(Source: ECI/ABP News/ABP Majha)
Horoscope Today 30th May 2023: कुणाच्या राशीत आर्थिक फायदा, तर कुणाच्या राशीत ताणतणाव; कसा असेल 12 राशींचा आजचा दिवस?
Horoscope Today, Daily Horoscope: राशीभविष्याच्या दृष्टिकोनातून, 30 मे 2023, मंगळवार काहींसाठी खूप खास असेल, जाणून घ्या तुमचं आजचं राशीभविष्य...
Horoscope Today, Daily Horoscope, Rashibhavishya 30 May 2023: राशीभविष्यानुसार, 30 मे 2023, मंगळवारचा दिवस महत्त्वाचा आहे. आज मेष राशीच्या लोकांना काशीही काळजी घ्यावी लागणार आहे. थोड्याशा चुकीमुळेही मोठं आर्थिक नुकसान होऊ शकतं. तसेच, वृषभ राशीच्या लोकांनी त्यांच्या आरोग्याची काळजी घेणं आवश्यक आहे. मेष ते मीन राशीसाठी मंगळवारचा दिवस कसा राहील? जाणून घ्या तुमच्या राशीनुसार आजचं राशीभविष्य... (Rashibhavishya in Marathi)
मेष (Aries)
मेष राशीच्या लोकांबद्दल बोलायचं झालं तर आजचा दिवस तुमच्यासाठी चांगला जाणार आहे. जे लोक नोकरी करत आहेत, त्यांना नोकरीत प्रगतीची संधी मिळेल. जीवनात सुख-शांती नांदेल. कौटुंबिक कार्यक्रमात पाहुण्यांशी ओळखी वाढतील त्याचा फायदा तुम्हाला व्यवहारिक आयुष्यात नक्कीच होईल. व्यावसाय असेल तर कोणताही निर्णय घेताना काळजी घ्या, घाईगडबडीत निर्णय घेऊ नका, नाहीतर मोठं आर्थिक नुकसान होण्याची शक्यता आहे. तसेच, एखाद्या कार्यक्रमानिमित्त जुन्या मित्र्यांच्या भेटी होतील. मित्रांच्या संपर्कात राहा, आयुष्याच्या प्रत्येक टप्प्यावर फायदा होईल.
नोकरदार असाल तर आज कामाचा ताण असेल, चिडचिडही होईल, पण कामावरचं लक्ष हटू देऊ नका. शांत चित्तानं काम करा. लग्नाची बोलणी सुरू असतील तर तयारी लागा. समोरुन होकार येण्याची शक्यता आहे. परिस्थितीवर मात करण्याची प्रबळ इच्छाशक्ती असेल तर काहीही अशक्य नाही. त्यामुळे व्यावसायात आलेल्या मोठमोठ्या अडचणी हुशारीनं आणि विचारपूर्वक दूर करा. आज तुमचे रखडलेले पैसे नक्की परत मिळतील. घरातील वातावरण आनंदी असेल. जर तुम्ही याआधी कोणतीही गुंतवणूक केली असेल, तर तुम्हाला त्याचा पूर्ण फायदाही मिळेल. नोकरीच्या शोधात असाल तर नोकरीची ऑफर देखील येईल. जे लोक घरून ऑनलाईन काम करतात त्यांनी काळजी घेणं गरजेचं आहे.
वृषभ (Tauras)
वृषभ राशीच्या लोकांचा आजचा दिवस उत्तम असणार आहे. जे लोक व्यवसाय करत आहेत, ते व्यवसाय पुढे नेण्यासाठी रखडलेले प्लान पुन्हा सुरू करू शकतील. व्यवसायामुळे परदेशात जाण्याचा योग आहे. प्रवासादरम्यान नव्या ओळखीही होतील, त्या व्यावसाय वाढवण्यासाठी अत्यंत उपयोग पडली. बेरोजगारांसाठी उत्तम रोजगाराची संधी निर्माण होऊ शकते.
वडिलोपार्जित संपत्तीतून आर्थिक लाभ मिळण्याची शक्यता आहे. आपल्या जीवनाचा आणि आरोग्याचा आदर करा. पैसे गुंतवण्याचा विचार करत असाल तर काळजीपूर्वक गुंतवणूक करा. कुटुंबातील वातावरण आनंदी राहिल. कुटुंबासोबत वेळ घालवण्याची संधी मिळेल. आरोग्याच्या कुरबुरी सतावतील. काळजी घ्या, बरं वाटत नसेल, तर तात्काळ डॉक्टरांचा सल्ला घ्या. आज ऑफिसमध्ये मात्र तुम्हाला जपून राहावं लागेल. कोणीतरी तुमची प्रतिमा खराब करण्याचा प्रयत्न करू शकते म्हणून सावध रहा. तुमच्या कामात लक्ष द्या आणि काम व्यवस्थित पूर्ण करा. वरिष्ठांचा विश्वास संपादन करण्याचा प्रयत्न करा.
जुन्या मित्रांसोबत बाहेर जाण्याचा प्लान होऊ शकतो. एखाद्या मंदिरात किंवा सिनेमाला जाण्याचा योग आहे. विद्यार्थी असाल तर उच्च शिक्षणासाठी परदेशी जाण्याचा योग आहे. विचार करुन क्षेत्र निवडा, नक्कीच यश मिळेल.
मिथुन (Gemini)
मिथुन राशीच्या लोकांच्या आजच्या दिवसाबाबत बोलायचं झालं तर आजचा दिवस तुमच्यासाठी चांगला जाणार आहे. तुम्हाला व्यवसायात मोठा फायदा होऊ शकतो. व्यावसात भागिदारीचा विचार करत असाल तर आजचा दिवस योग्य आहे. झटपट निर्णय घ्या, उगाच वेळ काढत बसू नका. हा निर्णय तुमच्यासाठी नक्कीच लाभदायी ठरेल. नोकरी करत असाल तर तुमच्या कामाच्या ठिकाणी काहीसा ताण असेल, पण तुम्ही आत्मविश्वासानं सर्व ताण दूर करालच, पण कामंही पूर्ण कराल. तुमची सर्व कामं वेळेवर पूर्ण कराल आणि याच जोरावर वरिष्ठांची मनं जिंकाल. तुम्ही तुमच्या आत्मविश्वासाच्या जोरावर महत्त्वाची जबाबदारीही मिळवाल.
विद्यार्थी असाल तर अभ्यासाकडे लक्ष द्या. कोणत्याही स्पर्धेची किंवा स्पर्धा परीक्षांची तयारी करत असाल तर खूप प्रयत्न करावे लागतील. प्रचंड मेहनत घ्यावी लागेल, पण अजिबात चिंता करु नका, तुमच्या मेहनतीचं फळ तुम्हाला नक्की मिळेल. व्यवसाय करणारे लोक व्यवसायातील रखडलेल्या योजना पुन्हा सुरू करू शकतील. तुमच्या व्यावसायासाठी तुमच्या कुटुंबियांकडून तुम्हाला आर्थिक मदत मिळू शकते. तुम्हाला पालकांचं सहकार्य मिळेल. घरातून बाहेर पडताना ज्येष्ठांचा आशीर्वाद घेऊन मगच बाहेर पडा, तुमची सर्व कामं निर्विघ्नपणे पूर्ण होतील.
कुटुंबातील सदस्य तुम्ही केलेल्या कामाचं कौतुक करतील. जोडीदारासोबतचा तुमचा संपूर्ण दिवस अत्यंत उत्साही असेल. कुटुंबाच्या कल्याणासाठी जोडीदारासोबत मिळून महत्त्वाचा निर्णय घ्यावा लागेल. घरबसल्या पार्टटाईम ऑनलाईन काम करत असाल, तर आर्थिक लाभ होईल.
कर्क (Cancer)
कर्क राशीच्या व्यक्तींचा आजचा दिवस चांगला असणार आहे, फक्त आरोग्याची काळजी घ्यावी लागेल. महत्त्वाच्या निर्णयात कुटुंबातील सदस्यांचं पूर्ण सहकार्य मिळेल. कुटुंबासोबत कुठेतरी जाण्याचा बेत होईल. आज तुमच्यावर अचानक काहीतरी काम येऊन पडेल. जे तुम्हाला इच्छा नसतानाही करावं लागेल. घराच्या दुरुस्तीवर खूप पैसा खर्च होईल. समस्यांबद्दल विचार करण्याची आणि त्यांच्याबद्दल काळजी करण्याची तुमची सवय तुमचा तणाव वाढवू शकते, त्यामुळे काळजी घ्या आणि त्यातून मार्ग काढण्याचा प्रयत्न करा.
तुमचे पैसे कसे वाचवायचे, हे कौशल्य तुम्ही आज शिकू शकता आणि हे कौशल्य शिकून तुम्ही तुमचे पैसे वाचवू शकता. तुम्ही काही दागिने किंवा घरगुती वस्तू खरेदी करू शकता. लग्नाच्या प्रस्तावासाठी वेळ योग्य आहे, अशातच तुमचं प्रेम आयुष्यभराच्या सहवासात बदलू शकतं. नवीन कल्पना फायदेशीर ठरतील. तुमचा व्यवसाय पुढे नेण्यासाठी तुम्ही व्यवसायात काही बदल कराल. जर तुम्हाला कोणतीही गुंतवणूक करायची असेल तर तुम्ही एखाद्या तज्ज्ञाशी सल्लामसलत केल्यास तुमचा अधिक फायदा होईल.
पालकांचा सहवास आणि सहकार्य मिळेल. समाजाचं भलं करण्याची संधी मिळेल. मुलांकडून मान-सन्मान वाढेल. लहान भाऊ-बहिणीच्या शिक्षणासाठी तुम्ही तुमच्या कुटुंबीयांशी बोलाल. सदस्यांचे आशीर्वाद तुमच्या पाठीशी राहतील. आज तुम्ही तुमच्या मनातील काही गोष्टी मित्रांसोबत शेअर करुन मनावरचं ओझं दूर कराल.
सिंह (Leo)
सिंह राशीच्या लोकांबद्दल बोलायचं झालं तर आजचा दिवस इतर दिवसांपेक्षा चांगला जाणार आहे. शरीर तंदुरुस्त ठेवण्यासाठी आजपासून व्यायामाला सुरुवात कराल. तसेच, गेल्या काही दिवसांपासून सतावणाऱ्या आरोग्याच्या कुरबुरींसाठी डॉक्टरांकडे जाल. आज तुम्हाला आर्थिक समस्यांमुळे त्रास होऊ शकतो, त्यामुळे तुम्ही तुमच्या जवळच्या व्यक्तीचा सल्ला घ्यावा. त्यामुळे योग्य निर्णय घेऊन भविष्यात होणारं आर्थिक नुकसान टाळू शकता.
प्रियकर किंवा प्रेयसीला लग्नासाठी विचारण्यासंदर्भात मनात घालमेल सुरू असेल तर आजच विचारुन टाका. तुम्हाला होकार नक्कीच मिळेल. एखाद्या कामाबाबत नुसतं नियोजन करून आपला मौल्यवान वेळ वाया घालवू नका, तर त्या दिशेनं एक पाऊल टाका आणि त्याची अंमलबजावणी सुरू करा. नोकरीच्या शोधात असाल तर उत्तम संधी तुमच्याकडे चालून येईल. तुम्ही तुमच्या कुटुंबातील सदस्यांसह एखाद्या ओळखीच्या ठिकाणी जाल, जिथे अनेक नव्या ओळखी होतील. या ओळखींचा उपयोग तुम्हाला भविष्यात नक्की होईल. राजकारणात यश मिळेल. नेत्यांना भेटण्याचीही संधी मिळेल. विद्यार्थी असाल तर अभ्यासावर लक्ष केंद्रीत करा. जोडीदारासाठी जरासा वेळ काढा आणि कुठेतरी निवांत क्षण जोडीदारासोबत घालवा. नात्यातील दुरावा संपण्यास मदत होईल.
कन्या (Virgo)
जर तुमची रास कन्या असेल तर तुम्ही आज निश्चिंत राहा. तुमचा आजचा दिवस आनंदाचा आणि समाधानाचा असणार आहे. नोकरदारांबद्दल बोलायचं झालं तर आज तुमच्या नोकरीत तुम्हाला बढतीची संधी मिळेल. जर तुम्ही सरकारी कर्मचारी असाल तर मात्र आज तुम्हाला थोडंसं जपून वागावं लागेल. तुम्हाला वरिष्ठ अधिकाऱ्याचा रोष सहन करावा लागू शकतो. वैवाहिक जीवनात सुख-शांती राहील. व्यावसाय करत असाल तर आज मित्रांनी दिलेला सल्ला अजिबात धुडकावून लावू नका. आज तुमच्या मित्राच्या एका सल्लानं तुम्हाला मोठा आर्थिक लाभ होऊ शकतो. तुमच्या कामाच्या ठिकाणाहून तुम्हाला तुमच्या कामाची पोचपावती म्हणून परदेशात जाण्याची संधी मिळू शकते.
कुटुंबातील सदस्यांचे सहकार्य मिळेल. कुटुंबातील सर्व सदस्य एकत्र काही महत्त्वाच्या विषयावर चर्चा करतील, मात्र तुम्हाला संयम बाळगावा लागेल, तुम्हाला तुमच्या रागावर नियंत्रण ठेवावं लागेल, अन्यथा परिस्थिती बिघडू शकते. आज तुमच्या आयुष्यात एखाद्या नव्या व्यक्तीचं आगमन होऊ शकतं. तुमच्या आयुष्यभराचा जोडीदार म्हणून तुम्ही या व्यक्तीची निवड करु शकता. तसेच, तुम्ही जर नव्या उत्पन्नाच्या शोधात असाल तर अनेक नव्या संधी उपलब्ध होतील. हा पण तुम्हाला विचारपूर्वक निर्णय घ्यावा लागेल.
आज नोकरीच्या ठिकाणी वरिष्ठांकडून महत्त्वाच्या जबाबदाऱ्या तुमच्यावर सोपवल्या जातील, यामध्ये काही आव्हानं नक्कीच येतील, पण त्यावर मात करुन तुम्ही सर्व कामं पूर्ण करण्यात यशस्वी ठराल. समाजाच्या भल्यासाठी काम करतात, त्यांना आणखी कामं करण्याची संधी मिळेल. आज तुमच्या मनातील सर्व इच्छा पूर्ण होतील.
तूळ (Libra)
तूळ राशीच्या लोकांबद्दल बोलायचं झालं तर आजचा दिवस तुमच्यासाठी संमिश्र असणार आहे. जर तुम्ही व्यावसाय करत असाल, तर व्यावसायात नव्या योजना सुरू करण्याची संधी मिळेल, ज्यामुळे तुम्ही तुमचा व्यवसाय पुढे नेण्यात यशस्वी व्हाल. तसेच, मोठा आर्थिक नफाही होईल. नोकरीच्या ठिकाणी मान-सन्मान मिळेल, तसेच वरिष्ठ तुमच्या कामामुळे तुमच्यावर खूश होतील. याचाच अर्थ यावेळी तुमचं प्रमोशन नक्की होईल.
काही अडचणींवर काढलेल्या तोडग्यामुळे तुम्हाला मोठा आर्थिक नफा होईल. तसेच, जर तुमचे पैसे बऱ्याच काळापासून कुठे अडकले असतील, तर ते आज मिळालेच म्हणून समजा. काही कामांची जबाबदारी तुमच्यावर सोपावली जाईल. त्यामुळे तुमची धावपळ होईल, थकवा येईल, पण तुम्ही काम यशस्वीरित्या पूर्ण कराल. व्यासायात प्रगती होईल. बऱ्याचकाळापासून वडिलोपार्जित जमिनीचा निकाल तुमच्याबाजूनं लागेल. आजच्या व्यस्त दिवसातून थोडा वेळ स्वतःसाठी काढाल आणि तुमच्या आवडीचं एखादं काम करण्यात तो वेळ घालवाल. त्यामुळे मनाला शांती मिळेल.
आर्थिक परिस्थितीत सुधारणा होऊ शकते. तसेच, कोणत्याही कामात तुम्हाला मिळालेली तुमच्या जोडीदाराची साथ तुमच्यासाठी अत्यंत महत्त्वाची ठरेल. घरात एखाद्या धार्मिक कार्याचा योग जुळून येईल. भावा-बहिणींचंही तुम्हाला एखाद्या महत्त्वाच्या कामात पूर्ण सहकार्य मिळेल. शैक्षणिक कार्यात व्यत्यय येऊ शकतो. एखाद्या जुन्या मालमत्तेतून आर्थिक लाभ मिळण्याची शक्यता आहे. ज्येष्ठांचा आशीर्वाद तुमच्यासोबत असल्यानं तुमच्या अनेक अडचणी दूर होतील. बदलत्या हवामानामुळे आरोग्याच्या कुरबुरी जाणवतील. त्यामुळे स्वतःच्या आरोग्याकडे दुर्लक्ष होऊ देऊ नका आणि काळजी घ्या.
वृश्चिक (Scorpio)
वृश्चिक राशीच्या लोकांसाठी आजचा दिवस संमिश्र असणार आहे. बदलत्या हवामानामुळे तुम्हाला तब्येतीच्या कुरबुरींचा सामना करावा लागू शकतो. जसं की, दातदुखी, पोटातील अस्वस्थता, अंगदुखी यांसारख्या शारीरिक समस्यांमुळे तुम्ही त्रस्त व्हाल. त्वरित आराम मिळण्यासाठी चांगल्या डॉक्टरांचा सल्ला घेण्यास उशीर करू नका. प्रवासाचा योग आहे, त्यामुळे तुम्हाला थकवा आणि ताण येईल, परंतु हा प्रवास आर्थिकदृष्ट्या फायदेशीर ठरेल त्यामुळे अजिबात टाळू नका. तुम्ही मुलांसोबत थोडा वेळ घालवला पाहिजे, त्यांनी एखाद्या गोष्टीसाठी मदत मागितली किंवा तुमच्यासोबत खेळण्याचा आग्रह धरला तर नाही म्हणू नका.
आज तुमच्या खिशाला मोठी कात्री लागू शकते. घरातील सदस्यासाठी एखादी महागडी गोष्ट घ्यावी लागेल. आज एक काळजी घ्या, कोणत्याही व्यक्तीवर आंधळेपणानं विश्वास ठेवू नका. कारण आज तुमचा विश्वासघात होण्याची शक्यता आहे. तसेच, आज तुमच्या जोडीदारासोबत निवांत वेळ घालवण्याची संधी मिळेल. पैसा, प्रेम, कुटुंब यापासून दूर राहून, आज तुम्ही आनंदाच्या शोधात आध्यात्मिक गुरूला भेटायला जाऊ शकता. संगीत, नृत्य आणि बागकाम यांसारख्या तुमच्या छंदांसाठीही वेळ काढा, यामुळे तुम्हाला समाधान मिळेल.
धनु (Sagittarius)
धनु राशीच्या लोकांबद्दल बोलायचं झालं तर आजचा दिवस तुमच्यासाठी खूप चांगला असणार आहे. नोकरदार लोकांना नोकरीमध्ये नव्या जबाबदाऱ्या मिळतील. हा मात्र तुम्हाला भावनांवर नियंत्रण ठेवावं लागेल. नको त्या चिंतेनं मन अस्वस्थ होईल. मेहनतीनंतरच तुम्हाला व्यवसायात यश मिळेल. तुमच्या कुटुंबियांकडून तुम्हाला तुमच्या व्यवसायात मदत मिळेल. आज तुम्ही एखाद्या मालमत्तेत गुंतवणूकही करू शकता.
काही जुन्या गोष्टींच्या आठवणी तुमच्या मनात गोंधळ घालतील. यामुळे तुम्ही तणावात राहाल, पण जे घडलं ते घडलं त्यातून मार्ग काढून पुढे जाण्याचा विचार करा. गुंतवणूक करण्याच्या विचारात असाल, तर अजिबात घाई करु नका, तसेच लोभाला बळी पडू नका, नाहीतर मोठं आर्थिक नुकसान करुन बसाल. जवळच्या नातेवाईकांना भेटण्याचा योग आहे, त्यामुळे तुमचा तणाव काहीसा दूर होण्यास मदत होईल. जोडीदारासोबत आजचा दिवस अत्यंत चांगला जाईल. लग्नाची बोलणी सुरू असतील तर समोरुन होकार येऊ शकतो.
मकर (Capricorn)
मकर राशीच्या लोकांबद्दल बोलायचं तर आजचा दिवस तुमच्यासाठी चांगला असेल. जे लोक नोकरीच्या शोधात असतील, त्यांना आज एखाद्या ओळखीच्या व्यक्तीच्या मदतीनं चांगली नोकरी मिळू शकते. तुमच्या वैवाहिक आयुष्यात काही अडचणी असतील, तर त्या दूर करण्यासाठी तुमचा भाऊ एखाद्या देवदूतासारखा धावून येईल. नातेवाईकांच्या मदतीनं तुमचा भाऊ तुमच्या सासरच्या सर्व अडचणी दूर करेल.
आज घरी एखादं मंगल कार्याचं आयोजन करणं तुमच्यासाठी फायदेशीर ठरेल. आज तुमच्या घरी पाहुणेही येतील, त्यामुळे पाहुणचार करण्याची तयारी ठेवाल. घराच्या दुरुस्तीसह घरातील काही सामान खरेदी करण्यासाठी खर्च करावा लागेल. तसेच, मित्रमंडळींसह किंवा घरातील सदस्यांसह खरेदीसाठी किंवा सहलीसाठी जाण्याचा प्लानही होऊ शकतो. खूप दिवसांनी आई-वडिलांसोबत निवांतपणे वेळ घालवण्याची संधी मिळेल.
जोडीदारासोबत काही गोष्टींवरुन खटके उडू शकतात. पण वाद झाल्यास ताणू नका, त्वरित वाद सोडून नात्यातील अबोला दूर करा. महत्त्वाच्या कामात अडचणी येऊ शकतात. त्यामुळे तुम्ही तणावात राहाल. पण तुम्ही तुमच्या बुद्धीच्या जोरावर त्या अडचणी दूर करुन नक्कीच त्यातून मार्ग काढण्याचा प्रयत्न कराल. जुन्या मित्राशी अचानक भेट होऊ शकते. विद्यार्थी असाल तर एका शहरातून दुसऱ्या शहरात शिक्षणासाठी जाण्याचा योग येऊ शकतो.
कुंभ (Aquarius)
कुंभ राशीच्या लोकांबद्दल बोलायचं झालं तर आजचा दिवस तुमच्यासाठी खूप चांगला जाणार आहे. तुम्ही करत असलेल्या व्यवसायात तुम्हाला यश मिळेल. नवीन ओळखी होतील. तुमचा व्यवसाय पुढे नेण्यात तुम्ही यशस्वी व्हाल. शैक्षणिक क्षेत्रात यश मिळेल. जे ऑनलाईन काम करत आहेत, त्यांना बऱ्यापैकी फायदा होणार आहे. नोकरदार लोकांना नोकरीत दिलेली कामं पूर्ण करावी लागतील. वरिष्ठांकडून शुभवार्ता मिळतील. उच्च शिक्षणासाठी काळ चांगला आहे.
वरिष्ठांकडून कौटुंबिक जबाबदाऱ्या तुमच्यावर सोपवण्यात येतील, ज्या तुम्ही निश्चितपणे पार पाडाल. तुम्ही केलेल्या कामामुळे सर्वजण खूप खूश होतील. घरातून बाहेर पडताना ज्येष्ठांचे आशीर्वाद घ्या, मग तुमची सर्व कामं पूर्ण होतील. समाजाच्या भल्यासाठी तुम्ही केलेल्या कामाचा सन्मान मिळेल. राजकारणात करिअर करण्याची इच्छा असणाऱ्यांसाठी चांगली संधी आहे. नेत्यांना भेटण्याची संधी मिळेल, सभांना संबोधित करण्याचीही संधी मिळेल.
कुटुंबातील सदस्यांसह एखाद्या धार्मिक स्थळाला भेट देण्याची योजना कराल, जिथे सर्वजण खूप आनंदी असतील. आई-वडिलांचे आशीर्वाद तुमच्या पाठीशी राहतील. परदेशात पडून असलेली तुमची जमीन आज चांगल्या भावात विकली जाऊ शकते, ज्यामुळे तुम्हाला फायदा होईल. मुलांना तुमच्यामुळे अभिमान वाटेल.
मीन (Pisces)
जर तुमची रास मीन असेल, तर तुमचा आजचा दिवस काहीसा चिंतेत असेल. आरोग्याच्या तक्रारी जाणवतील, तसेच दिवसभर कामाचा ताणही असेल. पण रखडलेली कामं मात्र आजच्या दिवसात तुम्ही पूर्ण कराल. व्यावसाय असेल तर अनेक आव्हानं येतील, त्यांचा सामना मात्र करावा लागेल. नोकरदार असाल तर महत्त्वाच्या जबाबदाऱ्या सोपवल्या जातील. मात्र त्या पूर्ण करताना अनेक अडचणी येतील.
घरात मंगल कार्याची तारीख निश्चित होईल. नवीन वाहनाचा आनंदही मिळेल. जोडीदाराच्या प्रगतीमुळे कुटुंबात आनंदाचे वातावरण राहील. पालकांचा सहवास आणि सहकार्य मिळेल. सरकारी क्षेत्रांतूनही तुम्हाला लाभ मिळण्याची चिन्हे आहेत. कामाच्या ठिकाणी वरिष्ठांचा दबाव आणि घरातील कलह यामुळे तुम्हाला तणावाचा सामना करावा लागू शकतो. ज्यामुळे तुमच्या कामातील एकता बिघडेल. तुम्हाला तुमचा जोडीदार आणि मुलांकडून अतिरिक्त स्नेह आणि पाठिंबा मिळेल.
तुम्हाला तुमच्या आवडत्या विषयाचा अभ्यास करण्याची संधी मिळेल. भावा-बहिणींचं सहकार्य मिळेल. सासरच्या मंडळींकडून काही चांगली बातमी कळेल. नवीन वाहनाचा आनंद मिळेल. घर खरेदीची इच्छा पूर्ण होईल.
महत्त्वाच्या बातम्या
ट्रेंडिंग न्यूज
