सोन्याची तस्करी! 17 कोटी रुपयांच्या 23 किलो सोन्यासह 3 आरोपी जेरबंद, महसूल गुप्तवार्ता संचालनालयाची कारवाई
Mumbai Crime News : महसुल गुप्तवार्ता संचालनालयाने (डीआरआय) केलेल्या कारवाईत तस्करीतील सोने (Smuggled gold) लपवण्यासाठी जाणाऱ्या तिघांना अटक केली आहे.
Mumbai Crime News : मुंबई सेंट्रल (Mumbai Central) येथे महसुल गुप्तवार्ता संचालनालयाने (डीआरआय) केलेल्या कारवाईत तस्करीतील सोने (Smuggled gold) लपवण्यासाठी जाणाऱ्या तिघांना अटक केली आहे. आरोपींकडून 23 किलो सोने (Gold) हस्तगत करण्यात आले असून त्याची किंमत सुमारे 17 कोटी रुपये आहे. गिरगाव फणसवाडी येथून मुंबई सेंट्रल येथे सोने घेऊन जात असताना आरोपींना अटक करण्यात आली. याप्रकरणी आणखी एका आरोपीचा सहभाग उघड झाला आहे.
डीआरआयने सापळा रचून तिघांना घेतलं ताब्यात
याप्रकरणी पायल जैन (39), पंखुदेवी माली (38), राजेश कुमार जैन (43) अशी अटक करण्यात आलेल्या आरोपींची नावे आहेत. त्यातील पंखुदेवी हा भुलेश्वर येथील रहिवासी आहे, तर पायल व राजेश दोघेही मुंबई सेंट्रल येथील रहिवासी आहेत. राजेश व त्याचा साथीदार रमेश यांच्या सांगण्यावरून तिघेही फणसवाडी येथून सोने घेऊन मुंबई सेट्रल येथील घरी ठेवण्यासाठी घेऊन जात होते. त्याबाबतची माहिती डीआरआयला मिळाली. त्यानुसार डीआरआयने सापळा रचून तिघांना ताब्यात घेतले. त्यांच्याकडील बॅगेच्या झडतीत 22.89 किलोग्रॅम तस्करी केलेले सोने सापडले. याशिवाय तस्करी केलेल्या सोन्याच्या विक्रीच्या उत्पन्नाचे 40 लाख रुपये घरात लपवले होते. ती रक्कमही हस्तगत करण्यात आली आहे. जप्त करण्यात आलेल्या सोन्याची किंमत 16 कोटी 91 लाख रुपये आहे. आरोपींविरोधात सीमा शुल्क कायदा, 1962 च्या तरतुदी अंतर्गत गुन्हा दाखल करून अटक करण्यात आली आहे.
महत्वाच्या बातम्या:
वर्षभरात सोन्याच्या तस्करीत मोठी वाढ, तब्बल 500 किलो सोनं केलं जप्त
महत्त्वाच्या बातम्या
ट्रेंडिंग न्यूज
