डी-गँगशी संबंध असलेल्या दोघांना अटक, छोटा शकीलच्या सोबतीने गैरव्यवहार, NIA ची कारवाई 

 NIA Arrested two links with D-Gang : छोटा शकील आणि दोघांत महिनाभरापूर्वी हा व्यवहार झाल्याचे सूत्रांनी सांगितले. एनआयएचे पथक त्यांना शुक्रवारी न्यायालयात हजर करणार आहे.

NIA Arrested two links with D-Gang

NIA Arrested two links with D-Gang : NIA टीमने गुरुवारी चार दिवसांच्या चौकशीनंतर गुंड छोटा शकील यांच्यात मनी ट्रेलचा व्यवहार आढळून आल्यानंतर गुरूवारी दोघांना अटक केली. सुत्रांच्या माहितीनुसार आरिफ अबू बकर शेख आणि शकील अबू बकर शेख उर्फ ​​शब्बीर अशी अटक करण्यात आलेल्या दोघांची नावे आहेत. दोघेही मुंबईतील ओशिवरा येथील रहिवासी आहेत. त्यांच्यात महिनाभरापूर्वी हा व्यवहार झाल्याचे सूत्रांनी सांगितले. एनआयएचे पथक त्यांना शुक्रवारी न्यायालयात हजर करणार आहे.

छोटा शकीलसोबत मनी ट्रेल सापडल्यानंतर NIA कडून दोघांना अटक
एनआयएच्या पथकाने मुंबई आणि उपनगरात 29 ठिकाणी छापे टाकले. 21 वेगवेगळ्या लोकांच्या निवासस्थानावर आणि कार्यालयावर छापे टाकण्यात आले. हे एकतर साक्षीदार होते, 93 बॉम्बस्फोट प्रकरणांमध्ये निर्दोष सुटले होते. एनआयएचे पथक गेल्या 4 दिवसांपासून मुंबईतील एनआयए मुख्यालयात सुमारे 18 जणांची चौकशी करत होते. दरम्यान, माहीम दर्गा ट्रस्टी सुहेल खांडवानी, सलीम कुरेशी उर्फ ​​सलीम फ्रूट, गुड्डी पठाण, मुनाफ शेख, अस्लम पठाणी, अजय गोसालिया, कय्युम शेख, समीर हिंगोरे यांना चौकशीनंतर सोडण्यात आले.

29 पथकांचे विविध ठिकाणी छापे
सोमवारी पहाटे छापेमारी सुरू झाली, यावेळी NIA, CRPF आणि स्थानिक पोलिसांसह प्रत्येकी 8 ते 9 अधिकार्‍यांचा समावेश असलेल्या 29 पथकांनी वेगवेगळ्या ठिकाणी छापे टाकले. माहीम, नागपाडा, ग्रँट रोड, सांताक्रूझ, अँटॉप हिल, वांद्रे, मीरा रोड, परळ यासह इतर ठिकाणे. स्थानिक पोलीस आणि सीआरपीएफच्या मदतीने छापा टाकण्यासाठी देशभरातील सर्व राज्यांतील एनआयएचे अधिकारी एक दिवस अगोदर मुंबईत पोहोचले. यापूर्वी, एनआयएने दाऊद इब्राहिम कासकर उर्फ ​​दाऊद भाई, त्याचा भाऊ हाजी अनीस उर्फ ​​अनीस इब्राहिम शेख, शकील शेख उर्फ ​​छोटा शकील, जावेद पटेल उर्फ ​​जावेद चिकना, इब्राहिम मुश्ताक अब्दुल रज्जाक मेमन उर्फ टाइगर मेमन यांच्या विरोधात गुन्हेगारी कट आणि UAPA कलमांखाली गुन्हा दाखल केला होता. 

1993 च्या मुंबई बॉम्बस्फोट प्रकरणातील प्रमुख आरोपी, NIA चा आरोप
तपास यंत्रणेने आरोप केला की, दाऊदने भारत सोडल्यानंतर, त्याच्या जवळचे सहकारी, नातेवाईक यांच्यामार्फत आपल्या गुन्हेगारी कारवायांवर नियंत्रण ठेवण्यास सुरुवात केली. दाऊद आणि टायगर मेमन हे 1993 च्या मुंबई बॉम्बस्फोट प्रकरणातील प्रमुख आरोपी आहेत.