CBSE 10th Result 2022 : सीबीएसई बोर्डाचा दहावीचा निकाल कधी? विद्यार्थी, पालकांची उत्सुकता शिगेला

CBSE 10th Result 2022 : CBSE दहावी आणि बारावीचे निकाल कधी जाहीर होणार? याकडे विद्यार्थी आणि पालकांचं लक्ष लागलं आहे.

CBSE 10th Result 2022

CBSE 10th Result 2022 : केंद्रीय माध्यमिक शिक्षण मंडळ (CBSE) लवकरच CBSE दहावी, बारावीच्या निकालाची तारीख आणि वेळ जाहीर करण्याची शक्यता आहे. मीडिया रिपोर्ट्सनुसार, सीबीएसई टर्म 2 निकाल 2022 जूनच्या शेवटच्या आठवड्यापासून जुलैच्या पहिल्या आठवड्यात घोषित केला जाईल. सीबीएसईनं घेतलेल्या बोर्डाच्या परीक्षेत बसलेले विद्यार्थी परीक्षेच्या निकालाची आतुरतेनं वाट पाहत आहेत. निकाल जाहीर झाल्यानंतर तो बोर्डाची अधिकृत वेबसाइट cbse.gov.in वर विद्यार्थ्यांना पाहता येणार आहे. 

सीबीएसईच्या वतीनं सर्वात आधी टर्म-2 चा निकाल जाहीर केला जाईल. जूनच्या शेवटच्या आठवड्यात निकाल जाहीर होण्याची शक्यता आहे. तर, इयत्ता बारावीचा टर्म-2 चा निकाल जाहीर करण्याची तयारी सुरु करण्यात आली आहे. सीबीएसईनं शाळांना बारावीच्या उत्तर पत्रिका दोनदा तपासण्यास सांगितलं आहे. सीबीएसईनं टर्म-2 निकाल जाहीर करण्याची अधिकृत तारीख अद्याप जाहीर केलेली नाही. 

विद्यार्थ्यांची उत्सुकता शिगेला 

यावर्षी सीबीएसई दहावी आणि बारावीच्या परीक्षेत 35 लाखांहून अधिक विद्यार्थी बसले होते. परीक्षेच्या निकालाची विद्यार्थी आतुरतेनं वाट पाहत आहेत. यावर्षी सीबीएसईनं 26 एप्रिल ते 24 मे दरम्यान दहावीची परीक्षा घेतली होती. त्याचवेळी बोर्डातर्फे 26 एप्रिल ते 15 जून या कालावधीत बारावी वर्गाची परीक्षा घेण्यात आली होती. यावर्षी 35 लाखांहून अधिक विद्यार्थी बोर्डाच्या परीक्षेला बसले होते. यापैकी 21 लाख विद्यार्थ्यांनी दहावी तर 14 लाख विद्यार्थ्यांनी बारावीची परीक्षा दिली आहे. 

कसा पाहाल निकाल? 

सर्वात आधी विद्यार्थ्यांनी सीबीएसईची अधिकृत वेबसाईट cbse.gov.in, cbresults.nic.in भेट द्यावी
त्यानंतर इयत्ता दहावी, बारावी निकालाच्या लिंकवर क्लिक करा. 
आता विद्यार्थ्यांनी आपला रजिस्ट्रेशन नंबर/ रोल नंबर टाकावा. 
त्यानंतर विद्यार्थ्यांना दहावी आणि बारावीचा निकाल स्क्रिनवर दिसेल. 
खाली दिलेल्या डाऊनलोड पर्यायावर क्लिक करुन विद्यार्थी त्यांची गुणपत्रिका डाऊनलोक करु शकतात. 
निकालाची प्रिंटआउट काढा. 

महत्त्वाच्या इतर बातम्या :