ऑल द बेस्ट! ICSE च्या दहावी, बारावी परीक्षेचा आज निकाल; मार्कशीट कशी डाऊनलोड कराल?

काउंसिल फॉर दि इंडियन स्कूल सर्टिफिकेट एग्जामिनेशन (CISCE) द्वारे आयसीएसई बोर्डाच्या दहावी आणि बारावीच्या परीक्षांचा निकाल आज (सोमवार, 6 मे 2024) जाहीर केला जाणार आहे.

ICSE Result 2024

Indian Certificate of Secondary Education Board Exam 2024 : मुंबई : आयसीएसईच्या (ICSE Result 2024) दहावी-बारावी परीक्षेचा निकाल आज सकाळी 11 वाजता जाहीर केला जाणार आहे. विद्यार्थ्यांना आयसीएसईच्या संकेतस्थळावर निकाल पाहता येईल. युनिक आयडी, इंडेक्स नंबर देऊन हा निकाल पाहता येईल. या वर्षी बारावीचे पेपर फुटल्याच्या संशयावरून दोन परीक्षा मंडळाला पुढे ढकलाव्या लागल्या होत्या. विद्यार्थ्यांना गुणांविषयी शंका असल्यास पेपर रिचेकिंग आणि रिव्हॅल्युएशनसाठी अर्ज करता येईल. त्याकरिता एक ते दीड हजार रुपये शुल्क आकारलं जाईल. 

काउंसिल फॉर दि इंडियन स्कूल सर्टिफिकेट एग्जामिनेशन (CISCE) द्वारे आयसीएसई बोर्डाच्या दहावी आणि बारावीच्या परीक्षांचा निकाल आज (सोमवार, 6 मे 2024) जाहीर केला जाणार आहे. ICSE बोर्डानं CISCE बोर्ड निकाल 2024 तारीख आणि वेळ जाहीर केली आहे. त्यानुसार सकाळी 11 वाजता CISCE च्या अधिकृत वेबसाईटवर निकाल जाहीर केले जातील. cisce.org या वेबसाईटवर विद्यार्थ्यांना निकाल पाहता येतील. 

CISCE 10th 12th Result 2024: आयसीएसई दहावी, बारावी परीक्षांचे निकाल कसे पाहाल? 

ICSE बोर्ड निकाल 2024 अधिकृत वेबसाईटवर ऑनलाईन प्रसिद्ध केला जाईल. बोर्डानं जारी केलेल्या लिंकवरून तुम्ही तुमचा निकाल तपासू शकता. यासाठी तुम्हाला येथे नमूद केलेल्या स्टेप्स फॉलो कराव्या लागतील : 

• ICSE बोर्डाच्या cisce.org वेबसाइटला भेट द्या.
• होम पेजवरील रिजल्ट्स टॅबवर क्लिक करा. त्यानंतर तुम्हाला ICSE निकाल वेबसाईट results.cisce.org या पेज दिसेल. 
• इयत्ता दहावीचा निकाल पाहण्यासाठी येथे ICSE Result 2024 Link वर क्लिक करा. इयत्ता बारावीचा निकाल पाहण्यासाठी, ISC Result 2024 Link वर क्लिक करा. वेगळ्या लिंक्स न मिळाल्यास कोर्स पर्यायातून ICSE किंवा ISC निवडा.
• CISCE लॉगिन पेज उघडेल. तुमचा युनिक आयडी, इंडेक्स नंबर आणि कॅप्चा कोड इथे टाका.
• आता प्रिंट बटणावर क्लिक करा. तुमचा निकाल स्क्रीनवर दिसेल.

CISCE बोर्डानं अधिकृत प्रसिद्धीपत्रक जारी करून यासंदर्भात संपूर्ण माहिती दिली आहे. ही पत्रकार परिषद साकेत, पुष्प विहार, सेक्टर 6, नवी दिल्ली येथे असलेल्या ICSE बोर्ड कार्यालयात होणार असल्याचं सांगण्यात आलं आहे. यावेळी निकाल जाहीर केला जाणार आहे. याशिवाय निकाल तपासण्याची लिंकही सक्रिय केली जाईल.

यावर्षी ISCE इयत्ता दहावी आणि बारावीमध्ये सुमारे 3 लाख विद्यार्थ्यांनी नोंदणी केली होती. दहावीची परीक्षा 28 मार्च रोजी संपली, तर 12वीची परीक्षा 3 एप्रिलपर्यंत सुरू होती. गेल्या वर्षी बोर्डानं 14 मे रोजी निकाल जाहीर केला होता.