विद्यार्थ्यांना NEET परीक्षा शुल्क परत दिले जाणार, पुर्नपरीक्षेचं शुल्क नाही, शहर निवडण्याचा पर्याय दिला जाणार : धर्मेंद प्रधान

यापूर्वी ही परीक्षा 3 मे रोजी भारतातील 551 आणि परदेशातील 14 शहरांमध्ये घेण्यात आली होती. या परीक्षेसाठी 5,400 हून अधिक परीक्षा केंद्रे उभारण्यात आली होती. 22.79 लाख विद्यार्थी परीक्षेला बसले होते.

Dharmendra Pradhan on NEET

Source : ANI

Dharmendra Pradhan on NEET: राष्ट्रीय चाचणी संस्थेने (NTA) NEET-UG परीक्षेची नवीन तारीख जाहीर केली. ही परीक्षा आता रविवार, 21 जून रोजी होणार आहे. पेपरफुटीच्या शक्यतेमुळे NTA ने 12 मे रोजी ही परीक्षा रद्द केली होती. यापूर्वी ही परीक्षा 3 मे रोजी भारतातील 551 आणि परदेशातील 14 शहरांमध्ये घेण्यात आली होती. या परीक्षेसाठी 5,400 हून अधिक परीक्षा केंद्रे उभारण्यात आली होती. 22.79 लाख विद्यार्थी परीक्षेला बसले होते. केंद्रीय शिक्षण मंत्री धर्मेंद्र प्रधान यांनी कबूल करत सांगितले की, "12 तारखेला जेव्हा आम्हाला पेपरफुटीबद्दल समजले, तेव्हा कोणत्याही चुकीच्या उमेदवाराची निवड होऊ नये असे आम्हाला वाटत होते. त्यामुळे, आम्ही जबाबदारीने सांगितले की आमची शून्य सहनशीलता आहे. असे असूनही, ही घटना घडली. त्यामुळे, आम्ही परीक्षा रद्द करण्याचा निर्णय घेतला."

परीक्षेच्या वेळेत 15 मिनिटांची वाढ

शिक्षणमंत्री धर्मेंद्र प्रधान म्हणाले, "आम्ही परीक्षेत काही सुधारणा केल्या आहेत. लवकरच होणाऱ्या पुढील परीक्षेचे शुल्क आम्ही परत करणार आहोत. पुढील परीक्षेचे शुल्क शून्य असेल." जेणेकरून विद्यार्थ्यांवर भार पडणार नाही. ते म्हणाले की, विद्यार्थ्यांना त्यांच्या पसंतीचे शहर निवडण्याचा पर्याय असेल. परीक्षेची वेळ 15 मिनिटांनी वाढवण्यात आली आहे. परीक्षा दुपारी 2 वाजता सुरू होईल आणि सायंकाळी 5:15 पर्यंत चालेल. प्रवेशपत्रे 14 जूनपर्यंत उपलब्ध होतील.

#WATCH | Delhi | Union Education Minister Dharmendra Pradhan says, "The new dates of the re-examination have been declared for June 21st... The exam took place on 3rd May and on 7th May, NTA received a complaint that the guess paper had some questions that were present in the… pic.twitter.com/hTrzstq1mH

— ANI (@ANI) May 15, 2026

नीट पेपर लीक प्रकरणात आतापर्यंत 7 जणांना अटक

सीबीआयने या प्रकरणात आतापर्यंत सात जणांना अटक केली आहे. त्यापैकी पाच जणांना, राजस्थानचा मंगीलाल बिनवाल, जामवारामगडचा त्याचा भाऊ दिनेश बिनवाल, मुलगा विकास बिनवाल, हरियाणाच्या गुरुग्रामचा यश यादव आणि नाशिकचा शुभम खैरनार यांना दिल्लीच्या राऊस ॲव्हेन्यू न्यायालयात हजर करण्यात आले. न्यायालयाने सर्व पाच आरोपींना सात दिवसांची कोठडी सुनावली आहे. याशिवाय, सीबीआयने पुण्यातून ब्युटिशियन मनीषा वाघमारे आणि नाशिकमधून धनंजय लोखंडे यांनाही अटक केली आहे.

इतर महत्वाच्या बातम्या