Jalgaon : जळगावात दुर्देवी घटना; ट्रक-बोलेरोच्या अपघातात पाच जणांचा मृत्यू, सहा जखमी
Jalgaon Accident News : जळगावमध्ये ट्रक आणि बोलेरोच्या समोरासमोर झालेल्या भीषण अपघातात पाच जणांचा जागीच मृत्यू झाल्याची तर सहा जण जखमी झाल्याची दुर्दैवी घटना घडली आहे.
Jalgaon Accident News : जळगावमध्ये ट्रक आणि बोलेरोच्या समोरासमोर झालेल्या भीषण अपघातात पाच जणांचा जागीच मृत्यू झाल्याची तर सहा जण जखमी झाल्याची दुर्दैवी घटना घडली आहे. जळगाव जिल्ह्यातील मुंबई नागपूर महामार्गावर नशिराबाद गावाजवळ सकाळी आठ वाजता ही घटना घडली.
जळगावच्या फैजपूर येथील बाजारासाठी बोलेरो पीकअप वाहनातून बकर्या घेऊन जाणार्या वाहनाला भरधाव वेगाने रॉंग साईडने येणार्या ट्रकने उडवले असून यात पाच जणांचा जागीच मृत्यू झाला आहे. जळगाव आणि नशिराबाद येथून बकर्या भरून एक एमएच 43 एडी : 1051 क्रमांकाचे बोलेरो पीकअप वाहन फैजपूर येथे बाजार असल्याने निघाले होते. राष्ट्रीय महामार्गावरील टोल नाक्याच्या पुढे असणार्या उड्डाणपुलाजवळ समोरून (भुसावळकडून ) भरधाव वेगाने येणार्या एमएच 09 एचजी : 9521 क्रमांकाच्या ट्रकने रॉंग साईडला येऊन या वाहनाला जोरदार धडक दिली.
यानंतर हाच ट्रक अजून एका वाहनाला धडकला. या भीषण तिहेरी अपघातात पाच जणांचा मृत्यू झाला असून सहा जण जखमी झाले आहेत. जखमींवर डॉ. उल्हास पाटील मेडिकल कॉलेजमध्ये उपचार सुरू आहेत. हा अपघात आज सकाळी साडेसात वाजेच्या सुमारास घडला. दरम्यान, अपघाताची माहिती मिळताच परिसरातील नागरिकांनी घटनास्थळी धाव घेऊन मदतकार्य सुरू केले. महामार्गावर या घटनेनंतर गाड्यांच्या लांबच लाब रांगा लागलेल्या पाहायला मिळाल्या.
Before You Go
Allegations Against Mangesh Jagtap Baramati: रिसॉर्ट बूक केलं, तारीख काढली, मला बघताच पळतो...; मंगेश जगताप यांच्यावर गंभीर आरोप, राष्ट्रवादीतील तरुणी थेट जिल्हा परिषदेच्या सभेत पेट्रोल घेऊन घुसली, पुण्यात खळबळ!
महत्त्वाच्या बातम्या
