SBI : ...म्हणून आज रविवार असूनही एसबीआय सुरु राहणार

SBI Open on Sunday applying for LIC IPO  : आज रविवार असून देखील एसबीआय (SBI) सुरु असणार आहे. एलआयसीच्या आयपीओसाठी स्टेट बॅंक इंडियाने एक मोठा निर्णय घेतला आहे. 

State Bank of India

SBI Open on Sunday applying for LIC IPO  : आज रविवार असून देखील एसबीआय (SBI) सुरु असणार आहे. एलआयसीच्या आयपीओसाठी स्टेट बॅंक इंडियाने एक मोठा निर्णय घेतला आहे.  रविवारी एसबीआयच्या सर्व शाखा खुल्या ठेवण्याचा निर्णय घेण्यात आला आहे.  एसबीआय बॅंकने ट्वीट करत ग्राहकांना माहिती दिली आहे. भारतीय आयुर्विमा महामंडळ (LIC) च्या विमा कंपनीचा आयपीओ 4 तारखेपासून सुरू झाला आहे. यासाठी उद्या 9 मे पर्यंत अर्ज करता येणार आहे. त्यामुळं आज देखील बँक सुरु ठेवण्याचा निर्णय एसबीआयनं घेतला आहे. 

भारतातील सर्वात मोठी सार्वजनिक बँक असलेल्या एसबीआयने एलआयसी आयपीओसाठी (LIC IPO) हा मोठा निर्णय घेतला आहे. 4 मे पासून एलआयसी आयपीओ सुरू झाला आहे आणि 9 मे रोजी तो बंद होणार आहे. त्यामुळे गुंतवणूकदारांसाठी  बँकेचा हा निर्णय फायदेशीर ठरणार आहे.

Here's a good news for all our customers applying for LIC IPO!#LIC #IPO #Investment #Finance #SBI #AmritMahotsav #AzadiKaAmritMahotsavWithSBI pic.twitter.com/FdhxO3iuso

— State Bank of India (@TheOfficialSBI) May 6, 2022

एसबीआय बॅंकेने ट्वीट करत लिहिले आहे, एलआयसी आयपीओसाठी अर्ज करणाऱ्या ग्राहकांच्या सोईसाठी एसबीआयच्या सर्व शाखा रविवारी 8 मे 2022 रोजी अर्ज स्वीकारण्यासाठी सुरू राहतील.

एलआयसीने आयपीओसाठी 902-949 रुपये प्रति शेअर किंमत बँड निश्चित केला आहे. यामध्ये लॉट साइज 15 शेअर्स आहे. गुंतवणूकदार जास्तीत जास्त 14 लॉटसाठी बोली लावू शकतात. एलआयसी पॉलिसीधारकाला 60 रुपयांची सूट मिळेल. एलआयसी कर्मचाऱ्यांसाठी 45 रुपयांची सूट असेल. एलआयसीने सांगितले की त्यांनी संस्थात्मक (अँकर) गुंतवणूकदारांकडून 5,627 कोटी उभारले आहेत.

Here are some tips to reduce the chances of getting your LIC IPO application rejected.
#SBI #IPO #LIC #Tips pic.twitter.com/Ba1gmf07Z2

— State Bank of India (@TheOfficialSBI) May 7, 2022

एसबीआय बॅंकेसह पंजाब नॅशनल बॅंकदेखील या रविवारी ग्राहकांच्या सोईसाठी सुरू राहणार आहे. एसबीआयचा शेअर लिस्टिंग 17 मे रोजी होणार आहे. 

संबंधित बातम्या