Rahu Ketu : आज राहू-केतू राशी बदलणार, अशुभ ग्रहांच्या शांतीसाठी काय करावे? उपाय जाणून घ्या

Rahu Ketu : 30 ऑक्टोबर रोजी राहू आणि केतू आपल्या राशी बदलणार आहेत. या दिवशी राहु मीन राशीत जाईल आणि केतू कन्या राशीत जाईल. दोन्ही ग्रहांच्या शांतीसाठी काही उपाय फायदेशीर मानले जातात.

rahu ketu transit 2023 marathi news

Rahu Ketu Transit 2023 : ज्योतिषशास्त्रात ग्रह आणि नक्षत्रांचे विशेष महत्त्व मानले जाते. प्रत्येक ग्रह विशिष्ट वेळी आपली राशी बदलतो. ग्रहांच्या या संक्रमणांचा लोकांच्या जीवनावर खोलवर परिणाम होतो. ज्योतिषशास्त्रात राहु-केतू हे पापी ग्रह मानले जातात. या दोन ग्रहांना छाया ग्रह म्हणतात. राहू-केतू लवकरच आपली राशी बदलणार आहेत. राहू-केतू क्रूर मानले जातात. कुंडलीत राहू-केतू दोष असल्यास व्यक्ती मानसिक तणावातून जाते. त्याचे मोठे आर्थिक व शारीरिक नुकसान होण्याची शक्यता आहे. 30 ऑक्टोबर रोजी राहू-केतूचे संक्रमण होणार आहे.

राहू-केतूच्या शांतीसाठी काय करावे?

जर कुंडलीत राहू-केतूची स्थिती कमकुवत असेल तर त्यांच्या शांतीसाठी काही उपाय करणे आवश्यक आहे. या उपायांच्या प्रभावाने राहू-केतू शुभ फळ देऊ लागतात आणि त्रास कमी होऊ लागतात. या उपायांबद्दल जाणून घ्या

राहू-केतूला प्रसन्न करण्याचे उपाय

राहू दोषाचा अशुभ प्रभाव टाळण्यासाठी शक्यतो निळ्या रंगाचे कपडे घालावेत आणि केतू दोष टाळण्यासाठी गुलाबी रंगाचे कपडे परिधान करावेत. ज्यांच्या कुंडलीत राहू-केतूची स्थिती कमजोर आहे अशा लोकांनी मद्य आणि मांसाचे सेवन करू नये. 

राहू अशक्त असताना, कुत्र्याची सेवा आणि काळजी घेणे फायदेशीर आहे.

पंचमुखी शिवासमोर बसून 'ओम नमः शिवाय' या मंत्राचा रुद्राक्ष जपमाळ जप केल्याने राहू-केतूचा अशुभ प्रभाव कमी होतो.

राहु आणि केतू ग्रहांना शांत करण्यासाठी, घरात भगवान श्रीकृष्णाचे चित्र ठेवा ज्यामध्ये ते शेषनागावर नाचत आहेत. या चित्राची दररोज पूजा करा आणि ‘ओम नमो भगवते वासुदेवाय नमः’ या मंत्राचा किमान 108 वेळा जप करा. हा उपाय केल्याने उग्र राहू-केतू शांत होतात.

राहू ग्रहाचे रत्न गोमेद आहे. कुंडलीत राहु दोष असल्यास शनिवारी ज्योतिषाच्या सल्ल्याने हे रत्न धारण करावे. हे रत्न धारण केल्याने राहु दोषापासून मुक्ती मिळते.

राहू-केतूची अशुभ स्थिती टाळण्यासाठी बुधवारी राहू ग्रहाशी संबंधित गोष्टी जव, मोहरी, नाणे, सात प्रकारची धान्ये (जव, तीळ, तांदूळ, अख्खा मूग, बाजरी, हरभरा, गहू), गोमेद रत्न, निळा किंवा तपकिरी रंगाचे कपडे आणि काचेच्या वस्तू रात्री दान कराव्यात.

केतू ग्रहाचा नकारात्मक प्रभाव टाळण्यासाठी बुधवारी बुध नक्षत्रात अश्वगंधा किंवा अस्गंधा मूल धारण करा.

केतूचा अशुभ प्रभाव टाळण्यासाठी 9 मुखी रुद्राक्ष धारण करणे फायदेशीर आहे.

 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)