2BHKसाठी तगादा, समजवायला सासू घरी येताच पतीचा सासूसमोर जिवे मारण्याचा प्रयत्न, संभाजीनगरमध्ये विवाहितेच्या छळवणुकीची संतापजनक घटना
Crime news: जावयाने पत्नीचा गळा दाबून खून करण्याचा प्रयत्न केला. या प्रकारामुळे परिसरात संतापाचे वातावरण आहे.
Chhatrapati Sambhajinagar Crime: पुण्यातील वैष्णवी हगवणे प्रकरणानंतर राज्यभरातून हुंड्यासाठी छळवणुकीच्या घटना समोर येत असताना छत्रपती संभाजीनगरच्या उल्कानगरी परिसरात एक संतापजनक घटना समोर आली आहे. 4 बीएचकेऐवजी 2 बीएचके फ्लॅट घेऊन देण्यासाठी तगादा लावलेल्या मुलीच्या सासरच्यांना समजावायला आलेल्या सासूदेखत जावयाने प्राध्यापक पत्नीचा गळा दाबून जीवे मारण्याचा प्रयत्न केल्याची घटना घडली आहे. याप्रकरणी पती सासू-सासऱ्यांविरोधात जवाहरनगर पोलीस ठाण्यात गुन्हा दाखल करण्यात आला आहे. पवन विष्णू ढाकणे असे आरोपी पतीचे नाव आहे.
नेमकं प्रकरण काय?
छत्रपती संभाजीनगरच्या उल्कानगरी भागात प्राध्यापक पत्नीसोबत पतीने केलेल्या धक्कादायक कृत्याने खळबळ उडाली आहे. पतीच्या मोबाईलमध्ये दुसऱ्या मुलीचे फोटो सापडल्यानंतर वाद वाढला आणि माहेरच्यांनी फ्लॅट घेऊन दिल्यानंतरही पत्नीचा छळ थांबला नाही. अखेर सासू घरी समजावण्यासाठी आल्या असता, जावयाने पत्नीचा गळा दाबून खून करण्याचा प्रयत्न केला. या प्रकारामुळे परिसरात संतापाचे वातावरण आहे.
लग्नानंतर फोर बीएचके फ्लॅटसाठी तगादा लावल्यानंतर बाहेरच्यांनी टू बीएचके फ्लॅट घेऊन दिला. तरीही मुलीचा सासरी छळ सुरू असल्याचा समजल्यानंतर जावयाला समजावण्यासाठी आलेल्या सासूसमोर जावयाने प्राध्यापक असलेल्या पत्नीचा गळा दाबून जिवे मारण्याचा प्रयत्न केला .लग्नाच्या एका महिन्यानंतरच पती आणि सासूने पीडित तरुणीचा छळ सुरू केला होता .तुझी मुलं मी सांभाळते त्यामुळे तू नोकरी करू शकते असं म्हणत सासूने पीडित विवाहितेचा छळ केला .तिच्या डोक्यात स्टीलची बॉटलही मारल्याचं समोर आलं होतं .त्यानंतर पुन्हा 2021 मध्ये पतीच्या मोबाईल मध्ये पीडितेला दुसऱ्या मुलीचे फोटो आढळून आले होते .त्यावरूनही दोघांमध्ये अनेक वाद झाले .
याचा जाब विचारला असता मला दुसरे लग्न करायचे आहे असे म्हणत पिडीत तरुणीला पतीने वारंवार धमक्याही दिल्या . वारंवार फोर बीएचके फ्लॅट घेऊन देण्यासाठी आरोपी पती पवन याने पत्नीकडे तगादा लावला .सासरच्या होणाऱ्या सततच्या त्रासामुळे पीडित विवाहितेची आई पतीला समजावून सांगण्यासाठी घरी आली असता सासू देखत पतीने तरुणीचा गळा दाबून जिवे मारण्याचा प्रयत्न केला .त्यानंतर जवाहरनगर पोलीस ठाण्यात तक्रार दाखल करण्यात आली .या तक्रारीनुसार पतीसह सासू-सासऱ्यांच्या विरोधात गुन्हा दाखल करण्यात आलाय .या घटनेने शहरात मोठी खळबळ उडाली आहे .
महत्त्वाच्या बातम्या
