Stock Market Crash : शेअर बाजारात हाहाकार! 9 लाख कोटी पाण्यात, रिलायन्ससह दिग्गज कंपन्यांचे शेअर्स कोसळले, कारणे काय?

Share Market Crash : जागतिक परिस्थिती सुधारल्यास बाजारात स्थिरता येऊ शकते, मात्र तणाव वाढल्यास आणखी घसरण होण्याची शक्यता नाकारता येत नाही.

Share Market Crash

Source : ai

मुंबई : जागतिक पातळीवरील तणाव आणि वाढत्या आर्थिक अनिश्चिततेच्या पार्श्वभूमीवर भारतीय शेअर बाजारात (Share Market) मोठी घसरण पाहायला मिळाली आहे. शुक्रवारच्या व्यवहारात सेन्सेक्स तब्बल 1700 अंकांनी घसरला, तर निफ्टीही 22,850 च्या खाली घसरला. या घसरणीमुळे गुंतवणूकदारांचे सुमारे 9 लाख कोटी रुपयांचे नुकसान झाल्याचं समोर आलं आहे.

बाजारातील या घसरणीमुळे गुंतवणूकदारांमध्ये भीतीचं वातावरण निर्माण झालं असून अनेक मोठ्या कंपन्यांच्या शेअर्समध्ये मोठी पडझड झाली आहे. विशेषतः रिलायन्स इंडस्ट्रीज, HDFC बँक, इंडिगो यांसारख्या दिग्गज कंपन्यांच्या शेअर्सवर दबाव दिसून आला.

Stock Market Fall Reason : घसरणीमागची प्रमुख कारणं

शेअर बाजारातील या मोठ्या घसरणीमागे अनेक जागतिक आणि स्थानिक कारणांचा परिणाम दिसून आला. अमेरिका-इराण संघर्षामुळे जागतिक बाजारात अनिश्चितता वाढली आहे. यासोबतच कच्च्या तेलाच्या वाढत्या किमती, रुपयाची घसरण आणि परदेशी गुंतवणूकदारांची विक्री यामुळे बाजारावर दबाव आला आहे.

Market Loss Impact : गुंतवणूकदारांचं मोठं नुकसान

या घसरणीत गुंतवणूकदारांचं मोठ्या प्रमाणावर नुकसान झालं आहे. काही तासांतच लाखो कोटी रुपयांची संपत्ती पाण्यात गेली. सलग काही दिवसांच्या तेजीनंतर अचानक आलेल्या या घसरणीमुळे छोट्या गुंतवणूकदारांना मोठा फटका बसला आहे.

Reliance Share Fall : रिलायन्ससह मोठे शेअर्स कोसळले

दरम्यान, रिलायन्स इंडस्ट्रीजच्या शेअर्समध्येही 4 टक्क्यांहून अधिक घसरण झाली आहे. सरकारकडून विंडफॉल टॅक्स पुन्हा लागू करण्याच्या निर्णयामुळे गुंतवणूकदारांमध्ये नकारात्मक भावना निर्माण झाली आहे.

Future Market Outlook : पुढे काय होणार?

तज्ज्ञांच्या मते, सध्याची परिस्थिती ‘वेट अँड वॉच’ अशी असून बाजारात अजूनही चढ-उतार सुरू राहण्याची शक्यता आहे. जागतिक परिस्थिती सुधारल्यास बाजारात स्थिरता येऊ शकते, मात्र तणाव वाढल्यास आणखी घसरण होण्याची शक्यता नाकारता येत नाही.

ही बातमी वाचा: