SIP : 20 हजार रुपये पगार मिळतो, 4000 रुपयांच्या गुंतवणुकीनं 1.38 कोटींचा फंड कसा जमा करायचा?
SIP : छोट्या रकमेपासून सुरु करण्यात आलेली गुंतवणूक मोठा फंड तयार करते. काही लोकांचं मत असतं की त्यांचा पगार कमी आहे मात्र छोट्या रकमेनं गुंतवणूक सुरु केल्यास मोठा कॉर्पस तयार होऊ शकतो.
Financial Planning For Low Income मुंबई: भारतात एसआयपीद्वारे म्युच्युअल फंडमध्ये गुंतवणूक करण्याऱ्यांची संख्या वाढत आहे. एसआयपीद्वारे गुंतवणूक करताना दीर्घकालीन गुंतवणुकीचा विचार करुन ती सुरु करणं आवश्यक असतं. मोठ्या रकमेची गुंतवणूक फायदेशीर असतेच. मात्र, कमी पगार असलेल्या व्यक्ती देखील गुंतवणूक सुरु करु शकतात. आता 500 रुपयांपासून गुंतवणूक सुरु करता येते.
छोट्या रकमेची गुंतवणूक सुरु करुन देखील तुम्ही मोठा कॉर्पस तयार करु शकता. काही लोक म्हणतात त्याचं उत्पन्न कमी आहे, पगार कमी आहे. कोट्यवधि रुपयांचा कॉर्पस बनवू शकत नाही. मात्र, 50-30-20 चा फॉर्म्युला वापरुन गुंतवणूक केल्यास चांगला कॉर्पस तयार होऊ शकतो.
समजा तुम्ही नियमितपणे गुंतवणूक करत आहात. तर, तुम्ही चांगला कॉर्पस बनवू शकता. उदा. जर तुमचा पगार 20 हजार रुपये असेल तर तुम्ही 50-30-20 फॉर्म्युला वापरुन कोट्यधीश होऊ शकता.
50-30-20 फॉर्म्युला काय?
50-30-20 फॉर्म्युल्यामध्ये तुमचा पगार किंवा उत्पन्न खर्चाच्या आधारावर विभाजित करायचं असतं. 50 टक्क्यात घराचं भाडं, जेवणाचा खर्च आणि दुसऱ्या आवश्यक गोष्टींवर खर्च करता येतो. राहिलेल्या 50 टक्क्यांपैकी 30 टक्के रक्कम मनोरंजन आणि पर्यटन यासारख्या गोष्टींवर खर्च करावा. राहिलेली 20 टक्के रक्कम म्हणजेच 20 हजार रुपये पगार असेल तर 4000 रुपये एसआयपीद्वारे गुंतवले पाहिजेत.
4000 रुपयांच्या एसआयपीनं कोटींचा कॉर्पस किती वर्षात?
सर्वसाधारणपणे दरमहा 4000 रुपयांची एसआयपी सुरु केली आणि त्यावर 12 टक्के प्रतिवर्ष सीएजीआर अपेक्षित धरल्यास 28 वर्षात 1.38 कोटी रुपयांचा निधी जमा होऊ शकतो. तर, 4000 रुपयांची एसआयपी सुरु करुन दरवर्षी 10 टक्के स्टेपअप केल्यास 22 वर्षात 1 कोटी 1 लाख रुपये जमा होऊ शकतात.
दरम्यान, म्युच्युअल फंडातून मिळणारा परतावा शेअर बाजारातील घडामोडींवर अवलंबून असतो. ज्यावेळी शेअर बाजारात घसरण झालेली असते तेव्हा म्युच्युअल फंडसचे यूनिट कमी किमतीत गुंतवूकदारांना मिळतात. आता स्टॉक्समध्ये देखील एसआयपीची सुविधा सुरु झाली आहे. 2025 मध्ये विदेशी गुंतवणूकदारांनी भारतीय शेअर बाजारातून पैसे काढून घेतले जात असताना एसआयपीतून शेअर बाजारात येणाऱ्या पैशांमुळं भारतीय शेअर बाजाराला आधार मिळाला आहे.
(टीप- शेअर बाजार, म्यूच्यूअल फंड हे जोखमीच्या अधीन असतात. या लेखात दिलेली माहिती ही प्राथमिक स्वरुपाची असून आम्ही कोणताही दावा करत नाही. या लेखामागचा गुंतवणुकीसाठी शिफारस, सल्ला देण्याचा उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)
महत्त्वाच्या बातम्या
