Ratan Tata: चार वेळा प्रेमात पडूनही 'सिंगल'; अशी आहे रतन टाटा यांची लव्हस्टोरी

आज 'व्हॅलेंटाईन डे'निमित्त जाणून घेऊयात ज्येष्ठ उद्योगपती रतन टाटा (Ratan Tata) यांच्या प्रेम कथेबाबत...

Ratan Tata

Ratan Tata: आज (14 फेब्रुवारी)  व्हॅलेंटाईन-डे  (Valentine Day) आहे. प्रेमी युगुलांसाठी हा दिवस खास असतो. दरवर्षी 7 फेब्रुवारीपासून 14 फेब्रुवारीपर्यंत 'व्हॅलेंटाईन वीक' साजरा केला जातो. या आठवड्यात कपल्स आपल्या पार्टनरसमोर प्रेम व्यक्त करतात. 7 फेब्रुवारीला 'रोज डे' पासून व्हॅलेंटाईन वीकची सुरुवात होते. तर 14 फेब्रुवारीला व्हॅलेंटाईन डे साजरा केला जातो. आज 'व्हॅलेंटाईन डे'निमित्त जाणून घेऊयात ज्येष्ठ उद्योगपती रतन टाटा (Ratan Tata) यांच्या प्रेम कथेबाबत...

रतन टाटा हे चार वेळा प्रेमात पडले. पण अजूनही ते सिंगल आहेत. CNN ला दिलेल्या मुलाखतीमध्ये रतन टाटा यांनी त्यांच्या अधुऱ्या प्रेम कथेबद्दल सांगितलं होतं. ते म्हणाले होते, जेव्हा ते अमेरिकेत काम करत होते तेव्हा ते प्रेमात पडले होतो. पण त्यादरम्यान त्यांच्या आजींची प्रकृती बिघडली. त्यांची आजी भारतात होती आणि त्यांना रतन टाटा यांना भेटायचे होते. त्यामुळे रतन टाटा यांना भारतात परतावे लागले. त्यावेळी रतन टाटा यांची प्रेयसी देखील भारतात येणार होती आणि त्यानंतर दोघेही लग्न करणार होते. पण त्या काळात भारत-चीन या देशांमध्ये वाद सुरू होता.  त्यामुळे त्यांची प्रेयसी भारतात आलीच नाही. काही काळानंतर तिने अमेरिकेतील एका व्यक्तीसोबत लग्न केले.'

चार वेळा प्रेमात पडले रतन टाटा

बडोदा मॅनेजमेंट असोसिएशन (BMA) च्या एका कार्यक्रमात विद्यार्थ्यांसोबत अनेक वैयक्तिक अनुभव शेअर करताना रतन टाटा यांनी सांगितले होते की, मी आयुष्यात चार वेळा प्रेमात पडलो, पण मी अजूनही सिंगलच आहे. प्रत्येक वेळी कोणत्या तरी कारणाने लग्न करता आले नाही. 

सिमी ग्रेवालच्या कार्यक्रमामध्ये देखील रतन टाटा यांनी त्यांच्या वैयक्तिक आयुष्याबाबत चर्चा केली. त्यांनी सांगितलं होतं, 'कधी कधी मला आयुष्यात एकटं वाटतं आणि वाटतं की, कोणाची तरी सोबत पाहिजे होते.' पण नंतर त्यांनी सांगितले की, ते सिंगल आहेत, हे एक प्रकारे चांगले आहे कारण त्यांना कोणाची चिंता करण्याची गरज नाही. त्यामुळे त्यांना कामाकडे अधिक चांगल्या पद्धतीनं लक्ष केंद्रित करता येते.

रतन टाटा यांचा बायोपिक लवकरच प्रेक्षकांच्या भेटीस येणार आहे, असं म्हटलं जात आहे.  रतन टाटा यांच्या भूमिकेसाठी अभिनेता अभिषेक बच्चन किंवा अभिनेता सूर्या यांच्या नावाची चर्चा सुरु आहे. रतन टाटा यांची भूमिका या चित्रपटात कोणता अभिनेता साकारेल? या प्रश्नाचं उत्तर लवकरच प्रेक्षकांना मिळेल, असं म्हटलं जात आहे. 

वाचा इतर महत्वाच्या बातम्या: