Pune Crime news: दौंड पुणे जिल्हा मध्यवर्ती बँकेच्या कर्मचाऱ्यांची शेतकऱ्याला जमिनीवर पाडून मारहाण
आता दौंड पोलीस ठाण्यात या दोघांनीही परस्परविरोधी तक्रार दाखल केली असून दौंड पोलीस या गुन्ह्याचा अधिक तपास करत आहेत.
Pune Crime News: पुणे जिल्ह्यातील दौंड तालुक्यातून एक धक्कादायक प्रकार समोर आलाय. पुणे जिल्हा मध्यवर्ती सहकारी बँकेच्या मलठण शाखेतील कर्मचाऱ्याने एका शेतकऱ्याला मारहाण केल्याचा व्हिडिओ सध्या सोशल मीडियावर मोठ्या प्रमाणात व्हायरल होत आहे. या घटनेमुळे परिसरात संतापाची लाट उसळली आहे. अक्षय पांडुरंग आटोळे असे संबंधित बँक कर्मचाऱ्याचे नाव असून भीमराव विठोबा पांढरे हे मारहाण झाल्याचा आरोप करणारे शेतकरी आहेत. (Crime News)
नेमकं घडलं काय?
दौंडमधील मलठण येथील शेतकरी भीमराव विठोबा पांढरे यांनी या बँक कर्मचाऱ्यांची तक्रार वरिष्ठांकडे केली होती आणि त्याचा राग मनात धरत दौंड तालुक्यातील लिंगाळी ग्रामपंचायत समोर आपल्याला या बँक कर्मचाऱ्याने मारहाण केल्याची तक्रार भीमराव पांढरे यांनी दौंड पोलीस ठाण्यात दाखल केले आहे. तर भीमराव विठोबा पांढरे यांनी कर्जाच्या अर्जामध्ये त्रुटी निघाल्याच्या कारणातून बँकेत येऊन व फोनवरून शिवीगाळ केल्याचा आरोप संबंधित बँक कर्मचारी अक्षय आटोळे यांनी केलाय.शिवाय लिंगाळी ग्रामपंचायत समोर आपल्याला मारहाण केल्यास ची फिर्याद आटोळे यांनी दौंड पोलिसात नोंदवली आहे. आता दौंड पोलीस ठाण्यात या दोघांनीही परस्परविरोधी तक्रार दाखल केली असून दौंड पोलीस या गुन्ह्याचा अधिक तपास करत आहेत.
अर्वाच्च भाषेत शिवीगाळ
व्हायरल झालेल्या व्हिडिओमध्ये संबंधित बँक कर्मचारी शेतकऱ्याला जमिनीवर पाडून मारहाण करताना दिसत आहे. यावेळी तो अर्वाच्च भाषेत शिवीगाळ करत असल्याचेही स्पष्टपणे दिसते. वरिष्ठांकडे तक्रार केल्याचा राग मनात धरून आटोळे यांनी लिंगाळी ग्रामपंचायत समोर त्यांना मारहाण केली. दुसरीकडे, बँक कर्मचारी अक्षय आटोळे यांनीही आपली बाजू मांडत भीमराव पांढरे यांच्यावर आरोप केले आहेत. बँक कर्मचाऱ्याकडून शेतकऱ्याला शिवीगाळ करत बेदम मारहाण केल्याचा प्रकार समोर आला आहे. या घटनेचा व्हिडिओ सध्या सोशल मीडियावर वेगाने व्हायरल होत असून नागरिकांमध्ये संतापाची लाट उसळली आहे.
या प्रकरणामागे जुना वाद असल्याची माहिती समोर येत आहे. शेतकरी भीमराव पांढरे यांनी संबंधित बँक कर्मचाऱ्याविरोधात वरिष्ठांकडे तक्रार केली होती. त्याचाच राग मनात धरून ही मारहाण केल्याचा आरोप पांढरे यांनी केला आहे. घटनेनंतर त्यांनी दौंड पोलीस ठाण्यात तक्रार दाखल केली असून संबंधितांवर कठोर कारवाई करण्याची मागणी केली आहे. सध्या दौंड पोलीस या प्रकरणाचा सखोल तपास करत आहेत .
महत्त्वाच्या बातम्या
