Kalyan News: भाईगिरीच्या वर्चस्वाचा वाद; एका गुन्हेगाराने दुसऱ्या गुन्हेगाराची भर रस्त्यात संपवलं; कल्याणमधील घटनेने खळबळ

Kalyan News:  भाईगिरीच्या वादातून एका गुंडांने दुसऱ्या गुंडाला भरचौकात सपासप वार करून संपवले असल्याची घटना समोर आली आहे.

Kalyan News: भाईगिरीच्या वर्चस्वाचा वाद; एका गुन्हेगाराने दुसऱ्या गुन्हेगाराची भर रस्त्यात संपवलं; कल्याणमधील घटनेने खळबळ

Kalyan Crime News:  मुख्यमंत्र्याच्या जिल्ह्यात गुन्हेगारांचा (Crime In Thane) चढता आलेख पाहता, जिल्ह्यात रोजच विविध शहरातील पोलीस ठाण्याच्या हद्दीत  खून, दरोडे, अत्याचार , फसवणुकी, घरफोड्या चोऱ्याच्या गुन्हांच्या नोंदीवरून दिसून येत आहेत. आता तर परिसरात वर्चस्वासाठी दोन गुंड एकमेकांच्या जीवावर उठल्याची घटना समोर आली आहे. 

या घटनेत  एका गुन्हेगाराकडून दुसऱ्या गुन्हेगाराची भर रस्त्यात चाकूने सपासप वार करून हत्या करण्यात आली. ही घटना कल्याण पूर्वेतील समता नगर भागात असलेल्या नवीन दुर्गामाता मंदिर रोडवर घडली आहे. याप्रकरणी कोळसेवाडी पोलीस ठाण्यात हत्येचा गुन्हा दाखल करून हल्लेखोर गुंडाला अटक केली आहे. टक्या उर्फ जयेश डोईफोडे ( वय 32) असे हत्येप्रकरणी अटक केलेल्या आरोपीचे नाव असून तो सराईत गुन्हेगार आहे. तर अमोल लोखंडे (वय 39) असे हत्या झालेल्या गुडांचं नाव आहे. या घटनेने परिसरात खळबळ उडाली आहे. 

कल्याण पूर्वेतील विविध भागात स्थानिक गुंडांच्या टोळ्या आजही आपआपल्या भागात गुन्हेगारीचे वर्चस्व राहावे यासाठी प्रयत्नशील असल्याचे दिसतात. त्यातून नेहमीच टोळी युद्ध पाहवयास मिळत आहे. त्यातच  मृत अमोल व आरोपी जयेश यांच्यात पूर्वीपासूनच पूर्ववैमनस्य होते. परिसरात वर्चस्व राखण्यासाठी  पुन्हा दोघांमध्ये रविवारी रात्रीच्या सुमारास  कल्याण पूर्वेतील  समता नगर भागातील नवीन दुर्गामाता मंदिर रोडवर वाद झाला. याच वादातून  भररस्त्यात  हल्लेखोर गुंड जयेशने अमोलची धारदार चाकूने सपासप वार करून निर्घृण हत्या  करून घटनास्थळावरून फरार झाला होता. 

दरम्यान घटनेची माहिती कोळसेवाडी पोलिसांना (Kolsewadi Police Station) मिळताच एक पथक घटनास्थळी दाखल झाले. त्यानंतर पंचनामा करत अमोलचा मृतदेह उत्तरणीय तपासणीसाठी शासकीय रुग्णालयात रवाना केला. दुसरीकडे हल्लेखोर जयेशवर हत्येचा गुन्हा दाखल केला. कोळसेवाडी पोलिसांनी त्याचा शोध सुरू केला असता,  काही तासातच  त्याला ताब्यात घेऊन अटक केली. अटक आरोपीला आज (सोमवारी )कल्याण जिल्हा सत्र न्यायालयात हजर केले. आरोपीला अधिक पोलीस कोठडी सुनावली आहे. या गुन्ह्याचा अधिक  तपास कोळसेवाडी पोलिस ठाण्याचे वरिष्ठ पोलिस निरीक्षक महेंद्र देशमुख यांचे मार्गदर्शनाखाली पोलीस निरीक्षक (गुन्हे) एस. जी. गवळी करीत आहेत.

घरात घुसून तरुणीवर बलात्कार,, नराधम गजाआड

कल्याण पूर्व पीसवली परिसरात एका तरुणीवर घरात घुसून तरुणाने बलात्कार केल्याची घटना घडली आहे. याबाबत पीडित तरुणीने मानपाडा पोलीस ठाण्यात तक्रार नोंदवली. या प्रकरणी मानपाडा पोलिसांनी गुन्हा दाखल करत सागर गाडे या नराधमाला अटक केली आहे. 

इतर महत्त्वाच्या बातम्या: