CNH यावर्षी भारतात 50 दशलक्ष डॉलर्सची गुंतवणूक करणार, मे महिन्यात 105HP ट्रॅक्टर लॉन्च होणार
कृषी कंपनी CNH यावर्षी भारतातील कृषी यंत्रसामग्री विभागात 50 दशलक्ष डॉलरची गुंतवणूक करणार आहे.
Farm Machinery Segment: कृषी कंपनी CNH यावर्षी भारतातील कृषी यंत्रसामग्री विभागात 50 दशलक्ष डॉलरची गुंतवणूक करणार आहे. याशिवाय कंपनी मे महिन्यात 105 एचपी ट्रॅक्टर लाँच करण्याची शक्यता आहे. सीएनएच इंडियाच्या एका वरिष्ठ अधिकाऱ्याने याबाबतची माहिती दिली. CNH Industrial NV ही एक इटालियन-अमेरिकनबहुराष्ट्रीय कंपवी आहे, ज्याचे जागतिक मुख्यालय बॅसिल्डन , युनायटेड किंगडम इथं आहे.
ट्रॅक्टर मार्केटमध्ये 4 टक्के हिस्सा
CNH न्यू हॉलंड ब्रँड नावाने कृषी यंत्रसामग्री आणि उपकरणांचे उत्पादन आणि विक्री करते. कंपनी यावर्षी 30 ते 40 हॉर्सपॉवर (HP) पेक्षा कमी कॉम्पॅक्ट ट्रॅक्टर श्रेणीवर लक्ष केंद्रित करेल. तसेच, कंपनीने यावर्षी 1000 बेलर मशीन्स (स्टबल व्यवस्थापनासाठी वापरल्या जाणाऱ्या) विकण्याचे उद्दिष्ट ठेवले आहे. सध्या CNH इंडियाचा भारताच्या ट्रॅक्टर मार्केटमध्ये 4 टक्के वाटा आहे. CNH India आणि SAARC चे देश व्यवस्थापक आणि व्यवस्थापकीय संचालक नरिंदर मित्तल यांनी PTI ला सांगितले की, भारताच्या कृषी क्षेत्रात भरपूर क्षमता आहे आणि कंपनीचा पुढील चार वर्षात बाजारातील हिस्सा दुप्पट करून 8 टक्क्यांपर्यंत पोहोचवण्याचा मानस आहे.
चालू वर्षात कृषी क्षेत्रात चार ते पाच कोटी डॉलर्सची गुंतवणूक करण्याचा आमचा विचार आहे. यातील 25 दशलक्ष ते 30 दशलक्ष डॉलर्स फक्त ट्रॅक्टर व्यवसायात गुंतवले जाणार आहेत. मित्तल म्हणाले की, गुंतवणूक कार्यक्रमांतर्गत कंपनी 45 एचपी वरील विशेष ट्रॅक्टर मॉडेल्सवर काम करत आहे. यात नवीन इंजिन असेल ज्यामुळे इंधन कार्यक्षमता वाढेल.
कंपनी 105HP चा मोठा ट्रॅक्टर बाजारात आणणार
यावर्षी मे महिन्यात कंपनी एक मोठा 105HP ट्रॅक्टर बाजारात आणणार आहे. सध्या कंपनी देशातील बेलर्स आणि रिज मशीनची वाढती मागणी पूर्ण करण्यासाठी 100 HP पेक्षा जास्त क्षमतेचे मोठे ट्रॅक्टर आयात करत आहे. बेलर हे खोडाचे व्यवस्थापन करण्यास मदत करते. अशा मशिन्सच्या वापराबाबत देशात जागरूकता वाढत आहे. CNH इंडियाने 2023 मध्ये सुमारे 840 लहान स्क्वेअर बेलर्सची विक्री केली. गेल्या वर्षी 450 बेलर्सची विक्री झाली होती. कंपनीच्या अधिकाऱ्याने सांगितले की, कंपनीने 2023 मध्ये 50 मोठ्या आणि गोल बेलरचीही विक्री केली. कंपनी पंजाब, हरियाणा, उत्तर प्रदेश आणि मध्य प्रदेशच्या काही भागात बेलर्सची विक्री करत आहे.कृषी क्षेत्रात, CNH इंडियाचा ग्रेटर नोएडा, उत्तर प्रदेश येथे 60,000 वार्षिक उत्पादन क्षमता असलेला ट्रॅक्टर निर्मिती कारखाना आहे. दुसरा पुणे, महाराष्ट्र येथे हार्वेस्टर तयार करण्याचा प्रकल्प आहे.
महत्वाच्या बातम्या:
जगातील सर्वात 10 मजबूत फूड ब्रँड कोणते? यामध्ये भारतातील किती ब्रँडचा समावेश
महत्त्वाच्या बातम्या
ट्रेंडिंग न्यूज
