![ABP Premium](https://cdn.abplive.com/imagebank/Premium-ad-Icon.png)
मंगळाच्या भ्रमणामुळे वादळ, शनिच्या राशीत होणार प्रवेश; 'या' राशींच्या नशीबी आर्थिक संकट, तर यांच्या करिअरला लागणार ब्रेक
Mangal Parivartan: मंगळाच्या या भ्रमणाचा कोणत्या राशीच्या लोकांवर काय परिणाम होईल आणि त्यासाठी कोणते उपाय करावेत हे आपण जाणून घेऊया.
![मंगळाच्या भ्रमणामुळे वादळ, शनिच्या राशीत होणार प्रवेश; 'या' राशींच्या नशीबी आर्थिक संकट, तर यांच्या करिअरला लागणार ब्रेक Mangal Parivartan to Makar Capricorn Shani dev Rashi mangal transit impact on all zodiac signs Maharashtra Marathi News मंगळाच्या भ्रमणामुळे वादळ, शनिच्या राशीत होणार प्रवेश; 'या' राशींच्या नशीबी आर्थिक संकट, तर यांच्या करिअरला लागणार ब्रेक](https://feeds.abplive.com/onecms/images/uploaded-images/2024/02/05/b1954e9657acb27f26a3a7607efaa787170710153320189_original.jpg?impolicy=abp_cdn&imwidth=1200&height=675)
Mangal Parivartan: आज म्हणजेच 5 फेब्रुवारीला मंगळाचे (Mangal Rashi parivartan) भ्रमण होणार आहे. सोमवारी मंगळ मकर राशीत प्रवेश करणार आहे. आतापर्यंत मंगळ धनु राशीतून आता यानंतर मंगळ मकर राशीत 15 मार्चपर्यंत राहणार आहे. ज्योतिष शास्त्रानुसार मंगळ मेष आणि वृश्चिक राशीचा स्वामी हे. मकर राशी ही शनी देवाची राशी असून या राशीत मंगळ 15 पर्यंत राहणार आहे. मंगळाच्या शुभ स्थितीत व्यक्ती शक्तिशाली आणि धैर्यवान बनते. त्याचबरोबर कुंडलीत मंगळ चांगल्या स्थितीत नसल्यास समाजाच्या विरुद्ध गोष्टी करण्याची प्रेरणा मिळते. मंगळाच्या या भ्रमणाचा कोणत्या राशीच्या लोकांवर काय परिणाम होईल आणि त्यासाठी कोणते उपाय करावेत हे आपण जाणून घेऊया.
मेष राशी - मेष राशीच्या लोकांसाठी मंगळ राशीचे भ्रमण हे अतिशय शुभ असणार आहे. नोकरदारांना नोकरीत फायदा तर व्यावसायिकांना व्यावसायात फायदा होण्याची शक्यता आहे. तसेच नोकरीच्या शोधात असलेल्यांचा नोकरीचा शोध पूर्ण होईल
वृषभ राशी - वृषभ राशीच्या लोकांवर मंगळाचे भ्रमणाचा परिणाम होणार आहे. यामुळे घाबरून जाण्याचे कारण नाह कारण हा संमीश्र परिणाम असणार आहे, वृषभ राशीच्या लोकांना कामाच्या ठिकाणी अनेक संकटांना सामोरे जावे लागणार आहे. पैसे खर्च करताना विचार करुन करा तसे न केल्यास मोठे नुकसान सहन करावे लागेल.
मिथुन राशी : मंगळाच्या या संक्रमणाच्या प्रभावामुळे तुम्हाला तुमच्या कामात यश मिळेल. तसेच तुम्ही केलेल्या कष्टाचे चीज होईल. लवकरच चांगली बातमी मिळेल ज्यामुळे तुम्ही प्रसन्न राहाल. प्रसन्न वातावरण असल्याने कुटुंबात सुख आणि शांती नांदेल.
कर्क राशी - कर्क राशीसाठी मंगळाचे भ्रमण हे थोडे चिंता वाढवणारे आहे. कर्क राशीच्या व्यक्तींना अनेक संकटाचा सामना करावा लागू शकतो. विशेष म्हणजे कर्क राशीच्या नोकरी करणाऱ्या व्यक्तींना आज काम करताना विशेष काळजी घ्यावी
सिंह राशी - सिंह राशीच्या लोकांनी विशेष काळजी घ्यावी. मार्च महिन्यापर्यंत कोणतेही नवे काम करताना जरा विचार करावा. जर नवा व्यावसाय सुरू करणार असाल तर थांबा कारण मंगळाच्या शनी राशीतील भ्रमणामुळे तुम्हाला मोठ्या नुकसानाला सामोरे जावे लागेल.
कन्या राशी - कन्या राशीसाठी मंगळाचे भ्रमण अतिशय फलदायी आहे. या भ्रमणामुळे कन्या राशीच्या लोकांना धन लाभ होण्याची शक्यता आहे. एखादा व्यवसाय सुरू करणार असाल किंवा नोकरीच्या शोधात असाल तर ही वेळ तुमच्यासाठी अतिशय योग्य असून यामुळे तुम्हाला मोठा फायदा होणार आहे
तुळ राशी - मंगळाचे भ्रमण हे तुळ राशीसाठी अतिशय शुभ आहे. तुळा राशीच्या व्यक्तींना यश मिळणार आहे. तसेच एखाद्या महत्त्वाच्या कामात तुम्हाला तुमच्या मित्राची साथ मिळणार आहे.मित्राची साथ मिळणार असली तर तुम्हाला तुमच्या शत्रूपासून धोका आहे
वृश्चिक राशी - वृश्चिक राशीच्या लोकांवर मंगळाच्या भ्रमणाचा संमिश्र परिणाम होणार आहे. या भ्रमणाच्या प्रभावामुळे तुमचा आत्मविश्वास वाढण्यात मदत मिळणार आहे
धनु राशी- धनु राशीच्या लोकांसाठी मंगळाचे भ्रमण अतिशय शुभ असून तुमच्या इनकममध्ये वाढ होणार आहे.नवी योजना आखत असाल किंवा नोकरी बदलणार असाल तर ही वेळ अतिशय योग्य आहे. नोकरदारवर्गाला भ्रमणाचा सर्वात जास्त फायदा होणार असून चांगल्या पगाराच्या नव्या संधी मिळण्याची शक्यता आहे.
मकर राशी - मंगळ तुमच्या राशीत भ्रमण करत आहे, त्यामुळे तुम्हाला व्यवहार करताना विशेष काळजी घ्यावी. कोणतीही जोखीम घेताना थोडे सावध राहावे लागेल. पैशाची देवाण घेवाण करताना सतर्क राहा.तुमच्या तब्येतीची विशेष काळजी घ्या
कुंभ राशी - मंगळाच्या भ्रमणचा तुमच्या राशीवर कोणताहा परिणाम होणार नाही. उलट तुम्ही अधिक कष्ट केले तर त्याचा चांगला परिणाम तर त्याचे चांगले फळ मिळणार आहे. तुम्हाल तुमच्या जोडीदाराची साथ मिळणार आहे.
मीन राशी - मंगळाच्या भ्रमणचा सर्वात जास्त फायदा हा मीन राशीला होणार आहे. तुमचे अनेक दिवसांपासून रखडकलेले काम याच महिन्यात पूर्ण होण्याची शक्यता आहे. तसेच धनलाभ देखील होणार आहे. नवीन नोकरीच्या शोधात असाल तर हा महिना त्यासाठी शुभ असून लवकरच तुम्हाला चांगली संधी येणार असून तुमचा नोकरीचा शोध थांबणार आहे.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)