाषण
महत्त्वाच्या बातम्या
