Baramati : बारामतीत भरधाव टेम्पोने 16 वर्षीय मुलाला चिरडलं, संतप्त जमावाने टेम्पो पेटवून दिला

Baramati : बारामती तालुक्यात भरधाव टेम्पोने 16 वर्षीय मुलाला चिरडल्याची घटना घडलीये. निरा-मोरगाव रस्त्यावर जगतापवस्ती येथे निरा डाव्या कालव्याच्या वळणावर आयशर टेम्पोने एका 16 वर्षीय मुलाला चिरडल्याची घटना घडली.

Photo Credit - abp majha reporter

Source : ABPLIVE AI

Baramati : बारामती तालुक्यात भरधाव टेम्पोने 16 वर्षीय मुलाला चिरडल्याची घटना घडलीये. निरा-मोरगाव रस्त्यावर जगतापवस्ती येथे निरा डाव्या कालव्याच्या वळणावर आयशर टेम्पोने एका 16 वर्षीय मुलाला चिरडल्याची घटना घडली. यामध्ये या मुलाचा जागीच मृत्यू झालाय. मुलाच्या मृत्यूनंतर संतप्त जमावाने टेम्पो पेटवून दिलाय. या अपघातात नीरा येथील पोकळे वस्तीत राहणारा इजाज खुर्शीद सय्यद याचा मृत्यू झालाय. अपघातानंतर संतप्त जमावाने हा आयशर टेम्पो पेटवून दिलाय. त्यामुळे काही काळासाठी या भागातील वातावरण तणावपूर्ण झाल्याचे पाहायला मिळाले. दरम्यान वडगाव पोलिसांनी घटनास्थळी दाखल होत जमाव शांत केलाय.

अग्निशामक दलाकडून आग विझवण्याचे शर्थीचे प्रयत्न 

दरम्यान, बारामतीत 16 वर्षीय मुलाला टेम्पोने चिरडण्यात आल्यानंतर संतप्त जमावाने टेम्पो पेटवून दिला. त्यानंतर टेम्पो जवळपास जळून खाक झालाय. अग्निशामक दलाकडून टेम्पोला लागलेली आग विझवण्याचे प्रयत्न सुरु आहेच. घटनास्थळी अग्निशामक दल दाखल झाले आहे. टेम्पो पेटवून दिल्यानंतर काही काळ या भागात तणाव निर्माण झाला होता. 

दोन दिवसांपूर्वी वरळीतही हिट अँड रन 

 मुंबईच्या गोरेगाव पूर्वेकडील आरे कॉलनी रस्त्यावर देखील दोन दिवसांपूर्वी एक हिट अँड रनची घटना घडली होती. गुरूवारी पहाटे साडेचार वाजण्याच्या सुमारास बाईकवरून दूध पोचवण्यासाठी निघालेल्या नवीन वैष्णव या 24 वर्षीय तरुणाला राँग साईडने भरधाव आलेल्या स्कॉर्पिओ गाडीने जोराची धडक दिली होती. या धडकेत दूध वाहतूक करणाऱ्या तरुणाचा जागेवरच मृत्यू झाला होता. कार चालवणारा मुलगा हा अल्पवयीन असून त्याने दारू पिऊन गाडी चालवल्याचा आरोप मृताच्या नातेवाईकांनी केला होता.

इतर महत्वाच्या बातम्या