Shahapur School : मासिक पाळी तपासण्यासाठी विवस्त्र केलं, मुख्याध्यापिकेसह पाच आरोपींना 14 दिवसांची न्यायालयीन कोठडी
Shahapur English School Controversy : मासिक पाळी तपासण्याच्या बहाण्याने विद्यार्थिनींना विवस्त्र करून त्यांचा छळ केल्याचा धक्कादायक प्रकार शहापूरच्या दमाणी इंग्लिश मीडियम स्कूलमध्ये घडला होता.
ठाणे : शहापूरच्या दमाणी इंग्लिश स्कूलमधील विद्यार्थिनींच्या विवस्त्र प्रकरणी मोठी बातमी समोर आली आहे. शहापूर पोलिसांच्या ताब्यात असलेल्या पाचही आरोपींना कल्याण न्यायालयाने 14 दिवसांची न्यायालयीन कोठडी सुनावली. शहापूर पोलिसांनी याप्रकरणी एकूण आठ जणांवर गुन्हा दाखल करण्यात आला आहे. त्यापैकी मुख्याध्यापिका, एक महिला कर्मचारी आणि शाळेतील तीन महिला शिक्षिका अशा पाच आरोपींना न्यायालयीन कोठडी सुनावण्यात आली आहे.
या प्रकरणी संस्था चालक आणि एक अन्य शिक्षिका फरार असून पोलिस त्यांचा शोध घेत आहेत. मासिक पाळी तपासण्याच्या बहाण्याने विद्यार्थिनींना विवस्त्र करून त्यांचा छळ केल्याचा धक्कादायक प्रकार घडला होता. ठाणे जिल्ह्यातील शहापूर शहरातील नामांकित आर एस दमाणी इंग्लिश स्कूलमध्ये हा प्रकार घडला.
याप्रकरणी पीडित विद्यार्थिनींच्या पालकांच्या तक्रारीवरून मुख्यध्यापिकेसह आठ जणांवर पोक्सो अंतर्गत गुन्हा दाखल करण्यात आला आहे. त्यामध्ये पाच शिक्षिका, दोन महिला कर्मचारी, एक शिपायाचा समावेश आहे.
Shahapur Damani English School Controversy : नेमकं काय घडलं?
शहापूर शहरातील आर एस दमाणी इंग्लिश स्कूलमध्ये 300 च्या जवळपास मुली शिक्षण घेत आहेत. 8 जुलै रोजी सकाळी 10 ते 12 च्या सुमारास मुख्यध्यापिकांनी मुलींना शाळेच्या हॉलमध्ये एकत्रित बोलावले. त्यानंतर शाळेतील बाथरूमच्या भिंतीवर आणि बाथरुमच्या लादीवरील रक्ताचे डाग असलेले फोटो प्राजेक्टरवर दाखवले.
मुलींच्या हाताचे ठसेही घेतले
मासिक पाळी आली आहे किंवा नाही याबाबत विचारणा त्यांनी विद्यार्थिनींकडे केली. त्यानंतर ज्या मुलींना मासिक पाळी आली आहे त्या मुलींच्या हाताचे ठसे घेण्यास 5 शिक्षिकाना सांगितले. तसेच ज्या मुली त्यांना मासिक पाळी आली नाही असं सांगतात त्यांना बाथरूममध्ये नेऊन त्यांचे कपडे काढून तपासणी करण्याचे आदेश महिला कर्मचाऱ्यांना दिले.
पालकांनी गोंधळ घातला
या धक्कादायक घटनेची माहिती समजताच पालकांनी ( 9 जुलै रोजी ) शाळा गाठत मुलींसोबत घडलेल्या प्रकराचा जाब विचारत गोंधळ घातला. दुसरीकडे इयत्ता 5 वी ते 10 वी पर्यंतच्या विद्यार्थिनींना मासिक पाळी या नैसर्गिक प्रक्रियेबाबत योग्य शिक्षण देण्याऐवजी त्यांच्यावर मानसिक परिणाम होईल अशा रीतीने या विद्यार्थिनींना विवस्त्र करण्याचा लज्जास्पद प्रकार केल्याचा आरोप केला.
शहापूरमधील एका शाळेमध्ये स्वच्छतागृहात मासिक पाळीचे रक्त आढळल्याने मुख्याध्यापिकांनी महिला सफाईगारामार्फत सर्व मुलींची आक्षेपार्ह अशी शारीरिक तपासणी केल्याची घटना घडली आहे. मासिक पाळीला सामोरे जात असताना मुलींच्या शरीरात, मनात होणारे बदल यात त्यांची मानसिकता संवेदनशील असताना..१/३
— Maharashtra State Commission for Women (@Maha_MahilaAyog) July 10, 2025
ही बातमी वाचा:
महत्त्वाच्या बातम्या
