Sonam Raghuvanshi Case : 'राजाला मारून टाका, 20 लाख देते'; डोंगर चढताना 'किलर्स' थकले, सोनम रघुवंशी ओरडली; व्रताच्या दिवशीच संसार केला उद्ध्वस्त
Sonam Raghuvanshi Case :सोनम रघुवंशीसह चार अन्य आरोपी सध्या पोलिस कोठडीत आहेत. त्यांच्या चौकशीत अनेक धक्कादायक बाबी समोर येत आहेत.
Sonam Raghuvanshi Case : सोनम रघुवंशीसह चार अन्य आरोपी सध्या पोलिस कोठडीत आहेत. मेघालय पोलिस त्यांना आपल्या ताब्यात घेऊन गेले आहेत. तपासादरम्यान अनेक धक्कादायक बाबी समोर येत आहेत. सोनमने ज्या दिवशी उपवास ठेवला होता, त्याच दिवशी तिने आपल्या डोळ्यांसमोरच आपल्या नवऱ्याचा संसार उद्ध्वस्त केला. योजनेनुसार, राजा रघुवंशी यांची धबधब्याजवळ हत्या करण्यात येणार होती. मात्र सुपारी घेऊन हत्या करणारे पायऱ्या चढून थकले होते आणि खून करण्यास नकार देत होते. मग सोनम त्यांच्यावर ओरडली की, त्यांना त्याला मारावे लागेल. मी 20 लाख रुपये देईन, अशी माहिती आता समोर येत आहे.
14 लाखांना झाली डील
खरंतर, सोनम लग्नाच्या चार दिवसांनी सासरच्या घरातून तिच्या आईच्या घरी गेली होती. तिथे जाऊन तिने तिचा प्रियकर राज कुशवाहासोबत मिळून राजा रघुवंशीच्या हत्येची योजना आखण्यास सुरुवात केली. अचानक तिने शिलाँगला जाण्यासाठी तिकीट बुक केले आणि राजाला हनिमूनला जाण्यासाठी राजी केले. तसेच, राज कुशवाहा सोबत त्याने १४ लाख रुपयांना तीन कॉन्ट्रॅक्ट किलर कामावर ठेवले. त्याने त्यांना सांगितले की जर त्यांनी राजाला मारले तर त्याला १४ लाख रुपये दिले जातील. तसेच, जर तू जगलास तर मी तुला माझ्या भावाच्या कंपनीत नोकरी मिळवून देईन.
डोंगर चढून थकले होते किलर्स
सोनमने 23 मे रोजी शिलाँगमध्ये राजाला मारण्याचा प्लॅन आखला होता. त्याच दिवशी तिने शेवटचं आपल्या सासूशी बोलणं केलं होतं. बोलताना ती पायऱ्या चढत होती आणि तिच्यासोबतच तीन्ही सुपारी घेऊन हत्या करणारे पायऱ्या चढत होते. पायऱ्या चढताना किलर्स थकले होते. त्यामुळे त्यांनी हत्या करण्यास टाळाटाळ सुरू केली. पुढे तिन्ही जण राजा रघुवंशीसोबत पुढे निघाले आणि सोनम थकण्याचं नाटक करत त्यांच्या मागून चालत होती.
मारून टाका याला...
सुपारी घेणारे तिघे जण राजा रघुवंशीला मारण्यात वेळ घेत होते, आणि हे सोनमला सहन होत नव्हतं. त्यामुळे ती मागूनच ओरडली. “आता मारून टाका याला!” त्यावर आरोपी म्हणाले, “आम्ही डोंगर चढून खूप थकलो आहोत.” हे ऐकताच सोनम त्यांच्यावर चांगलीच भडकली.
20 लाख रुपये देते, मारावंच लागेल
सोनमने राजा रघुवंशीच्या हत्येसाठी किलरसोबत 14 लाख रुपयांची डील केली होती. पण जेव्हा किलर हत्या करण्यास टाळाटाळ करत होते. तेव्हा सोनम म्हणाली “मारावंच लागेल. मी तुम्हाला 20 लाख रुपये देईन.” त्यानंतर तिने राजाच्या पर्समधून काही रुपये काढून किलरला दिले आणि ठामपणे सांगितले – “मारावंच लागेल.” हे सर्व आरोपींनी पोलिसांसमोर कबूल केल्याचे समोर आले आहे.
व्रताच्या दिवशीच संसार उद्ध्वस्त
खरंतर, सोनम रघुवंशीने ज्या दिवशी राजा रघुवंशीची हत्या घडवून आणली, त्या दिवशी तिने ‘ग्यारस’चं व्रत ठेवलेलं होतं. आणि त्याच दिवशी तिने आपला संसार उद्ध्वस्त केला. आता सोनमच्या कुटुंबीयांनी या प्रकरणावर पूर्ण मौन बाळगले आहे.
कॉल रेकॉर्डमुळे संशय वाढला
दरम्यान, मेघालय पोलिसांनी सोनमचे कॉल रेकॉर्ड्स तपासले असून ती आरोपींसोबत बोलत असल्याचे निदर्शनास आले आहे. यामुळे पोलिसांचा संशय अधिक गडद झाला आणि त्यांनी सोनमवर विशेष लक्ष ठेवायला सुरुवात केली आहे.
आणखी वाचा
महत्त्वाच्या बातम्या
