'या' 30 बँकांमध्ये तुमचे पैसे अडकलेत का? पैसे परत मिळवण्यासाठी नेमकं काय कराल? सविस्तर माहिती एका क्लिकवर
एखाद्या बँकेमध्ये (Bank) तुमचे जुने खाते आहे आणि बऱ्याच वर्षापासून व्यवहार न झाल्यामुळं तुमचे पैसे त्या बँकेत अडकलेत. असे झाल्यास ते पैसे परत कसे मिळवायचे या संदर्भातील माहिती आज आपण पाहणार आहोत.
Business News : एखाद्या बँकेमध्ये (Bank) तुमचे जुने खाते आहे आणि बऱ्याच वर्षापासून व्यवहार न झाल्यामुळं तुमचे पैसे त्या बँकेत अडकले आहेत. असे झाल्यास तुमचे पैसे परत कसे मिळवायचे या संदर्भातील सविस्तर माहिती आज आपण पाहणार आहोत. 30 बँकांमध्ये जर तुमचे पैसे अडकले असतील तर ते परत मिळू शकतात. रिझर्व्ह बँक ऑफ इंडियाच्या 'उद्गम पोर्टल' या सेवेद्वारे तुम्ही तुमचे पैसे परत मिळवू शकता.
30 बँकांपैकी कोणत्याही एक किंवा अधिक बँकांमध्ये जुने खाते असल्यास. एखादे खाते जेथे वर्षानुवर्षे कोणतेही व्यवहार झालेले नाहीत किंवा सरकारी अनुदानाशी जोडलेले आहे, परंतू बऱ्याच काळापासून प्रवेश केलेले नाही व्यवहार झालेला नाही. त्यामुळं तुमच्या कुटुंबाचे आजी आजोबांचे पैसे बँक खात्यात अडकले असतील, तर आता तुम्ही त्याचा वापर करून त्यावर दावा करु शकता. यामध्ये रिझर्व्ह बँक ऑफ इंडिया (RBI) ची सेवा तुम्हाला मदत करू शकते. बँकांमध्ये पडून असलेली 'दावे न केलेली रक्कम' परत करण्यासाठी आरबीआयने 'उद्गम पोर्टल' सुरू केले आहे. त्याला ‘अनक्लेम डिपॉझिट गेटवे टू ऍक्सेस इन्फॉर्मेशन’ (उद्गम) असे नाव देण्यात आले आहे. या पोर्टलवर नोंदणी करून तुम्ही जुने अडकलेले पैसे परत मिळवू शकता.
त्या 30 बँका कोणत्या?
1) Axix Bank
2) Bank Of Baroda
3) Bank of India
4) Bank of Maharashtra
5) Canara Bank
6) Central Bank of India
7) Citi bank
8) DBS Bank India
9) Dhanlaxmi Bank
10) Federal Bank
11) HDFC Bank
12) HSBC Bank
13) ICICI Bank
14) IDBI Bank
15) Indian Bank
16) Indian Overseas Bank
17) jammu and kashmir Bank
18) Karnataka Bank
19) Kotak Mahindra Bank
20) Punjab National Bank
21) Punjab and Sind Bank
22) saraswat co operative Bank
23) South Indian Bank
24) standers Chartered Bank
25) State Bank Of India
26) Tamilnad Mercantile Bank
27) The Karur Bank
28) UCO Bank
29) Union Bank Of India
30) Indusind Bank
या 30 बँकांचे पैसे उद्गम पोर्टलवर उपलब्ध
आरबीआयने दिलेल्या माहितीनुसार उद्गम पोर्टलशी आतापर्यंत 30 बँका जोडल्या गेल्या आहेत. यामध्ये एसबीआय, बँक ऑफ बडोदा, बँक ऑफ महाराष्ट्र, कॅनरा बँक, पंजाब नॅशनल बँक या सरकारी बँकांचाच समावेश नाही, तर एचडीएफसी बँक, ॲक्सिस बँक, आयसीआयसीआय बँक, एचएसबीसी बँक आणि स्टँडर्ड चार्टर्ड या खासगी बँकांचाही समावेश आहे. ऑनलाइन पोर्टल उद्गम मदतीनं, नोंदणीकृत लोकांना त्यांच्या किंवा त्यांच्या कुटुंबाच्या वेगवेगळ्या बँक खात्यांमध्ये दावा न केलेल्या रकमेची माहिती एकाच ठिकाणी मिळेल. त्यामुळं एका ठिकाणाहून दावा न केलेल्या पैशावर दावा करणे त्यांना सोपे जाईल. सध्या, बँकांमध्ये हक्क नसलेल्या ठेवी RBI द्वारे ठेवीदारांच्या शिक्षण आणि जागृतीसाठी तयार केलेल्या निधीमध्ये जमा केल्या जातात. ही माहिती उद्गम पोर्टलवर एकाच ठिकाणी उपलब्ध असेल.
बँकांमध्ये एकूण 42,270 कोटी रुपयांची रक्कम पडून
सेंट्रल बँकेने दिलेल्या माहितीनुसार, 4 मार्चपर्यंत 30 बँका उद्गम पोर्टलमध्ये सामील झाल्या आहेत. उर्वरित बँकाही लवकरच या पोर्टलशी जोडल्या जातील. या 30 बँकांमध्ये एकूण बेकायदेशीर ठेवींपैकी सुमारे 90 टक्के ठेवी आहेत. उद्गम पोर्टलवर नोंदणी करण्यासाठी, वापरकर्त्यांना त्यांचे नाव, मोबाइल नंबर इत्यादी प्रविष्ट करून नोंदणी करणे अनिवार्य आहे. देशातील विविध बँकांमध्ये मार्च 2023 पर्यंत एकूण 42,270 कोटी रुपयांची रक्कम दावा न करता पडून आहे.
महत्वाच्या बातम्या:
मार्चमध्ये तब्बल 14 दिवस बँका राहणार बंद, 'या' दिवशी बँकांना असणार सुट्टी, संपूर्ण यादी एका क्लिकवर
महत्त्वाच्या बातम्या
ट्रेंडिंग न्यूज
