नवीन महिन्याच्या पहिल्याच दिवशी आनंदाची बातमी, देशाच्या तिजोरीत जमा झाले 1.96 लाख कोटी

महिन्याच्या पहिल्या दिवशी सरकारसाठी मोठी आणि आनंदाची बातमी मिळाली आहे. 1.96 लाख कोटी रुपये देशाच्या तिजोरीत जमा झाले आहेत.

Business News GST Collection News

Source : Getty Images

Business News : महिन्याच्या पहिल्या दिवशी सरकारसाठी मोठी आणि आनंदाची बातमी मिळाली आहे. 1.96 लाख कोटी रुपये देशाच्या तिजोरीत जमा झाले आहेत. जुलैमध्ये सरकारच्या जीएसटी संकलनात वार्षिक आधारावर 7.5 टक्के वाढ झाली आहे. यावेळी संकलन 1.96 लाख कोटी रुपयांवर पोहोचले आहे.

जीएसटीच्या आघाडीवर सरकारला सतत चांगल्या बातम्या मिळत आहेत. जीएसटीमधून सरकारला चांगली वसुली मिळत आहे. ती सातत्याने वाढत आहे. 1 ऑगस्ट रोजी जुलैमधील जीएसटी संकलनाचे आकडे समोर आले आहेत. गेल्या महिन्यात सरकारला 1.96 लाख कोटी रुपये मिळाले, जे गेल्या वर्षीच्या याच महिन्यापेक्षा 7.5 टक्के जास्त आहे. जून 2025 मध्ये जीएसटी संकलन 1 लाख 84 हजार 597 कोटी रुपये होते. जर आपण गेल्या आर्थिक वर्ष 2024-25 बद्दल बोललो तर एकूण जीएसटी संकलन 22.08 लाख कोटी रुपये इतके विक्रमी होते.

जीएसटी संकलनात मोठी वाढ

एप्रिल 2025 मध्ये, जीएसटी संकलन 2.37 लाख कोटी रुपये होते, जे वार्षिक आधारावर 12.6 टक्के जास्त होते. हा सलग सातवा महिना आहे जेव्हा जीएसटी संकलन 1.8 लाख कोटी रुपयांपेक्षा जास्त झाले आहे. एप्रिल ते जुलै या कालावधीत एकूण जीएसटी संकलन 8.18 लाख कोटी रुपये झाले आहे. याचा अर्थ असा की दरमहा सरासरी जीएसटी संकलन 2  लाख कोटी रुपयांपेक्षा जास्त आहे, जे गेल्या वर्षी 1.8 लाख कोटी रुपयांपेक्षा जास्त होते. अर्थसंकल्पात, सरकारने वर्षासाठी जीएसटी महसुलात 11 टक्के वाढ होण्याचा अंदाज व्यक्त केला आहे, ज्यामध्ये केंद्रीय जीएसटी आणि भरपाई उपकरासह 11.78 लाख कोटी रुपये जमा होतील.

जीएसटी संकलनात वाढ, सरकारला पायाभूत सुविधा, आरोग्यसेवा आणि इतर योजनांसाठी अधिक निधी मिळणार

जीएसटी संकलनातील ही वाढ अर्थतज्ज्ञ आणि व्यावसायिक सकारात्मक संकेत मानत आहेत. यामुळे सरकारला पायाभूत सुविधा, आरोग्यसेवा आणि इतर योजनांसाठी अधिक निधी मिळेल. तसेच, व्यावसायिकांचा कर प्रणालीशी समन्वयही सुधारला आहे, ज्यामुळे करचोरी कमी झाली आहे. सरकारचे म्हणणे आहे की जीएसटीमुळे केवळ कर प्रणाली सोपी झाली नाही तर देशाची अर्थव्यवस्था अधिक पारदर्शक झाली आहे. गेल्या आर्थिक वर्षात म्हणजे 2024-25 बद्दल बोललो तर एकूण जीएसटी संकलन 22.08 लाख कोटी रुपये इतके विक्रमी होते. यावर्षी देखील मिक्रमी संकलन होण्याची शक्यता आहे. 

महत्वाच्या बातम्या: