NEET पेपर लीक प्रकरणी महत्वाची बातमी समोर, CBI कडून आणखी एका मास्टरमाइंडला दिल्लीतून अटक 

NEET-UG 2026 पेपर लीक प्रकरणी महत्वाची अपडेट समोर आली आहे. CBI कडून आणखी एका मास्टरमाइंडला अटक करण्यात आली आहे.

NEET Exam 2026 News

Source : Getty Images

NEET Exam 2026 : NEET-UG 2026 पेपर लीक प्रकरणी महत्वाची अपडेट समोर आली आहे. CBI कडून आणखी एका मास्टरमाइंडला अटक करण्यात आली आहे. CBIने NEET-UG 2026 परीक्षेतील बायोलॉजी प्रश्नपत्रिका लीक प्रकरणातील आणखी एका कथित मास्टरमाइंडचा पर्दाफाश केला आहे. पुण्यातील वरिष्ठ बॉटनी शिक्षिका मनीषा गुरुनाथ मांढरे हिला दिल्लीत अटक करण्यात आली आहे.

मनीषा पांढरेंनी बॉटनी आणि झूलॉजी विषयातील प्रश्न विद्यार्थ्यांना सांगितले

दरम्यान, CBI ने दिलेल्या माहितीनुसार, मांढरे या NTA कडून NEET-UG 2026 परीक्षेसाठी एक्सपर्ट म्हणून नियुक्त करण्यात आल्या होत्या. त्यामुळं त्यांना बॉटनी आणि झूलॉजी प्रश्नपत्रिकांपर्यंत संपूर्ण प्रवेश होता. एप्रिल 2026 दरम्यान मांढरे यांनी पुण्यातील मनीषा वाघमारेच्या माध्यमातून NEET परीक्षार्थींना संपर्क साधून स्वतःच्या पुण्यातील घरी विशेष कोचिंग क्लासेस घेतल्याचा आरोप आहे. या वर्गांमध्ये त्यांनी बॉटनी आणि झूलॉजी विषयातील प्रश्न विद्यार्थ्यांना सांगितले, वहीत लिहून घेतले तसेच पुस्तकांमध्ये मार्क करण्यास सांगितले. तपासात समोर आलेल्या माहितीनुसार, यातील बहुतांश प्रश्न 3 मे 2026 रोजी झालेल्या NEET-UG परीक्षेतील प्रत्यक्ष प्रश्नपत्रिकेशी जुळले.

या प्रकरणी आत्तापर्यंत एकूण 9 आरोपींना अटक करण्यात यश

दरम्यान, गेल्या 24 तासांत CBIने देशभरातील 6 ठिकाणी छापेमारी करून महत्त्वाची कागदपत्रे, लॅपटॉप, बँक स्टेटमेंट्स आणि मोबाईल फोन जप्त केले आहेत. जप्त साहित्याची सविस्तर तपासणी सुरू आहे. शिक्षण मंत्रालयाच्या उच्च शिक्षण विभागाच्या तक्रारीवरून CBIने 12 मे 2026 रोजी या प्रकरणात गुन्हा दाखल केला होता. त्यानंतर विशेष पथके स्थापन करून देशभरात शोधमोहीम आणि चौकशी सुरू करण्यात आली आहे. या प्रकरणात आतापर्यंत दिल्ली, जयपूर, गुरुग्राम, नाशिक, पुणे आणि अहिल्यानगर येथून एकूण 9 आरोपींना अटक करण्यात आली आहे. त्यापैकी 5 आरोपींना सात दिवसांची पोलीस कोठडी सुनावण्यात आली असून, इतर दोन आरोपींना पुणे न्यायालयातून ट्रान्झिट रिमांड घेऊन दिल्लीत नेण्यात आले आहे.

या प्रकरणाचा निष्पक्ष आणि व्यावसायिक तपास सुरू असल्याची CBI कडून माहिती

CBI च्या तपासात केमिस्ट्री आणि बायोलॉजी प्रश्नपत्रिका लीकचा मूळ स्रोत, तसेच लाखो रुपये घेऊन विद्यार्थ्यांना विशेष क्लासेससाठी एकत्र करणारे मध्यस्थ समोर आल्याचा दावा करण्यात आला आहे. या प्रकरणाचा निष्पक्ष आणि व्यावसायिक तपास सुरू असल्याचे CBIने स्पष्ट केले आहे. दरम्यान, सीबीआयच्या तपासातून एक अत्यंत धक्कादायक पॅटर्न समोर आला आहे. नीट घोटाळ्यातील आरोपींनी पेपर फोडण्यासाठी आपापसात विषय वाटून घेतले होते. 

महत्वाच्या बातम्या: