पती आणि पत्नी दोघेही PM किसान योजनेचा लाभ घेऊ शकतात का? काय सांगतो नियम? 

केंद्र सरकारने लहान आणि अल्पभूधारक शेतकऱ्यांना आर्थिक मदत करण्यासाठी पंतप्रधान किसान सन्मान निधी योजना सुरु केली आहे. या योजनेच्या आत्तापर्यंत सरकारने 18 हप्ते शेतकऱ्यांच्या खात्यात जमा केला आहेत.

PM Kisan Samman Nidhi Yojana

Source : PM Kisan Samman Nidhi Yojana

PM Kisan Samman Nidhi Yojana : केंद्र सरकारने लहान आणि अल्पभूधारक शेतकऱ्यांना आर्थिक मदत करण्यासाठी पंतप्रधान किसान सन्मान निधी योजना सुरु केली आहे. या योजनेच्या माध्यमातून आत्तापर्यंत सरकारने 18 हप्ते शेतकऱ्यांच्या खात्यात जमा केला आहेत. लवकरत 19 वा हप्ता जमा होणार असल्याची चर्चा सुरु आहे. दरम्यान,  पती-पत्नी दोघांनाही या योजनेचा लाभ मिळतो का? असा सवालही उपस्थित केला जातोय.   

पीएम किसान सन्मान निधी योजनेचा पुढील हप्ता कधी जाहीर होणार याबाबत शेतकऱ्यांमध्ये चर्चा सुरू झाली आहे. मात्र, पैसे येण्यास अजून वेळ आहे. पुढील महिन्यापर्यंत हा हप्ता मिळणे अपेक्षित आहे. पीएम किसान योजनेअंतर्गत केंद्र सरकार दरवर्षी गरीब शेतकऱ्यांना 6000 रुपये देते. या योजनेंतर्गत दर चार महिन्यांनी तीन हप्ते जारी केले जातात. आता 19 व्या हप्त्याची पाळी आहे. या योजनेचा पुढील हप्ता फेब्रुवारी महिन्यात शेतकऱ्यांना दिला जाईल. त्याच वेळी, शेतकरी अनेकदा प्रश्न करतात की कुटुंबातील पती-पत्नी दोघेही पीएम किसान सन्मान निधी योजनेचा लाभ घेऊ शकतात का? ज्यांच्या नावावर जमीन नोंदणीकृत आहे त्यांनाच या योजनेचा लाभ घेता येईल.

योजनेचा लाभ कोणाला मिळतो?

साधारणपणे, बहुतेक योजनांचा लाभ पती किंवा पत्नी दोघांनाही मिळतो. कारण असे मानले जाते की पती-पत्नी कुटुंबाचा भाग आहेत. अशा परिस्थितीत, दोन्ही लोक एकत्रितपणे योजनेचा लाभ घेऊ शकत नाहीत. ज्यांच्या नावावर शेतजमीन आहे त्यांनाच या योजनेचा लाभ मिळतो. कुटुंबातील इतर कोणत्याही सदस्याला त्याचा लाभ मिळत नाही. पती-पत्नीला या योजनेचा लाभ दिला जात नाही. अशा परिस्थितीत कुटुंबातील एकाच व्यक्तीला या योजनेचा लाभ मिळेल. या योजनेचा लाभ घेण्यासाठी शेतकऱ्यांकडे 2 हेक्टरपर्यंत शेतीयोग्य जमीन असणे आवश्यक आहे. तुमच्याकडे तेवढी जमीन नसेल तर तुम्ही या योजनेपासून वंचित राहाल.

पीएम किसानचे पैसे कधी येणार?

पीएम किसान योजनेचा 18 वा हप्ता महाराष्ट्रातील निवडणुकीपूर्वी जारी करण्यात आला होता. हप्ता जाहीर होऊन जवळपास तीन महिने होत आहेत. 19 व्या हप्त्याबाबत चर्चा सुरू झाली आहे.  केंद्र सरकार पुढील महिन्यात फेब्रुवारीमध्ये पीएम किसान सन्मान निधी योजनेचा 19 वा हप्ता जारी करू शकते. मात्र, सरकारने हप्त्याचे पैसे हस्तांतरित करण्याबाबत कोणतीही अधिकृत घोषणा केलेली नाही. या योजनेचा लाभ घेण्यासाठी तुम्हाला प्रथम अर्ज भरावा लागेल. अर्ज करताना काही चूक झाली तर त्याचा लाभ मिळणार नाही. दुसरे म्हणजे, बँक खात्याचा तपशील बरोबर असावा. तिसरे, तुमचा मोबाईल बँक खात्याशी जोडलेला असावा. यामध्ये काही त्रुटी राहिल्यास तुमचा हप्ता अडकू शकतो.

महत्वाच्या बातम्या: