रमेश पाटलांकडून अजिंक्य डी. वाय. पाटील विद्यापीठाला 1 कोटी रुपयांची देणगी, गरजू विद्यार्थ्यांसाठी शैक्षणिक निधी उभारण्याचा विद्यापीठाचा मानस
कोणीही आर्थिक कारणामुळं शिक्षणापासून वंचित राहू नये. गरजू विद्यार्थ्यांना शैक्षणिक निधी उभारण्याचा मानस अजिंक्य डी वाय पाटील विद्यापीठाचे अध्यक्ष डॉ. अजिंक्य डी वाय पाटील यांनी केलाय.
पुणे : कोणीही आर्थिक कारणामुळं शिक्षणापासून वंचित राहू नये. समाजातील गरजू विद्यार्थ्यांना शिक्षण घेणे शक्य व्हावे यासाठी शैक्षणिक निधी उभारण्याचा मानस अजिंक्य डी वाय पाटील विद्यापीठाचे अध्यक्ष डॉ. अजिंक्य डी वाय पाटील यांनी व्यक्त केला आहे. सामाजिक कार्यकर्ते रमेश पाटील आणि मनीषा पाटील यांनी तेजनाथ बाबा यांच्या उपस्थितीत अजिंक्य डी वाय पाटील विद्यापीठाला 1 कोटी रुपयांची देणगी दिली आहे.
विद्यापीठाचे उपाध्यक्ष डॉ. एकनाथ खेडकर, कार्यकारी उपाध्यक्ष डॉ. कमलजीत कौर, सल्लागार शंकर नारायण, उद्योजक अशोक खांदवे, रमेश पाटील यांचे कुटुंबीय यावेळी उपस्थित होते. डॉ. अजिंक्य पाटील म्हणाले की, गोरगरीबांसाठी शिक्षण उपलब्ध व्हावे असे स्वप्न मी पाहिले आहे. फी भरता आली नाही म्हणून कोणी शिक्षणापासून वंचित राहायला आहे, असे व्हायला नको. त्यासाठीच शैक्षणिक निधी उभारण्याचा मानस आहे. रमेश पाटील यांच्या देणगीने याची सुरुवात झाल्याचे खेडकर म्हणाले. समाजकार्यात वाहून घेतलेले सर्वच जण वंदनिय असतात. रमेश पाटील यांचे शैक्षणिक कार्य मोठे आहेत असे खेडकर म्हणाले. आपण समाजाचे काहीतरी देणे लागतो हा संस्कार डॉ.. डी. वाय. पाटील यांनी दिला आहे. त्यांनी दाखवलेल्या मार्गावर आम्ही काम करत आहोत असे रमेश पाटील म्हणाले. तेजनाथ बाबा यांनी या कार्यक्रमास शुभाशिर्वाद दिले.
महत्त्वाच्या बातम्या
