Delhivery, रेडियंट कॅश मॅनेजमेंट आणि व्हरांडा लर्निंग सोल्युशन्सच्या IPOला ग्रीन सिग्नल
IPO : या वर्षी मार्केटमध्ये अनेक कंपन्यांचे आयपीओ येणार असल्याचं चित्र आहे. तीन कंपन्यांच्या आयपीओला SEBIकडून ग्रीन सिग्नल मिळाला आहे.
मुंबई : सेबीकडून आणखी तीन कंपन्यांना आयपीओसाठी ग्रीन सिग्नल मिळाला आहे. Delhivery, रेडियंट कॅश मॅनेजमेंट सर्व्हिसेस आणि व्हरांडा लर्निंग सोल्युशन्स यांना त्यांच्या आयपीओसाठी बाजार नियामक सेबीकडून मंजुरी मिळाली आहे.
Delhivery कंपनी ही भारतची लॉजिस्टिकवर आधारित आणि सप्लाय चेन स्टार्टअपने नोव्हेंबरमध्ये सेबीकडे आयपीओसाठी अर्ज दाखल केला होता. आयपीओ मध्ये 5000 कोटींचा फ्रेश इश्यू आणि 2460 कोटींच्या विक्रीची ऑफर असेल. या ऑफर फॉर सेलद्वारे कंपनीचे प्रवर्तक अर्थात प्रमोटर आणि शेअरहोल्डर्स त्यांचे शेअर्स विकतील.
कार्लाइल (Carlye) आणि सॉफ्टबँक या खाजगी इक्विटी कंपन्या या आयपीओमधील त्यांचा आंशिक हिस्सा विकतील. कार्लाइलने नोव्हेंबर २०१७ मध्ये Delhivery मध्ये पहिल्यांदा गुंतवणूक केली. या कंपनीच्या आयपीओ विक्रीच्या ऑफरमध्ये कार्लाइल 920 कोटी रुपयांचे शेअर्स विकणार आहे. याशिवाय चायना मोमेंटम फंडाच्या मालकीचा ग्रुप या आयपीओमध्ये 400 कोटी रुपयांचे शेअर्स विकणार आहे, तर सॉफ्टबँक रुपये 750 कोटी आणि टाइम्स इंटरनेट 330 कोटी रुपयांचे शेअर्स विकणार आहे.
आयपीओमधून मिळणारी रक्कम कंपनीच्या सेंद्रिय आणि अजैविक वाढीसाठी वापरली जाईल. या आयपीओमधील 1,250 कोटी अधिग्रहण आणि इतर व्यवसाय विस्तार योजनांसाठी वापरले जातील. कोटक महिंद्रा कॅपिटल, मॉर्गन स्टॅनले इंडिया, BofA सिक्युरिटीज इंडिया, सिटीग्रुप ग्लोबल मार्केट्स हे या आयपीओचे बुक रनिंग लीड मॅनेजर आहेत.
रेडियंट कॅश मॅनेजमेंट (Radiant Cash Management)
रेडियंट कॅश मॅनेजमेंटने ऑक्टोबर 2021 मध्ये आयपीओसाठी अर्ज दाखल केला होता. या आयपीओमध्ये 60 कोटी रुपयांचा नवीन इश्यू आणि 3.013 कोटी शेअर्सच्या विक्रीची ऑफर असेल. आयपीओमधून मिळणारे पैसे कंपनीच्या वर्किंग कॅपिटलच्या गरजा पूर्ण करण्यासाठी आणि 220 खास बनावटीच्या आर्मर्ड व्हॅन्स खरेदी करण्यासाठी वापरले जातील.
लक्षणीय बाब म्हणजे, रेडियंट कॅश मॅनेजमेंट ही एकात्मिक कॅश लॉजिस्टिक कंपनी आहे. रिटेल कॅश मॅनेजमेंट सेगमेंटमध्ये कंपनीची मजबूत पकड आहे. नेटवर्क स्थानाच्या बाबतीत ही या विभागातील सर्वात मोठी कंपनी आहे.
व्हरांडा लर्निंग सोल्युशन्स (Veranda Learning Solutions)
व्हरांडा लर्निंग सोल्युशन्स हा ऑनलाइन शिक्षण मंच आहे. नोव्हेंबर 2021 मध्ये सोबीकडे आयपीओचा ड्राफ्ट पेपर दाखल केला होता. आयपीओच्या माध्यमातून 200 कोटी रुपये उभारण्याची कंपनीची योजना आहे. आयपीओमधून मिळणारी रक्कम कंपनीचे कर्ज फेडण्यासाठी आणि एड्युरेकाच्या अधिग्रहणावर झालेल्या खर्चाची पूर्तता करण्यासाठी वापरली जाईल.
व्हरांडा लर्निंग सोल्युशन्स विद्यार्थी, व्यावसायिक आणि कॉर्पोरेट कर्मचार्यांना विविध प्रकारचे शिक्षण प्रदान करते. यूपीएससी परीक्षेची तयारी करणाऱ्या विद्यार्थ्यांव्यतिरिक्त, कंपनी विविध राज्यांतील लोकसेवा आयोग, स्टाफ सेलेक्स कमिशन, बँकिंग, विमा, रेल्वे आणि CA ची तयारी करणाऱ्या विद्यार्थ्यांना कोचिंग सुविधा देखील पुरवते.
महत्त्वाच्या बातम्या :
महत्त्वाच्या बातम्या
