मोदी सरकारची नवीन योजना, 3.5 कोटी तरुणांना मिळणार रोजगार, जाणून घ्या नेमकी काय आहे योजना?
केंद्र सरकारने "रोजगार संलग्न प्रोत्साहन (ELI) योजना" ही एक नवीन आणि क्रांतिकारी योजना मंजूर केली आहे. ज्याचा उद्देश देशात मोठ्या प्रमाणात रोजगाराच्या संधी निर्माण करणे आहे.
Modi Government launches Eli Scheme : मोदी सरकारने (Modi Government ) बेरोजगार (employment) असलेल्या तरुणांसाठी एक मोठी दिलासादायक बातमी दिली आहे. केंद्र सरकारने "रोजगार संलग्न प्रोत्साहन (ELI) योजना" ही एक नवीन आणि क्रांतिकारी योजना मंजूर केली आहे. ज्याचा उद्देश देशात मोठ्या प्रमाणात रोजगाराच्या संधी निर्माण करणे आहे. ही योजना विशेषतः अशा तरुणांसाठी आहे जे पहिल्यांदाच काम करणार आहेत आणि ज्यांना अनुभव नाही.
पंतप्रधान नरेंद्र मोदी यांच्या अध्यक्षतेखाली झालेल्या मंत्रिमंडळ बैठकीत ELI म्हणजेच "रोजगार संलग्न प्रोत्साहन" योजनेला नुकतीच हिरवा कंदील देण्यात आला. या योजनेअंतर्गत, येत्या दोन वर्षांत 3.5 कोटींहून अधिक लोकांना रोजगार देण्याचे सरकारचे उद्दिष्ट आहे. यासाठी सरकारने 1 लाख कोटी रुपयांचे बजेट निश्चित केले आहे.
पहिल्यांदा काम करणाऱ्यांना लाभ मिळेल
या योजनेतील सर्वात खास गोष्ट म्हणजे सरकार पहिल्यांदा काम करणाऱ्यांना प्रोत्साहन रक्कम देईल. अशा तरुणांना एका महिन्याच्या पगाराइतके (जास्तीत जास्त 15000 रुपये) अनुदान दोन हप्त्यांमध्ये मिळेल. पहिला हप्ता 6 महिन्यांनी आणि दुसरा 12 महिन्यांनी दिला जाईल. ही सबसिडी थेट कंपन्यांना दिली जाईल, जेणेकरून ते अधिकाधिक नवीन कर्मचाऱ्यांना कामावर ठेवू शकतील.
उत्पादन क्षेत्रावर विशेष लक्ष
केंद्रीय मंत्री अश्विनी वैष्णव यांनी दिलेल्या माहितीनुसार, या योजनेचा विशेष भर उत्पादन क्षेत्रावर आहे. जेणेकरून तेथे अधिकाधिक नोकऱ्या निर्माण करता येतील. याशिवाय, सरकार "टिकाऊ रोजगार" म्हणजेच एखाद्याला दीर्घकाळ नोकरीवर ठेवण्यासाठी देखील मदत करेल. जर एखाद्या कंपनीने एखाद्या कर्मचाऱ्याला 2 वर्षांसाठी कामावर ठेवले तर त्याला प्रत्येक कर्मचाऱ्यावर दरमहा 3000 रुपयांपर्यंत आर्थिक मदत दिली जाईल.
ही योजना खास का आहे?
- पहिल्यांदाच नोकरी शोधणाऱ्या तरुणांसाठी मोठा दिलासा
- नवीन उमेदवारांना कामावर ठेवण्यासाठी कंपन्यांना प्रोत्साहन
- देशात रोजगार आणि सामाजिक सुरक्षा दोन्हींना प्रोत्साहन
- उत्पादन क्षेत्रात गती आणि वाढ
- अनुभवाअभावी नोकऱ्यांपासून वंचित असलेल्या तरुणांसाठी चांगली संधी
मंत्रिमंडळात इतर काही मोठे निर्णय घेण्यात आले
ELI योजनेव्यतिरिक्त, मंत्रिमंडळात इतर काही मोठे निर्णय घेण्यात आले आहेत. संशोधन, विकास आणि नवोन्मेष (RDI) योजनेला मंजुरी देण्यात आली आहे, ज्याचा उद्देश खाजगी कंपन्यांना धोरणात्मक आणि उदयोन्मुख क्षेत्रांमध्ये संशोधन आणि नवोन्मेष करण्यास प्रोत्साहित करणे आहे. यासोबतच, तामिळनाडूमधील 46.7 किमी लांबीच्या परमकुडी-रामनाथपुरम महामार्गाला 4-लेन महामार्ग बनवण्यासही मंजुरी देण्यात आली आहे, ज्यामुळे प्रादेशिक विकासाला एक नवीन चालना मिळेल.
महत्वाच्या बातम्या:
आजारपणात रुग्णालयाच्या खर्चाची चिंता मिटली! आता तुम्हाला मिळणार दररोज पैसे, जाणून घ्या नेमकी काय आहे योजना?
महत्त्वाच्या बातम्या
