Badlapur IVF Racket : बदलापूर स्त्री बीज विक्री प्रकरण, पोलिसांची मोठी छापेमारी, घरगुती IVF केंद्रातून 8 लाखांचा इंजेक्शन औषधसाठा जप्त

Badlapur Women Egg Selling Case : पोलिसांनी सुलक्षणा गाडेकर या महिलेला अटक केली असून या प्रकरणाचे धागेदोरे हे आंतरराष्ट्रीय स्तरावर पोहोचलेले असण्याची शक्यता वर्तवण्यात येत आहे.  

Badlapur IVF Racket

Source : abp majha

ठाणे : राज्याला हादरवून सोडणाऱ्या बदलापूर स्त्री बीज विक्री प्रकरणात पोलिसांनी मोठी कारवाई केली आहे. विठ्ठलवाडी, अंबरनाथ आणि बदलापूरमध्ये तीन ठिकाणी पोलिसांनी छापे टाकून बेकायदेशीररीत्या घरांमध्ये सुरू असलेल्या आयव्हीएफ केंद्रातील इंजेक्शन आणि औषध जप्त केले आहेत. पोलिसांनी सुमारे आठ लाख रुपयांचे इंजेक्शन आणि विविध औषधसाठा जप्त केला आहे. 

बदलापूर येथील स्त्री बीज विक्री प्रकरणाचे धागेदोर ठाणे जिल्ह्याच्या बाहेर पर्यंत पोचलेले आहेत, अशी माहिती सूत्रांनी दिली. या प्रकरणात ज्या तीन महिलांना अटक झालेली आहे केवळ त्यांच्यापर्यंतच हे प्रकरण थांबले नसून यात काही सोनोग्राफी सेंटर्स आणि IVF सेंटर्सचा देखील सहभाग आहे. या प्रकरणाची लिंक अनेक मोठ्या आयव्हीएफ सेंटर पर्यंत जात आहे. अनेक ठिकाणी पोलीस आणि आरोग्य विभागाने धाडी टाकण्यात आल्याची सूत्रांची माहिती आहे. 

Badlapur Women Egg Trafficking Racket : प्रकरण नेमकं काय? 

बदलापूरात स्त्री बीजाच्या अवैध विक्रीचं रॅकेट उघड झालं आहे. याप्रकारचं हे भीषण रॅकेट चक्क एका घरातून चालवलं जात होतं. सुलक्षणा गाडेकर या महिलेनं घरामध्ये स्त्री बीज वाढवणारी इंजेक्शन्स बेकायदेशीरपणे साठवून ठेवली होती, असा आरोप आहे. 

गरजू महिलांना पैशांचं आमिष दाखवून हे इंजेक्शन दिलं जात होतं. त्यानंतर गर्भाशयात स्त्री बीजांची वाढ झाल्यावर संबंधित महिलांना IVF सेंटरमध्ये पाठवलं जात होतं. तिथल्या डॉक्टरांकडून ऑपरेशन थिएटरमध्ये स्त्री बीज काढून त्यांची बेकायदेशीर विक्री केली जात होती, अशी धक्कादायक माहिती समोर आली आहे. 

बदलापूर उपजिल्हा रुग्णालयाच्या मुख्य वैद्यकीय अधिकारी डॉ. ज्योत्स्ना सावंत यांच्या पथकानं सुलक्षणा गाडेकर यांच्या घरी धाड टाकून हे रॅकेट उघडकीस आणलं. या प्रकरणी गाडेकर यांच्यासह अश्विनी चाबुकस्वार आणि मंजुषा वानखडे यांच्याविरुद्ध गुन्हा दाखल करण्यात आला आहे.  हे एक मोठं इंटरनॅशनल रॅकेट असण्याची शक्यता आहे. 

Badlapur IVF Scandal : महिलांना 15 ते 20 हजार रुपये

ज्या महिलांच्या गर्भात स्त्री बीज प्रक्रिया केली जात असे अशा महिलांना 15 ते 20 हजार रुपये दिले जात असल्याची माहिती समोर आली आहे. तर मध्यस्थी काम करणाऱ्या महिलांना तीन हजार रुपये दिले जात असल्याची माहिती आहे. स्त्री बीज हे तामिळनाडू, कर्नाटक, गुजरात, केरळ या राज्यांमध्ये पाठवली जात असल्याची माहिती समोर आली आहे. 

या प्रकरणात आपल्या पत्नीला फसवण्यात येत असल्याचा आरोप सुलक्षणा गाडेकरचे पती संजय वर्मा यांनी केला. ते म्हणाले की, "माझी पत्नी केवळ मध्यस्थ म्हणून काम करत होती. ज्या महिलांशी संपर्क होत असे, त्यांना प्रक्रियेची माहिती देत असे आणि त्यांचे आधार कार्ड, पॅन कार्ड तसेच त्यांच्या पतीची परवानगी आणि स्वाक्षरीसह आधार आणि पॅन कार्डची कागदपत्रे घेतल्यानंतरच संबंधित महिलेला डॉक्टरांकडे भेटीसाठी पाठवत असे. या कामासाठी तिला तीन हजार रुपये मानधन मिळत असे. ज्या महिलांच्या गर्भात  स्त्री बीज प्रक्रिया केली जात  असे, तिला 15 ते 20 हजार रुपये दिले जात असे. डोनर महिलांना डॉक्टरांकडे सुमारे पंधरा दिवस इंजेक्शन दिले जात होते. त्यानंतर तयार झालेले बीज वैद्यकीय प्रक्रियेद्वारे काढण्यात येत होते."

ही बातमी वाचा: