Petrol Diesel Price : पेट्रोल-डिझेलचे दर वाढले की घटले? झटपट चेक करा आजचे दर
Petrol Diesel Rate Today : कच्च्या तेलाच्या किमतीत वाढ होताना दिसत आहे. आज देशभरात पेट्रोल आणि डिझेलचे दर जाहीर करण्यात आले आहेत. जाणून घ्या इंधनाचे लेटेस्ट दर...
Petrol Diesel Price Today, 20 March : आंतरराष्ट्रीय बाजारात कच्च्या तेलाच्या (Crude Oil) किमतीत वाढ होताना दिसत आहे. WTI कच्च्या तेलाची किंमत 0.45 टक्क्यांनी वाढली असून प्रति बॅरल 67.26 डॉलरवर पोहोचली आहे. तर, ब्रेंट क्रूड ऑइलची किंमत 1.17 टक्क्यांनी वाढून 73.28 डॉलर प्रति बॅरल झाली आहे. दरम्यान, भारतीय तेल कंपन्यांनी आज सोमवारी, 20 मार्च रोजी पेट्रोल आणि डिझेलचे नवे दर जारी केले आहेत.
Petrol Diesel Price : पेट्रोल-डिझेलचे दर वाढले की घटले?
भारतीय तेल कंपन्यांनी आज इंधनाचे नवीन दर जाहीर केले आहेत. नव्या किमतीनुसार इंधनाच्या दरात कुठेही बदल झालेला नाही. गेल्या नऊ महिन्यांपासून पेट्रोल आणि डिझेलच्या दरात कोणताही बदल झालेला नाही. गेल्या काही महिन्यांमध्ये कच्च्या तेलाच्या किंमतीही घसरल्या होत्या, मात्र सरकारकडून जनसामान्यांना कोणताही दिलासा मिळालेला नाही. भारतात इंधनाचे दर स्थिर आहेत.
प्रमुख शहरांमधील पेट्रोल-डिझेलचे दर
राजधानी दिल्लीत पेट्रोलचा दर 96.72 रुपये प्रति लिटर आणि डिझेलचा दर 89.62 रुपये प्रति लिटर आहे. देशाची आर्थिक राजधानी मुंबईत एक लिटर पेट्रोलची किंमत 106.31 रुपये आणि डिझेलची किंमत 94.27 रुपये आहे. तर चेन्नईमध्ये एक लिटर पेट्रोल 102.63 रुपये आणि डिझेल 94.24 रुपये प्रति लिटरने विकले जात आहे. याशिवाय कोलकात्यात पेट्रोल 106.03 रुपये प्रति लिटर आणि डिझेल 92.76 रुपये प्रति लिटरवर व्यवहार करत आहे.
Petrol Diesel Price Today : राज्यात कोणत्या शहरात किती दर?
- पुणे : पेट्रोल 106.31 रुपये प्रति लिटर, डिझेल 92.36 रुपये प्रति लिटर
- नागपूर : पेट्रोल 106.04 रुपये प्रति लिटर, डिझेल 92.59 रुपये प्रति लिटर
- कोल्हापूर : पेट्रोल 106.58 रुपये प्रति लिटर, डिझेल 93.11 रुपये प्रति लिटर
- औरंगाबाद : पेट्रोल 108 रुपये, डिझेल 95.96 रुपये प्रति लिटर
- परभणी : 109.09 रुपये प्रति लिटर, डिझेल 95.50 रुपये प्रति लिटर
- नाशिक : पेट्रोल 106.43 रुपये प्रति लिटर, डिझेल 92.94 रुपये प्रति लिटर
कच्च्या तेलाच्या किंमतीचा इंधन दरावर काय परिणाम?
कच्च्या तेलाच्या किमतीवरून देशातील पेट्रोल-डिझेल दर ठरतात. याच्या किंमतीतील बदलांचा थेट परिणाम आपल्या देशातील पेट्रोल आणि डिझेलच्या किमतीवर होतो. जेव्हा कच्च्या तेलाची मागणी आणि पुरवठ्यात बदल होतो तेव्हा किंमती बदलतात.
पेट्रोल-डिझेलच्या किंमती कशा ठरतात?
भारत आखती देशांकडून तेल आयात करतो. त्यानंतर त्यावर केंद्र सरकार कर आकारते. तसेच वेगवेगळ्या राज्यांमध्ये इंधनावर वेगळा कर आकारला जातो. यामुळेच पेट्रोल-डिझेलच्या किंमती विविध राज्यांमध्ये वेगवेगळ्या असतात.
Petrol Diesel Price Today : तुमच्या शहरांतील पेट्रोल-डिझेलच्या किमती जाणून घ्या
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती (Petrol Diesel Price) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
महत्त्वाच्या बातम्या
ट्रेंडिंग न्यूज
