Mumbai Crime : पत्रकारितेच्या विद्यार्थिनीवर लैंगिक अत्याचार, गुन्हा नोंद, पोलिस आरोपीच्या शोधात
शीतपेयात गुंगीचं औषध टाकून लैंगिक अत्याचार केले आणि त्या प्रसंगाचा व्हिडीओ करुन धमकावल्याची तक्रार पीडित महिलेने दिली आहे.
मुंबई: कफ परेड पोलिसांनी 24 वर्षीय महिलेवर बलात्कार आणि लैंगिक अत्याचार केल्याप्रकरणी एका आरोपीविरुद्ध गुन्हा दाखल केला आहे. प्रशांत पांडे असे आरोपीचे नाव असून त्याचा शोध सुरू असल्याचे पोलिसांनी सांगितले. कफ परेड पोलीस ठाण्यात आयपीसी कलम- 376(2)(n),354(D),323,506,509 प्रमाणे गुन्हा दाखल करून पोलिसांनी पुढील तपास सुरू आहे. फिर्यादी ही पत्रकारीता कोर्सच्या पहिल्या वर्षात असून मुंबईचा एका कॉलेजमध्ये शिक्षण घेत आहे.
पीडित महिलेने आरोप केला आहे की, आरोपी प्रशांत पांडे यांने तिच्याशी मैत्री करून एका हॉटेलमध्ये नेलं. त्या ठिकाणी तिला दिलेल्या पेयात गुंगी येणारा पदार्थ टाकून तिच्याशी जबरदस्तीने शारीरिक संबंध ठेवले. त्या घटनेचा अश्लील व्हिडीओ आणि फोटो काढला. त्यानंतर तिचा सदरचे फोटो आणि व्हिडीओ तिच्या नातेवाईकांना तसेच इंटरनेटवर प्रसारित करण्याची धमकी देऊन बऱ्याच वेळा जबरदस्तीने शारीरिक संबंध करण्यास भाग पाडले.
शारीरिक संबंध ठेवण्यास नकार दिल्याने तिला रस्त्यात लाथा बुक्क्यांनी मारहाण केली तसेच तिचा मोबाईल जबरदस्तीने हिसकाऊन घेऊन तो तोडला. तसेच आता तिला त्याच्यासोबत शारीरिक संबंध ठेवायचे नसतानादेखील तो फिर्यादी राहत असलेल्या बिल्डिंग खाली आणि ती शिक्षण घेत असलेल्या कॉलेज जवळ येऊन तिचा पाठलाग करून जवळीक साधण्याचा प्रयत्न केला. वारंवार विविध मोबाईल फोनवरून कॉल करून मानसिक त्रास देत असल्याचीही तक्रार फिर्यादीने केली आहे.
तीस रुपयांसाठी मेडिकल कर्मचाऱ्यारा मारहाण
अवघ्या तीस रुपयांसाठी मेडिकल दुकानातील कर्मचाऱ्याला चार-पाच जणांकडून बेदम मारहाण करण्याचा प्रकार समोर आला आहे. मारहाणीचे सीसीटीव्ही फुटेज वायरल झाल्यानंतर चारकोप पोलिसांनी मारहाण करणाऱ्यांच्या विरोधात गुन्हा दाखल केला आहे. मारहाण करणाऱ्या सर्वांना पोलिसांकडून नोटीस पाठवण्यात आली आहे.
मिळालेल्या माहितीनुसार, चारकोप पोलीस ठाण्याच्या हद्दीतील डहाणूकरवाडी असर मेडिकल शॉपमध्ये एक मुलगा औषध विकत घेण्यासाठी आला. औषध विकत घेतल्यानंतर त्याने गुगल पे द्वारा औषधाचे बिल दुकानदाराला दिले. तीस रुपये जास्त दिल्याचे दुकानदाराच्या लक्षात आणून देत तरुणाने पैशाची मागणी केली. कर्मचाऱ्यांची खात्री झाल्यानंतर त्याने 30 रुपये औषध खरेदी करणाऱ्याला परत केले. मात्र यांच्यात काही बाचाबाची झाली. यानंतर रात्री पावणे बारा वाजण्याच्या सुमारास त्या मुलाने त्याचे आई-वडील आणि इतर कुटुंबीयांना सोबत घेऊन येत मेडिकल दुकानातील कर्मचाऱ्याला मारहाण केली. व्हायरल झालेल्या व्हिडीओमध्ये ही मारहाण स्पष्टपणे दिसत आहे.
महत्त्वाच्या बातम्या
ट्रेंडिंग न्यूज
