काय सांगता, आता सोन्याचा संपूर्ण देशात एकच भाव? लवकरच होणार मोठा बदल!
देशात सध्या प्रत्येक भागात सोन्याचा दर वेगळा असतो. मात्र आता केंद्र सरकार संपूर्ण देशात सोन्याचा दर एकच राहावा यासाठी वन नेशन वन रेट हे धोरण लागू करण्याचा विचार करत आहे.
Gold Rate: आपल्या देशात वेगवेगळ्या शहरात सोन्याचा दर वेगवेगला असतो. सोने, चांदीचा दर प्रत्येक राज्यात वेगळा असतो. त्यासाठी वेगवेगळा कर आहे. मात्र आता लवकरच देशातील सर्व राज्यांत तसेच शहरांत सोने, चांदीचा दर एकच असण्याची शक्यता आहे. म्हणजेच सोने-चांदीच्या दराच्या बाबतीत वन नेशन वन रेट ही संकल्पना लवकरच प्रत्यक्षात उतरण्याची शक्यता आहे. हे धोरण लागू झाल्यानंतर देशात कोणत्याही भागात सोन्याचा दर एकच असेल. या धोरणामुळे सोन्याचे व्यापारी, ज्वेलर्स यांनादेखील फायदा होण्याची शक्यता आहे. विशेष म्हणजे हे धोरण लागू करण्यासाठी देशातील अनेक ज्वेलर्सनेही सहमती दर्शवली आहे.
जेम अँड ज्वेलरी काऊन्सिलचा पाठिंब
सोन्याच्या दरांवर नियंत्रण ठेवण्यासाठी देशात 'वन नेशन, वन रेट' (One Nation One Rate) धोरण लागू करण्यास जेम अँड ज्वेलरी काऊन्सीलने (GJC) समर्थन दिले आहे. या धोरणाच्या मदतीने देशात प्रत्येक भागात सोन्याचा दर एकच अशेल. वेगवेगळ्या माध्यमांतील रिपोर्ट्सनुसार सप्टेंबर 2024 मध्ये या धोरणाबाबत अधिकृत घोषणा होऊ शकते. या धोरणाचे काही फायदे असले तरीही ते लागू झाल्यानंतर वेगळी आव्हाने उभी राहण्याची शक्यता आहे. याच आव्हानांना तोंड देण्याची आता तयारी केली जात आहे.
वन नेशन, वन रेट पॉलिसीने नेमकं काय होणार?
केंद्र सरकारतर्फे वन नेशन वन रेट हे धोरण राबवण्यावर विचार केला जात आहे. संपूर्ण देशात सोन्याचा दर एकच असावा, असे केंद्र सरकारचे मत आहे. हे धोरण लागू झाल्यानंतर तुम्ही दिल्ली, मुंबई, चेन्नई, कोलकात असे मेट्रो शहर असूदेत किंवा एखादं छोटं शहर असूदेत सर्व ठिकाणी सोने खरेदी करण्यासाठी एकच किंमत द्यावी लागेल. या धोरणाअंतर्गत केंद्र सरकार नॅशनल बुलियन एक्स्चेंज (National Bullion Exchange) तयार करणार आहे. या आस्थापनेच्या माध्यमातून सोन्याचा एकच दर निश्चित केला जाणार आहे. या आस्थापनेने सोन्याचा दर निश्चित केल्यावर ज्वेलर्सना सोने एकाच किमतीवर विकावे लागेल.
वन नेशन, वन रेटचा सामान्यांना काय फायदा?
देशात वन नेशन, वन रेट लागू झाल्यानंतर पारदर्शकता येईल, असा दावा केला जातोय. सध्या देशात सोन्याचा दर सगळीकडे वेगवेगळा असतो. त्यामुळे हा दर कुठे कमी असतो तर कुठे तो जास्त असतो. अनेक ठिकाणी ज्वेलर्स मनमानी पद्धतीने सोन्याचा दर लागू करतात. मात्र वन नेशन लागू झाल्यानंतर यावर लगाम बसू शकतो. दरम्यान, गेल्या काही वर्षांत सोन्याच्या दरात मोठी वाढ झालेली आहे. सध्या 24 कॅरेट सोन्याचा दर प्रतिग्रॅम 74000 रुपयांवर आहे.
हेही वाचा :
'हा' म्युच्यूअल अल फंड चांगलाच भारी, 8 दिवसांत 9 टक्क्यांनी रिटर्न्स!
टाटा-BSNL यांच्यात 15 हजार कोटींचा करार, जिओ, एअरटेलचं टेन्शन वाढणार?
प्राप्तिकर विभागाचा नाद नको! 1 रुपयासाठी नोटीस आली, घालवावे लागले तब्बल 50000 रुपये!
महत्त्वाच्या बातम्या
