Crime News : आईने शिकवलं 'गुड टच, बॅड टच'; 9 वर्षाच्या मुलीने बलात्कारी शिक्षकाचे फोडले बिंग

Crime News : आईने लहानग्या मुलीला 'गुड टच, बॅड टच' शिकवल्यानंतर एका 9 वर्षाच्या पीडित मुलीने आपल्यावर झालेल्या अत्याचाराची माहिती दिली. या प्रकरणी पोलिसांनी आरोपी शिक्षकाला अटक केली.

Crime News : आईने शिकवलं 'गुड टच, बॅड टच'; 9 वर्षाच्या मुलीने बलात्कारी शिक्षकाचे फोडले बिंग

Rape on Minor Girl :  महिलांसह लहान मुलींदेखील शारिरीक अत्याचाराला बळी पडतात. मुलीच्या सुरक्षितेसाठी एका आईने आपल्या 9 वर्षाच्या मुलीला  'गुड टच, बॅड टच' शिकवले. मात्र, त्यानंतर मुलीने सांगितलेल्या माहितीने आईच्या पायाखालची जमीनच सरकरली. चार वर्षापूर्वी आपल्यासोबत शाळेत झालेल्या अत्याचाराची माहिती या मुलीने आईला सांगितली. कुटुंबाच्या तक्रारीनंतर पोलिसांनी आरोपी शिक्षकाला बेड्या घातल्या. 

राजस्थानमध्ये ही घटना उघडकीस आली. 9 वर्षीय पीडित मुलीच्या आईने सांगितले की, 26 जानेवारी 2018 रोजी शाळेत होणाऱ्या वार्षिक स्नेह संमेलनाच्या कार्यक्रमासाठी नृत्याचा सराव सुरू होता. या दरम्यान, शाळेतील एका शिक्षकाने तिच्यासोबत प्रसाधनगृहात अत्यातार केला. मुलीने माहिती दिल्यानंतर आईने पोलीस ठाण्यात धाव घेतली. 

मुलीला दिली होती ठार मारण्याची धमकी

पोलिसांनी पीडित मुलीची वैद्यकीय चाचणी केली. या चाचणीत तिच्यावर अत्याचार झाले असल्याचे समोर आले. पोलिसांनी आरोपी शिक्षकाला अटक केली. या आरोपी शिक्षकाने अत्याचार केल्यानंतर हा प्रकार कोणालाही सांगितल्यास जीवे मारू अशी धमकी दिली होती. पीडित मुलीने या धमकीला घाबरून या प्रकाराची माहिती कोणालाही दिली नाही. 

पीडित मुलीला मानसिक धक्का

पीडितेच्या आईने सांगितले की, या घटनेनंतर ती घाबरलेली असायची. तिने या घटनेबाबत कोणालाही सांगितले नाही. डोके दुखी होत असल्याचे ती सांगत असे. डॉक्टरांकडेही नेण्यात आले होते. मात्र, याबाबत काहीही समोर आले नाही. अखेर 'गुड टच, बॅड टच' काय असतं हे सांगितल्यानंतर घडलेल्या प्रकाराची माहिती दिली.  

इतर महत्त्वाच्या बातम्या:

 

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha