दिलासादायक! बँकांनीही केलं नवीन वर्षाचं स्वागत, 'या' प्रमुख बँकांनी वाढवले FD वरील व्याजदर

नवीन वर्षात FD योजनांमध्ये गुंतवणूक (Invetment) करणाऱ्यांसाठी एक चांगली बातमी आहे. देशातील अनेक बड्या बँकांनी 2024 च्या सुरुवातीला एफडी योजनांवर वाढीव व्याजदर देण्याचा निर्णय घेतला आहे.

FD Rate Increased Banks ( Image Source :Freepik )

FD Rate Increased: नवीन वर्षात FD योजनांमध्ये गुंतवणूक (Invetment) करणाऱ्यांसाठी एक चांगली बातमी आहे. देशातील अनेक बड्या बँकांनी 2024 च्या सुरुवातीला एफडी योजनांवर वाढीव व्याजदर देण्याचा निर्णय घेतला आहे. काही बँकांनी नवीन वर्षाच्या निमित्ताने ग्राहकांसाठी खास एफडी योजना सुरू केल्या आहेत, तर काहींनी त्यांच्या सध्याच्या मुदत ठेव योजनांचे व्याजदर वाढवले ​​आहेत. बँकांनी त्यांच्या व्याजदरात किती वाढ करण्याचा निर्णय घेतला आहे याबाबत सविस्तर माहिती जाणून घेऊयात. 

बँक ऑफ इंडियाची विशेष एफडी योजना 

देशातील सर्वात मोठी सार्वजनिक क्षेत्रातील बँक म्हणजेच बँक ऑफ इंडियाने उच्च ठेवींवर ग्राहकांना उच्च व्याजदराचा लाभ देण्यासाठी नवीन वर्षाच्या निमित्ताने सुपर स्पेशल एफडी योजना सुरू केली आहे. या योजनेअंतर्गत ग्राहकांना 175 दिवसांच्या कालावधीसाठी 2 ते 50 कोटी रुपयांच्या ठेवींवर 7.50 टक्के व्याजदराचा लाभ मिळत आहे. ही योजना 1 जानेवारी 2024 पासून सुरू झाली आहे.

PNB ने व्याजदरात इतकी वाढ केली 

नवीन वर्षाच्या निमित्ताने ग्राहकांना भेटवस्तू देताना पंजाब नॅशनल बँकेने आपल्या 2 कोटी रुपयांपेक्षा कमी असलेल्या FD योजनेवरील व्याजदरातही वाढ करण्याचा निर्णय घेतला आहे. बँकेने 180 ते 270 दिवसांच्या FD वर FD दरात 50 बेस पॉइंट्सने वाढ करण्याची घोषणा केली आहे. अशा परिस्थितीत सर्वसामान्य नागरिकांना या कालावधीत 6 टक्के व्याजाचा लाभ मिळत आहे. त्याच वेळी, ग्राहकांना 271 ते 1 वर्षाच्या FD वर 45 बेस पॉइंट्सच्या व्याजदराचा लाभ मिळत आहे. अशा परिस्थितीत, आता या कालावधीत तुम्हाला जमा केलेल्या रकमेवर 7.25 टक्के व्याजदर दिला जात आहे. तर 400 दिवसांच्या FD योजनेवर आता 6.80 टक्क्यांऐवजी 7.25 टक्के व्याज मिळणार आहे. नवीन दर 1 जानेवारी 2024 पासून लागू झाले आहेत.

स्टेट बँक ऑफ इंडियानेही ग्राहकांना नववर्षाची भेट दिली

भारतातील सर्वात मोठ्या सार्वजनिक क्षेत्रातील बँकेने वेगवेगळ्या कालावधीच्या FD योजनांवर व्याजदर वाढवण्याचा निर्णय घेतला आहे. 2 कोटी रुपयांपेक्षा कमी ठेव योजनांसाठी हे दर वाढवण्यात आले आहेत. SBI 7 दिवस ते 45 दिवसांच्या मुदत ठेव योजनेवर 3 ते 3.50 टक्के व्याजदराचा लाभ देत आहे. तर 46 दिवस ते 179 दिवसांच्या FD स्कीमवर 4.5 टक्के ते 4.75 टक्के व्याजदर देत आहे, तर 180 ते 210 दिवसांच्या FD स्कीमवर 5.25 ते 5.75 टक्के व्याजदर देत आहे. त्याच वेळी, बँकेने 1 ते 2 वर्षांच्या FD योजनेच्या व्याजदरांमध्ये कोणताही बदल केलेला नाही. त्याचवेळी, सामान्य ग्राहकांना 2 ते 3 वर्षांच्या FD योजनेवर 7.00 टक्के व्याजदर, 3 ते 5 वर्षांच्या FD योजनेवर 6.75 टक्के आणि 5 ते 10 वर्षांच्या FD योजनेवर 6.50 टक्के व्याजदराचा लाभ मिळत आहे.

आयसीआयसीआय बँकेनेही एफडीवर व्याज वाढवले

देशातील सर्वात मोठ्या खासगी क्षेत्रातील बँक ICICI बँकेने देखील आपल्या ग्राहकांना नवीन वर्षाच्या भेटवस्तू देताना व्याजदरात वाढ केली आहे. बँकेने 389 दिवसांच्या विशेष एफडी योजनेवरील व्याजदर 6.7 टक्क्यांवरून 7.25 टक्के केले आहेत. याशिवाय, बँक आता 61 दिवस ते 90 दिवसांच्या FD योजनेवर 4.50 टक्के ऐवजी 6 टक्के, 91 ते 184 दिवसांच्या FD योजनेवर 4.75 टक्के ऐवजी 6.50 टक्के, 185 दिवस ते 270 दिवसांच्या FD वर 5.75 टक्के ऐवजी 6.75 टक्के व्याजदर मिळेल. 390 दिवसांची FD ते 15 महिन्यांच्या FD पर्यंत 6.70 ते 7.25 टक्के व्याजदर आणि 5 ते 10 वर्षांच्या FD वर आता 6.90 टक्क्यांऐवजी 7 टक्के व्याजदर मिळणार आहे. हे नवीन दर 3 जानेवारी 2023 पासून लागू झाले आहेत.

अॅक्सिस बँकेनेही व्याजदरात वाढ केली 

नवीन वर्षाच्या मुहूर्तावर अॅक्सिस बँकेनेही एफडी योजनेवरील वाढीव व्याजदराची भेट ग्राहकांना दिली आहे. नवीन दर 26 डिसेंबर 2023 पासून लागू झाले आहेत. बँक 1 वर्ष ते 15 महिन्यांच्या FD योजनांवर 7.10 टक्के व्याजदर देत आहे. त्याचवेळी, बँक 15 महिन्यांपेक्षा कमी कालावधीच्या योजनांवर 4.75 टक्के ते 6 टक्के व्याज देऊ करत आहे.

बँक ऑफ बडोदा देखील एफडी योजनेवर व्याज वाढवले 

सार्वजनिक क्षेत्रातील बँक म्हणजेच बँक ऑफ बडोदानेही 29 डिसेंबर रोजी आपल्या ग्राहकांना वाढीव व्याजदराची भेट दिली आहे. बँकेने 1 ते 2 वर्षांच्या कालावधीसाठी FD योजनेवर 6.85 टक्के व्याजदराचा लाभ देत आहे. तर 2 ते 3 वर्षांच्या FD योजनेवर व्याजाचा लाभ 7.25 टक्के आणि 3 ते 10 वर्षांच्या FD वर 6.50 टक्क्यांपर्यंत व्याजाचा लाभ मिळतो. त्याच वेळी, ग्राहकांना बडोदा ट्रायकोलर प्लस डिपॉझिट स्कीमवर 399 दिवसांच्या एफडीवर 7.15 टक्के व्याजदराचा लाभ मिळत आहे.

डीसीबी बँकेनेही एफडीवर व्याज वाढवले

DCB बँकेचे नाव त्या बँकांच्या यादीत समाविष्ट आहे, जे त्यांच्या ग्राहकांना उच्च एफडी स्कीम व्याजदराचा लाभ देत आहेत. बँक 12 महिने ते 12 महिने आणि 10 दिवसांच्या FD योजनेवर 7.15 टक्क्यांऐवजी 7.85 टक्के व्याजदराचा लाभ देत आहे.

महत्त्वाच्या बातम्या: