Emergency Loan : अचानक पैशांची गरज पडल्यास काय करावं? कशी करालं पैशांची व्यवस्था? हे 4 मार्ग देतील आधार
Emergency Loan News : संकट कोणालाही सांगून येत नाही. कठीण काळात, सर्वात प्रथम आपल्याला पैशाची आवश्यकता असते. अचानक पैशांची गरज लागल्यास काय कराल याबाबतची माहिती पाहुयात.
Emergency Loan News : कधीही कुणालाही अचानक पैशांची गरज (Need of Money) भासू शकते. अशावेळी तुमच्याजळ पैसे नसतील तर काय करावं? असा प्रश्न सर्वांनाच कधीतरी पडला असेल. या काळात तुमची बचतही संपून जाते. कारण पैशांची गरज जास्त असते. तर अशा संकटात तुम्हाला 4 मार्ग आधार देऊ शकतात. जाणून घेऊयात याबाबतची सविस्तर माहिती.
संकट कोणालाही सांगून येत नाही. कठीण काळात, सर्वात प्रथम आपल्याला पैशाची आवश्यकता असते. जर तुमच्याकडे पैसा असतील तर तुम्ही सर्व कामे सहज पूर्ण करु शकता. पण कधी कधी परिस्थिती अशी होते की तुमची बचतही कमी पडते. तुम्हाला ओळखीच्या व्यक्तीकडून पैसे घ्यावे लागतात आणि कधी कधी तिथूनही तुमचे काम शक्य होत नाही. जर तुम्हाला अशी परिस्थिती आली तर काळजी करू नका. आपत्कालीन परिस्थितीतही तुम्ही सहजपणे पैशांची व्यवस्था करु शकता.
आपत्कालीन परिस्थितीत पैशांची व्यवस्था करण्याचे मार्ग कोणते?
सोने कर्ज (Gold Loan)
जर तुमच्याकडे सोने असेल तर तुम्ही त्यावरही चांगले कर्ज घेऊ शकता. हा एक सोयीचा पर्याय आहे, त्यामुळेच गोल्ड लोन मार्केटही झपाट्याने वाढले आहे. पर्सनल लोन, प्रॉपर्टी लोन, कॉर्पोरेट लोन यांसारख्या असुरक्षित कर्जांच्या तुलनेत गोल्ड लोन स्वस्त आहे. इतर कर्जाच्या तुलनेत गोल्ड लोनचे निकष अगदी सोपे आहेत. क्रेडिट स्कोअर वगैरे काही फरक पडत नाही कारण कर्जाची रक्कम तुम्हाला तुमच्या सोन्याच्या मूल्यानुसार दिली जाते.
ॲडव्हान्स सॅलरी लोन (Advance Salary Loan)
तुम्ही नोकरी करत असाल तर तुम्ही ॲडव्हान्स सॅलरी लोनचा (Advance Salary Loan) पर्याय निवडू शकता. अनेक बँका आणि वित्तीय संस्था नोकरदार लोकांना आगाऊ पगार कर्ज देतात. हे कर्ज तुमच्या पगाराच्या तिप्पट असू शकते. ॲडव्हान्स सॅलरी लोनचा एक फायदा म्हणजे तुम्हाला जास्त कागदपत्रांची गरज नाही, काही अटींचे पालन करून कर्ज सहज घेता येते. तुम्ही निश्चित अंतराने EMI द्वारे त्याची परतफेड करू शकता. पण त्याचे व्याजदर खूप जास्त आहेत. पगारावर कर्ज सुमारे 24 ते 30% व्याजदराने उपलब्ध आहे.
कारवर कर्ज (car loan)
जेव्हा कमी कालावधीत पैशाची व्यवस्था करण्याची गरज असते तेव्हा तुमची मालमत्ता कामी येते. तुमच्याकडे कार असेल तर ती सिक्युरिटी म्हणून ठेवून तुम्ही त्यावर कर्ज घेऊ शकता. यासाठी अर्जदाराला बँक किंवा फायनान्स कंपनीच्या वेबसाइटवर जाऊन कर्ज अर्ज भरावा लागेल ज्यामध्ये कार कंपनी, मॉडेल, उत्पादन वर्ष, कर्ज घेण्याचे कारण इत्यादी तपशील द्यावा लागेल. आवश्यक कागदपत्रे मागितल्यावर नंतर सादर करावी लागतील. कारच्या मूल्याचे मूल्यांकन केल्यानंतर बँक कर्जाची रक्कम ठरवते. तथापि, काही निर्बंध आहेत, म्हणजे, कार मॉडेलवर ड्रायव्हिंग प्रतिबंध असल्यास, बँक कर्ज अर्ज नाकारू शकते.
PPF-LIC कर्ज
तुम्ही कोणत्याही दीर्घ मुदतीच्या योजनेत गुंतवणूक केली असेल आणि तुम्हाला ती योजना बंद करायची नसेल, तर तुम्ही त्यावरील कर्जाची सुविधा घेऊ शकता. पीपीएफ आणि एलआयसी सारख्या दीर्घकालीन योजनांवर तुम्ही सहजपणे कर्ज मिळवू शकता. हे वैयक्तिक कर्जापेक्षा स्वस्त देखील आहे. तुम्ही पीपीएफवर केवळ 5 वर्षांसाठी कर्जासाठी अर्ज करू शकता. तुम्हाला सहाव्या वर्षापासून आंशिक पैसे काढण्याची सुविधा मिळते.
महत्वाच्या बातम्या:
पर्सनल लोन घेताना राहा सावधान, 'या' गोष्टींची घ्या काळजी, अन्यथा येतील अडचणी!
Before You Go
Share Market Update : गुढीपाडव्याच्या दिवशी शेअर बाजारात पडझड, निफ्टीमध्ये 450 हून अधिक अंकानी पडझड
महत्त्वाच्या बातम्या
