डिसेंबरच्या पहिल्या दिवशी देशातील पेट्रोल-डिझेल स्वस्त? जाणून घ्या तुमच्या शहरांतील दर
Petrol Diesel Price: देशांतर्गत बाजारात पेट्रोल-डिझेलचे दर जैसे थेच. तुमच्या शहरांतील दर काय?
Petrol Diesel Price in 01 December 2022: आंतरराष्ट्रीय बाजारात कच्च्या तेलाच्या किमतींत (Crude Oil) वाढ नोंदवण्यात आली आहे. गेल्या 24 तासांत ब्रेंट क्रूड ऑईलच्या किंमतीत वाढ झाल्यानंतर ते प्रति बॅरल 85.43 डॉलरच्या आसपास आहे. WTI कच्च्या तेलाबद्दल बोलायचं झालं तर ते प्रति बॅरल सुमारे 80.73 डॉलरपर्यंत वाढलं आहे. याच पार्श्वभूमीवर जर देशातील पेट्रोल-डिझेलच्या दरांबाबत (Petrol Diesel Price) बोलायचं झालं तर, आज वर्षातील शेवटच्या महिन्याच्या पहिल्या दिवशी पेट्रोल-डिझेलच्या दरांत कोणताही बदल करण्यात आलेला नाही.
देशांतील मोठ्या शहरांतील पेट्रोल-डिझेलचे दर
- दिल्लीत पेट्रोल 96.72 रुपये प्रति लिटर आणि डिझेल 89.62 रुपये प्रति लिटर
- मुंबईत पेट्रोलचा दर 106.31 रुपये प्रति लिटर आणि डिझेल 94.27 रुपये प्रति लिटर
- कोलकातामध्ये पेट्रोल 106.03 रुपये प्रति लिटर आणि डिझेलचा 92.76 रुपये प्रति लिटर
- चेन्नईत पेट्रोल 102.63 रुपये आणि डिझेल 94.24 रुपये प्रति लिटर
पेट्रोल आणि डिझेलच्या दरांत यापूर्वी 22 मे रोजी देशातील चार महानगरांमध्ये झाला होता. जवळपास सहा महिन्यांपासून पेट्रोल आणि डिझेलचे दर स्थिर राहण्याची ही पहिलीच वेळ आहे. विशेष म्हणजे, 22 मे 2022 रोजी सरकारनं उत्पादन शुल्क कमी केलं होतं, त्यानंतर देशभरात पेट्रोल आणि डिझेल स्वस्त झालं होतं.
तुमच्या शहरांतील पेट्रोल-डिझेलच्या किमती जाणून घ्या, एका क्लिकवर
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
तुमच्या शहरातील पेट्रोल आणि डिझेलची किंमत एसएमएसद्वारे तपासा
राज्यस्तरीय करांमुळे पेट्रोल आणि डिझेलचे दर राज्यानुसार बदलतात. तुमच्या शहरातील पेट्रोल आणि डिझेलचे दर तुम्हाला एसएमएसद्वारे दररोज कळू शकतात. यासाठी इंडियन ऑइलच्या (IOCL) ग्राहकांना RSP कोड 9224992249 या क्रमांकावर पाठवावा लागेल. थेट टीव्ही
महत्त्वाच्या बातम्या
ट्रेंडिंग न्यूज
