Ashok Kharat Case: आरोपी परधर्मीय असेल तरच हिंदू जनआक्रोश मोर्चे काढणार का? नितेश राणे, पडळकर, संग्राम जगताप, लांडगे अशोक खरातवर का बोलत नाहीत? शरद पवार गटाच्या नेत्याचा सवाल
Ashok Kharat Case: अशोक खरात हा एकमेव नाही असे अनेक भोंदू बाबा महाराष्ट्रात आणि देशात आहेत जे सर्वसामान्य लोकांचे आणि महिलांचे मानसिक शारीरिक आणि आर्थिक शोषण करत असतात, असंही त्यांनी म्हटलं आहे.
मुंबई: नाशिकच्या भोंदू 'कॅप्टन' अशोक खरातने (Ashok Kharat Case) हिंदू धर्मातील अनेक महिलांचे शारीरिक, मानसिक आणि आर्थिक शोषण केल्याचे धक्कादायक वास्तव समोर आले आहे. या प्रकरणावरून आता राजकीय वातावरण तापले असून, राष्ट्रवादी काँग्रेसचे (शरद पवार गट) नेते विकास लवांडे यांनी हिंदुत्ववादी संघटना आणि भाजप नेत्यांच्या 'सोयीच्या' भूमिकेवर जोरदार हल्ला चढवला आहे.(Ashok Kharat Case)
भोंदूगिरीवर हिंदुत्ववादी गप्प का?
विकास लवांडे यांनी आपल्या पोस्टमध्ये म्हटले आहे की, "लिंगपिसाट भोंदू बाबा अशोक खरात ज्याने हिंदू धर्मातील अनेक महिलांचे शारीरिक आणि मानसिक शोषण केले , फसवणूक केली. अशोक खरात हा एकमेव नाही असे अनेक भोंदू बाबा महाराष्ट्रात आणि देशात आहेत जे सर्वसामान्य लोकांचे आणि महिलांचे मानसिक शारीरिक आणि आर्थिक शोषण करत असतात. मात्र या विषयावर आरएसएस परिवारातील तथाकथित #हिंदुत्ववादी संघटना , बजरंग दल, भिडेंचे धारकरी आणि भाजपाचे आमदार महेश लांडगे, आमदार गोपीचंद पडळकर,आमदार नितेश राणे,आमदार संग्राम जगताप हिंदू जन आक्रोश मोर्चा कधी काढणार आहात की नाही ? फक्त आरोपी परधर्मीय असेल तरच मोर्चे काढणार ? उघडा डोळे बघा नीट ! #कॅप्टन_फाईल #BJP #RSS", असंही त्यांनी म्हटलं आहे.
आमदारांना आणि संघटनांना थेट सवाल
लवांडे यांनी आपल्या पोस्टमध्ये भाजपचे आमदार आणि विविध संघटनांना टॅग करत थेट जाब विचारला आहे. त्यांनी म्हटले की, आरएसएस (RSS) परिवारातील तथाकथित हिंदुत्ववादी संघटना, बजरंग दल आणि संभाजी भिडे यांचे धारकरी या विषयावर गप्प का?
आमदार महेश लांडगे, गोपीचंद पडळकर, नितेश राणे आणि संग्राम जगताप हे आता 'हिंदू जन आक्रोश मोर्चा' कधी काढणार आहेत की नाही?(Ashok Kharat Case)
"आरोपी परधर्मीय असेल तरच संताप येतो?"
विकास लवांडे यांनी अत्यंत परखड शब्दात विचारले आहे की, "फक्त आरोपी परधर्मीय असेल तरच मोर्चे काढणार का? उघडा डोळे आणि नीट बघा!" खरात प्रकरणातील पीडित महिला हिंदू असतानाही हिंदुत्वाचा टाहो फोडणारे नेते आता कुठे आहेत, असा सवाल करत त्यांनी #कॅप्टन_फाईल हा हॅशटॅग वापरून भाजपवर निशाणा साधला आहे.(Ashok Kharat Case)
लिंगपिसाट भोंदू बाबा अशोक खरात ज्याने हिंदू धर्मातील अनेक महिलांचे शारीरिक आणि मानसिक शोषण केले , फसवणूक केली. अशोक खरात हा एकमेव नाही असे अनेक भोंदू बाबा महाराष्ट्रात आणि देशात आहेत जे सर्वसामान्य लोकांचे आणि महिलांचे मानसिक शारीरिक आणि आर्थिक शोषण करत असतात.
— Vikas Lawande (@VikasLawande1) March 21, 2026
मात्र या विषयावर…
नेमकं काय आहे प्रकरण?
अशोक खरात याच्याविरुद्ध अत्याचाराचा गुन्हा नोंदविण्यात आला आहे. नाशिकमध्ये सरकारवाडा पोलिसांत हा गुन्हा दाखल करण्यात आला होता. अशोक खरात याने एका 35 वर्षीय महिलेवर गुंगीचे औषध देऊन बलात्कार केल्याच्या आरोपाखाली त्याच्यावर कारवाई करण्यात आली आहे. बुधवार 18 मार्च रोजी खरात याला पहाटे तीन वाजताच्या सुमारास गुन्हे शाखेकडून ताब्यात घेण्यात आले. अशोक खरात हा सिन्नर तालुक्यात मिरगाव येथील श्री ईशान्येश्वर मंदिर ट्रस्टचा अध्यक्ष आहे. तो मर्चंट नेव्हीतून निवृत्त झाला आहे. गेल्या काही वर्षांमध्ये कॉस्मॉलॉजी एक्स्पर्ट आणि अंकशास्त्रज्ञ म्हणून तो नावारुपाला आला. अनेक बडे राजकीय नेते, सेलिब्रिटी आणि उद्योजक त्याच्याकडे मार्गदर्शनासाठी जातात. मात्र, त्याला बलात्काराच्या आरोपाखाली अटक करण्यात आल्यामुळे एकच खळबळ उडाली आहे.
Who Is Ashok Kharat : कोण आहे अशोक खरात?
नाशिकमधील सिन्नर तालुक्यात मिरगाव येथील श्री ईशान्येश्वर मंदिर ट्रस्टचा अध्यक्ष असलेला कॅप्टन अशोक खरात हा सेवानिवृत्त आहे. तो अंकशास्त्रज्ञ म्हणून ओळखला जातो. अशोक खरात हा मर्चंट नेव्हीमधील निवृत्त अधिकारी आहे. 'शिवनिका ट्रस्ट'च्या संकेतस्थळावरील माहितीनुसार, मर्चंट नेव्हीमध्ये 22 वर्षांच्या कारकिर्दीत खरातने 154 देशांचे दौरे केले आहेत. त्यामुळे त्या देशांमधील बहुतांश धार्मिक चालीरीती, परंपरा, संस्कृती, नैतिकता आणि नैसर्गिक परिस्थिती यांचा त्याने सखोल अभ्यास केला असल्याची शक्यता आहे. अनेक बडे राजकीय नेते, सेलिब्रिटी आणि उद्योजक भविष्य जाणून घेण्यासाठी तसेच उज्ज्वल भविष्याकरिता करायचे उपाय आदीच्या निमित्ताने अशोक खरातच्या संपर्कात असतात.
महत्त्वाच्या बातम्या
