नागपुरात हत्याकांडाचा थरार! काली माता मंदिरासमोर सख्या मामानेच भाच्याला संपवले, भावाला वाचवायला गेलेला दुसराही गंभीर जखमी

तहसील पोलीस ठाणे हद्दीतील गांधीबाग परिसरात काली माता मंदिरासमोर रविवारी मध्यरात्री वैयक्तिक वादातून मामानेच सख्ख्या भाच्याला चाकूने हल्ला करून संपवल्याची घटना घडली.

nagpur Crime

Source : ABPLIVE AI

Nagpur Murder Update: नागपूरच्या गांधीबाग परिसरात झालेल्या हत्याने शहरात मोठी खळबळ उडाली आहे. काली माता मंदिराजवळ मध्यरात्री घडलेल्या या हत्याकांडात आता नवी माहिती समोर आली आहे. आपसी वादातून मामाने भाच्याचा खून केल्याचं उघडकीस आला असून काली माता मंदिरासमोर चाकूने जीवघेणा हल्ला करून भाच्याला संपत भावाला वाचवण्यासाठी गेलेल्या दुसऱ्या भाच्यालाही गंभीर जखमी केल्याची घटना घडलीय. जखमी तरुणावर मेईू रुग्णालयात उपचार सुरू असून त्याची प्रकृती गंभीर असल्याची माहिती आहे. या प्रकरणाचा पुढील तपास तहसील पोलीस करत असून घटनेने मोठी खळबळ उडाली आहे. (Nagpur Murder)

तहसील पोलीस ठाणे हद्दीतील गांधीबाग परिसरात काली माता मंदिरासमोर रविवारी मध्यरात्री वैयक्तिक वादातून मामानेच सख्ख्या भाच्याला चाकूने हल्ला करून संपवल्याची घटना घडली. रवि राठोड असे मृत झालेल्या भाच्याचे नाव असून त्याला वाचवायला गेलेल्या भावाचे नाव दीपक राठोड असे आहे. बदनसिंग राठोड हे आरोपी मामाचे नाव आहे.(Crime News)

नक्की घडले काय?

नागपूरच्या गांधीबाग परिसरातील कालीमाता मंदिराजवळ मध्यरात्री सख्या मामाने भाच्याला चाकूने भोसकल्याची घटना घडली. घटना घडताना भावाला वाचवण्यासाठी गेलेला तरुण गंभीर जखमी झाला. तहसील पोलीस ठाण्याच्या हद्दीत झालेल्या घटनेने परिसरात खळबळ माजली आहे. प्राथमिक माहितीनुसार हा हल्ला पैशांच्या जुन्या वादातून झाल्याचं कळतंय. घटनेची माहिती मिळताच पोलीस घटनास्थळी दाखल झाले असून जखमी तरुणाला तात्काळ रुग्णालयात उपचारासाठी दाखल करण्यात आले. पोलीस या प्रकरणाचा सखोल तपास करत असून हल्लेखोरांचा शोध सुरू आहे. घटनास्थळावरील सीसीटीव्ही फुटेज तपासले जात आहेत.

वैयक्तिक वादातून खून

राज्यात गुन्हेगारीने कळस गाठला असून मस्साजोग सरपंच संतोष देशमुख हत्या, परळी गोळीबार अल्पवयीन मुलींवर लैंगिक अत्याचार अशा गुन्ह्यांमध्ये वाढ झाली आहे. नागपूर मध्ये घडलेल्या सलग दोन हत्याकांडांनी संपूर्ण शहर हादरलय. रविवारी दिवसाढवळ्या ख्रिश्चन दफनभूमी परिसरात चौकीदाराला अज्ञात तरुणाने भोसकल्याची घटना उघडकीस आली.  त्यानंतर मध्यरात्री गांधीबाग परिसरात काली माता मंदिराजवळ मामानेच भाच्याला संपवल्याची घटना घडली. दोन्ही भाज्यांमध्ये आणि मामांमध्ये मागील काही दिवसांपासून वाद सुरू होता. या वादातूनच हा खून झाल्याचं सांगण्यात येतंय.

दिवसाढवळ्या चाकूचे वार करत संपवले

नागपूर शहरातील हत्यासत्र थांबायचं नाव घेत नसल्याचं समोर येतंय. रविवारी दिवसाढवळ्या आणखी एकाची हत्या करण्यात आल्याचे समोर आले आहे. दुपारी दोन वाजाताच्या सुमारास ख्रिश्चन स्मशानाच्या चौकीदारावर चाकूचे वार करत एका तरुणाने ही घटना जरीपटका ख्रिश्चन दफनभूमीत येथे घडली असून रमेश शेंडे असं खून झालेल्या चौकीदाराचे नाव आहे. या घटनेने नागपूर शहरासह परिसरात भीतीचे वातावरण आहे. घटनेची माहिती मिळताच पोलीसांनी घटनास्थळी पोहोचत आरोपीला ताब्यात घेतले असून हत्येचा गुन्हा दाखल करण्यात आलाय.(Maharashtra Crime News)

हेही वाचा