Pune Crime News: पहिले समजावले, मग वाद होताच संपवले; दारु पिऊन त्रास देणाऱ्या लहान भावाचा खून, पुण्यातील भयावह घटना

Pune Crime News: पुण्यातील बिबवेवाडी भागात दारु पिऊन त्रास देणाऱ्या लहान भावाचा खून केल्याचा भयावह प्रकार समोर आला आहे.

Pune Crime News

Source : ABP

Pune Crime News पुणे: पुण्यातील बिबवेवाडी भागात एक धक्कादायक घटना (Pune Crime News) घडली आहे. दारु पिऊन त्रास देणाऱ्या लहान भावाचा खून केल्याचा भयावह प्रकार समोर आला आहे. प्रवीण उर्फ ऋतिक दत्तात्रय नवले (24) असे मयत झालेल्याचे नाव आहे. तर याप्रकरणी 26 वर्षीय अनिकेत दत्तात्रय नवले याला अटक करण्यात आली आहे. 

नेमकं काय घडलं?

प्रवीण आणि अनिकेत सख्खे भाऊ आहेत. दोघे बिबवेवाडी भागात राहतात. प्रवीण काही कामधंदा करत नव्हता. त्याला दारूचे व्यसन आहे. दारूसाठी पैसे मागून तो कुटुंबीयांना त्रास द्यायचा. सोमवारी (14जुलै) सकाळी प्रवीणला अनिकेत समजावून सांगण्यासाठी गेला होता. दारू पिऊन आम्हाला त्रास देऊ नको, असे त्याने प्रवीणला सांगितले. त्यावर प्रवीणने अनिकेतशी वाद घातला. वादातून अनिकेतने प्रवीणवर चाकूने वार केले. गंभीर जखमी झालेल्या प्रवीणला रहिवाशांनी तातडीने रुग्णालयात दाखल केले. उपचारादरम्यान त्याचा मृत्यू झाला.

आळंदीतील वारकरी शिक्षण संस्थेत तरुणीवर अत्याचार-

आळंदी येथील केळगाव रस्त्यावर असलेल्या एका खासगी वारकरी शिक्षण संस्थेत तरुणीला डांबून तिच्यावर वारंवार बलात्कार (Pune Crime News) करण्यात आल्याचा धक्कादायक प्रकार उघडकीस आला आहे. या प्रकरणात एका कीर्तनकार महिला सहभागी असल्याचे समोर आले असून, पीडितेने पाच जणांविरुद्ध बलात्कार, अपहरण, धमकी आणि जबरदस्तीने लग्न लावण्याचा प्रयत्न केल्याची तक्रार शेवगाव पोलीस ठाण्यात दाखल केली आहे. तसेच सखल मराठा समाजाकडून आळंदी पोलीस ठाण्यात पत्र देत कडक कारवाईची मागणी केली आहे. 2 जून 2025 रोजी ती घरी एकटी असताना तिच्या ओळखीच्या एका महिलेने तिला शेताकडे जाण्याचे कारण सांगून घराबाहेर नेले. त्याचवेळी वाटेत काळ्या रंगाच्या इर्टिगा गाडीतून आलेल्या आण्णासाहेब आंधळे, प्रविण आंधळे आणि एका अनोळखी चालकाने तिचे जबरदस्तीने अपहरण केले. तिने आरडाओरड केली असता अ‍ॅसिड टाकण्याची धमकी देण्यात आली. नंतर तिला आळंदी येथील खासगी मुलींच्या वारकरी शिक्षण संस्थेत नेण्यात आले. तिथे आण्णासाहेब आंधळे, प्रविण आंधळे, कीर्तनकार सुनिता आंधळे आणि अभिमन्यु आंधळे यांनी तिला खोलीत डांबून ठेवले. फिर्यादीनुसार, या ठिकाणी आण्णासाहेब आंधळे यांनी तिच्यावर वारंवार बलात्कार केल्याची धक्कादायक घटना घडली.

राज्यासह देश-विदेशातील महत्वाच्या बातम्या, VIDEO:

संबंधित बातमी: