Numerology Today 9 January 2024 : आजचा दिवस 'या' जन्मतारखेच्या लोकांसाठी अनुकूल; मिळणार खुशखबर

Numerology Today 9 January 2024 : अंकशास्त्रानुसार तुमचं आजचं भविष्य काय? जाणून घ्या.

Numerology Today 9 January 2024

Numerology Today 9 January 2024 : अंकशास्त्र (Numerology) देखील ज्योतिषशास्त्राप्रमाणे एखाद्या व्यक्तीच्या भविष्याबद्दल सांगते. अंकशास्त्रात व्यक्तीच्या जन्मतारखेच्या आधारे मुलांक काढला जातो आणि भविष्याची मांडणी केली जाते. ज्योतिषशास्त्राप्रमाणे अंकशास्त्रही महत्त्वाचं आहे, यात गणिताचे नियम वापरुन तुमच्या भविष्याबद्दल सांगितलं जातं.

मुलांक ही जन्मतारीख असते. जर तुमचा जन्म 7 तारखेला झाला असेल तर तुमचा मूलांक 7 असेल. परंतु जर तुमचा जन्म 17 किंवा 26 किंवा अशाच दोन सांख्यिक तारखेला झाला असेल, तर तुमचा मुलांक 1+7 = 8, 2+6 = 8 असा काढला जातो. जर एखाद्या व्यक्तीची जन्मतारीख 29 असेल, तर 2+9 = 11, 1+1 = 2 असेल, तर व्यक्तीचा मुलांक 2 असेल.

आता तुम्हाला तुमचा मुलांक तर मिळालाच असेल, याद्वारे तुमचा आजचा दिवस कसा जाईल? याबाबत जाणून घेऊया.

मूलांक 1

कोणत्याही महिन्याच्या 1, 10, 19, 28 तारखेला जन्मलेल्या व्यक्तींचा मूलांक 1 असतो. आजचा दिवस मूलांक 1 च्या लोकांना आज संमिश्र अनुभव येऊ शकतात. आरोग्याकडे लक्ष देणं आवश्यक आहे. व्यावसायिकांनी व्यवसायाचं चांगलं नियोजन करा आणि बॅकअप योजना तयार ठेवा. पैशाच्या बाबतीत परिस्थिती चांगली आहे.

 

मूलांक 2

कोणत्याही महिन्याच्या 2, 11, 20, 29 तारखेला जन्मलेल्या व्यक्तींचा मूलांक 2 असतो. मूलांक 2 चं व्यावसायिक जीवन आज चांगलं नाही, त्यामुळे तुम्हाला थोडं लक्ष द्यावं लागेल, तुमच्या ध्येयावर लक्ष केंद्रित करावं लागेल. आज कौटुंबिक जीवन चांगलं आहे आणि घरामध्ये शुभ कार्याची तयारी केली जात असेल. लव्ह लाईफ चांगली असेल.

मूलांक 3

कोणत्याही महिन्याच्या 3,12, 21, 30 तारखेला जन्मलेल्या व्यक्तींचा मूलांक 3 असतो. लव्ह लाईफमध्ये तुम्ही तुमच्या जोडीदारासोबत वेळ घालवला पाहिजे, हे नातं दृढ होण्याचे संकेत देते. जर तुम्ही कुठे बाहेर जाण्याचा विचार करत असाल तर तुम्ही जाऊ शकता. व्यावसायिक जीवनात काही आव्हानं येऊ शकतात.

मूलांक 4

कोणत्याही महिन्याच्या 4,13, 22, 31 तारखेला जन्मलेल्या व्यक्तींचा मूलांक 4 असतो. मूलांक 4 असलेल्या लोकांचे आज कौटुंबिक बंध मजबूत आहेत, आज लव्ह लाईफ रोमँटिक असेल. कुटुंबाकडून तुम्हाला वडिलोपार्जित मालमत्ता मिळू शकते. तुमचा दिवस शुभ आहे, त्यामुळे तुम्ही गुंतवणुकीचे नियोजन करू शकता. व्यावसायिकदृष्ट्या तुम्हाला कठोर परिश्रम करावे लागतील.

मूलांक 5

कोणत्याही महिन्याच्या 5,14, 23 तारखेला जन्मलेल्या व्यक्तींचा मूलांक 5 असतो. मूलांक 5 असलेल्या लोक मालमत्ता खरेदी करण्याचा विचार करत असतील तर तुमच्यासाठी दिवस चांगला असू शकतो. व्यावसायिकांना आजच्या दिवशी खबरदारी घ्यावी लागेल. कुटुंबियांशी बोलताना तुमचे शब्द जपून वापरा. गुंतवणुकीच्या संधींचा पुरेपूर फायदा घ्या.

मूलांक 6

कोणत्याही महिन्याच्या 6,15, 24 तारखेला जन्मलेल्या व्यक्तींचा मूलांक 6 असतो. तुमचा कुठे जाण्याचा प्लॅन असेल तर आत्ताच नीट विचार करावा. कार्यालयीन राजकारणापासून दूर राहा, तुम्हाला व्यावसायिकदृष्ट्या सतर्क राहावे लागेल. आर्थिक स्थिती चांगली राहील. संध्याकाळपर्यंत काही चांगली बातमी मिळू शकते.

मूलांक 7

कोणत्याही महिन्याच्या 7,16, 25 तारखेला जन्मलेल्या व्यक्तींचा मूलांक 7 असतो. मूलांक 7 च्या लोकांसाठी आज काही गोष्टी त्रासदायक ठरतील. दिवस धकाधकीचा जाईल, तुमच्या व्यस्त वेळापत्रकामुळे तुम्हाला तणाव जाणवेल. संध्याकाळची वेळ तुम्हाला दिलासा देणारी असेल. कौटुंबिक प्रकरणांमुळे आव्हानं निर्माण होऊ शकतात, ज्यासाठी थोडा संयम आवश्यक आहे.

मूलांक 8

कोणत्याही महिन्याच्या 8,17, 26 तारखेला जन्मलेल्या व्यक्तींचा मूलांक 8 असतो. मूलांक 8 असलेल्या लोकांचा आजचा दिवस चढ-उताराचा असेल. आज तुमची आर्थिक स्थिती चांगली असेल. आज तुम्हाला अधिक उत्साही वाटेल. तुमचं लव्ह लाईफ रोमँटिक असेल.

मूलांक 9

कोणत्याही महिन्याच्या 9,18, 27 तारखेला जन्मलेल्या व्यक्तींचा मूलांक 9 असतो. तुम्ही कुठे प्रवास करण्याचा विचार करत असाल तर काही समस्या येऊ शकतात. याशिवाय घरात काही आपत्कालीन परिस्थिती उद्भवू शकते. आज तुमचा दिवस खर्चिक असेल.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

हेही वाचा :