सासरच्या मंडळींकडून पैशांसाठी छळ, विवाहितेनं उचललं टोकाचं पाऊल, धक्कादायक घटनेनं बीड हादरलं 

बीड जिल्ह्यातून एक धक्कादायक घटना समोर आली आहे. एका विवाहितेने सासरच्या मंडळकीकडून होणाऱ्या त्रासाला कंटाळून विषारी औषध घेऊन आत्महत्या केल्याची घटना घडली आहे.

Beed

Source : Getty Images

Beed : बीड (Beed)  जिल्ह्यातून एक धक्कादायक घटना समोर आली आहे. एका विवाहितेने सासरच्या मंडळकीकडून होणाऱ्या त्रासाला कंटाळून विषारी औषध घेऊन आत्महत्या केल्याची घटना घडली आहे. बीडच्या आष्टी तालुक्यातील अंभोरा पोलीस ठाण्याच्या हद्दीत ही घटना घडली आहे. सासरच्या मंडळींकडून विवाहितेचा पैशांसाठी छळ केला जात होता. त्यामुळं तिने हे टोकाचं पाऊल उचलल्याचं बोललं जात आहे. या प्रकरणी अंभोरा पोलीस ठाण्यात सासरच्या मंडळी विरोधात गुन्हा दाखल करण्यात आला आहे. 

सासरा, सासू, दीर, जाऊ या चार जणांविरोधात गुन्हा दाखल

प्रियंका खाकाळ (Priyanka Khakal) असे आत्महत्या केलेल्या विवाहित महिलेचे नाव आहे. 13 वर्षांपूर्वी प्रियंका यांचा विवाह बापू खाकाळ याच्याशी झाला होता. मात्र अशात नवीन घर बांधण्यासाठी माहेराहून पैसे घेऊन ये, अशी मागणी करत सतत जाच केला जात होता. याच जाचाला कंटाळून प्रियंका यांनी विषारी द्रव्य प्राशन करत आपलं जीवन संपवलं आहे. दरम्यान या प्रकरणात सासरा, सासू, दीर, जाऊ या चार जणांविरोधात गुन्हा नोंदविण्यात आला आहे. पुण्यातील वैष्णवी हगवणे प्रकरण ताजे असतानाच पुन्हा राज्यात अशाच घटना घडत आहेत. अशा घटनांमध्ये दोषी असणाऱ्यांविरोधात कठोर कारवाई करण्याची मागणी केली जात आहे. या घटनेनंतर हळहळ व्यक्त केली जात आहे. 

मागील दोन दिवसाखालीच पुण्यात विवाहितेन नणंदेच्या त्रासाला कंटाळून चिमुरड्यासह जीवन संपवलं

मागील दोन दिवसाखालीच पुण्यातील आंबेगाव बुद्रुक परिसरात 31 वर्षीय महिलेने सहा वर्षीय चिमुरड्यासह इमारतीच्या टेरेसवरून उडी मारून आत्महत्या केल्याची घटना घडली होती. बुधवारी सायंकाळी 6 वाजण्याच्या सुमारास हा प्रकार घडला. आंबेगाव बुद्रुकमधील कल्पक सोसायटीत घडलेल्या या प्रकारानंतर खळबळ उडाली आहे. मयुरी देशमुख असे आत्मह्तया केलेल्या महिलेचे नाव आहे. मयुरी देखमुखने आत्महत्या करण्यापूर्वी एक चिठ्ठी लिहिली असून त्यामध्ये नणंदेच्या त्रासाला कंटाळून जीवन संपवत असल्याचं म्हटलं आहे. मयुरी देशमुखने स्वतःच्या सहा महिन्यांच्या चिमुरड्याला घेऊन पाचव्या मजल्यावरुन खाली उडी मारली. यामध्ये त्या दोघांचा जागीच मृत्यू झाला. घटनेची माहिती मिळताच आंबेगाव बुद्रुक पोलिसांनी तातडीने घटनास्थळी धाव घेतली. रक्ताच्या थारोळ्यात पडलेल्या दोघांचेही मृतदेह रुग्णालयात नेण्यात आले. पण तोपर्यंत त्या दोघांचाही मृत्यू झाल्याचं स्पष्ट झालं. 

महत्वाच्या बातम्या: