दारुच्या नशेत वयोवृद्ध महिलेवर अतिप्रसंग करण्याचा प्रयत्न, विरोध केल्याने संपवलं
Chhatrapati Sambhaji Nagar Crime: छत्रपती संभाजीनगर जिल्ह्यातील वैजापूर तालुक्यातील लोणीखुर्द येथे सतापंजनक प्रकार समोर आला आहे. दारुच्या नशेत वयोवृद्धवर महिलेवर अतिप्रसंग करण्याला विरोध केल्याने या महिलेची हत्या करण्यात आल्याची प्राथमिक माहिती पोलिसांकडून मिळत आहे. दरम्यान, या घटनेने परिसरात खळबळ उडाली असून, घटनास्थळी पोलीस दाखल झाले आहेत. तसेच, संशयित आरोपीला पोलिसांनी ताब्यात घेतल्याची देखील माहिती मिळत आहे. अनुसयाबाई दामु जाधव (वय 75 वर्ष) अशी हत्या करण्यात आलेल्या महिलेच नाव आहे.
वैजापूर तालुक्यातील लोणीखुर्द गावात एका महिलेचे डोके दगडावर अपटुन हत्या केल्याची घटना आज पहाटे दोन वाजेच्या सुमारास उघडकीस आली आहे. घटनेची माहिती मिळताच शिउर पोलिसांनी घटनास्थळी धाव घेत, तत्काळ तपासाचे चक्र फिरवित एका संशयीत आरोपीस अटक केली आहे. सुरवातीला हा सर्व चोरीचा प्रकार असल्याची चर्चा होती. मात्र, आरोपी हा चोरिसाठी नव्हे तर दारुच्या नशेत महिलेवर अतिप्रसंग करण्यासाठी आला होता. परंतु, तिने विरोध केल्याने महिलेची आरोपीने हत्या केळ्याच प्राथमिक अंदाज पोलिसाकडून वर्तवण्यात येत आहे. तर, संशयित आरोपीला ताब्यात घेण्यात आले असून, त्याची कसून चौकशी केली जात आहे.
संशयीत आरोपी पोलिसांच्या ताब्यात...
घटनेची माहिती मिळताच शिउर पोलिस ठाण्याचे एपीआय संदीप पाटिल यांनी घटनास्थळी धाव घेतली. सोबतच, या घटनेनंतर सहायक पोलिस अधीक्षक महक स्वामी देखील घटनास्थळी दाखल झाल्या. विशेष म्हणजे पोलीस घटनास्थळाची पाहणी करत असतानाच मयत महिलेच्या घरासमोर राहणाऱ्या एका संशयीत आरोपीवर पोलिसांना संशय आला. पोलिसांनी अधिक चौकशी केली असता या घटनेत आरोपीचा सहभाग असल्याचे प्राथमिक तपासात समोर आले असून, त्याला ताब्यात घेऊन चौकशी केली जात आहे.
(ही ब्रेकिंग न्यूज अपडेट होत आहे. लेटेस्ट अपडेटसाठी रिफ्रेश करा)महत्त्वाच्या बातम्या
