Petrol Diesel Price: घटले की, वाढले पेट्रोल-डिझेलचे दर? गाडीची टाकी फुल्ल करण्यापूर्वी चेक करा
Petrol Diesel Price: अमेरिकेतील इंधनाच्या मागणीमुळे गुरुवारी सुरुवातीच्या आशियाई व्यापारात तेलाच्या किमती वाढल्यात, पण त्याचा कोणताही परिणाम पेट्रोल-डिझेलवर झालेला नाही.
Petrol Diesel Price Today: भारतीय तेल कंपन्यांनी आजचे देशातील पेट्रोल-डिझेलचे दर जाहीर केले आहेत. आज (शुक्रवारी) भारतातील पेट्रोल आणि डिझेलचे दर (Petrol Diesel Price) स्थिर आहेत. मे 2022 नंतर देशव्यापी पातळीवर पेट्रोल आणि डिझेलच्या किमतींत कोणताही बदल झालेला नाही. दरम्यान, राज्यातील स्थानिक करानुसार इंधनाचे दर बदलतात. दररोज सकाळी 6 वाजता पेट्रोल आणि डिझेलच्या दरांत बदल होतो. स्थानिक कर, मूल्यवर्धित कर (व्हॅट) आणि मालवाहतूक शुल्क यानुसार पेट्रोल आणि डिझेलच्या किमती राज्यानुसार बदलतात.
अमेरिकेत तेलाच्या किमती अनियंत्रित
अमेरिकेतील इंधनाच्या मागणीमुळे गुरुवारी सुरुवातीच्या आशियाई व्यापारात तेलाच्या किमती वाढल्या. ब्रेंट क्रूड फ्युचर्स 26 सेंट्स म्हणजेच, 0.34 टक्क्यांनी वाढून 76.67 डॉलर प्रति बॅरल झालं आहे. यूएस क्रूड फ्युचर्स 28 सेंटनं वाढून 72.84 डॉलरवर पोहोचलं आहे. गेल्या आठवड्यात 3 मे रोजी अन्न आणि ग्राहक व्यवहार मंत्री पियुष गोयल यांनी 2025 पर्यंत देश 20 टक्के इथेनॉल असलेले पेट्रोलचे उद्दिष्ट साध्य करेल असं सांगितलं होतं. यासाठी मक्याचं पीक महत्त्वाची भूमिका बजावेल, असंही ते म्हणाले होते.
दिल्लीत पेट्रोल 96.72 रुपये आणि डिझेल 89.62 रुपये प्रति लिटर आहे. चेन्नईमध्ये पेट्रोलचा दर 102.63 रुपये आणि डिझेलचा दर 94.24 रुपये प्रति लिटर आहे. देशाची आर्थिक राजधानी मुंबईत पेट्रोल 106.31 रुपये प्रति लिटर तर डिझेल 94.27 रुपये प्रति लिटरनं विकलं जात आहे. तसेच, कोलकातामध्ये पेट्रोलचा दर 106.03 रुपये आणि डिझेलचा दर 92.76 रुपये प्रति लिटर आहे. याशिवाय राज्य स्तरावर पेट्रोलवर लावण्यात आलेल्या करामुळे वेगवेगळ्या शहरांमध्ये पेट्रोल आणि डिझेलच्या किमतीही भिन्न असतात.
Petrol Diesel Price Today : राज्यात कोणत्या शहरात किती दर?
- नागपूर : पेट्रोल 106.04 रुपये प्रति लिटर, डिझेल 92.59 रुपये प्रति लिटर
- पुणे : पेट्रोल105.84 रुपये प्रति लिटर, डिझेल 92.36 रुपये प्रति लिटर
- कोल्हापूर : पेट्रोल 106.47 रुपये प्रति लिटर, डिझेल 93.01 रुपये प्रति लिटर
- छत्रपती संभाजीनगर : पेट्रोल 108 रुपये, डिझेल 95.96 रुपये प्रति लिटर
- परभणी : 109.45 रुपये प्रति लिटर, डिझेल 95.81 रुपये प्रति लिटर
- नाशिक : पेट्रोल 106.77 रुपये प्रति लिटर, डिझेल 93.27 रुपये प्रति लिटर
Petrol Diesel Price Today : तुमच्या शहरांतील पेट्रोल-डिझेलच्या किमती जाणून घ्या
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती (Petrol Diesel Price) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
महत्त्वाच्या बातम्या
