Hanuman Jayanti 2024 : यंदा हनुमान जयंती नेमकी कधी? अचूक तिथी, शुभ मुहूर्त आणि पूजा विधी जाणून घ्या

Hanuman Jayanti 2024 Date : बजरंगबलीच्या भक्तीसाठी हनुमान जयंतीचा दिवस खूप खास असतो. हनुमान जयंती ही चैत्र पौर्णिमेला साजरी केली जाते. यंदाच्या वर्षी चैत्र पौर्णिमा कधी? जाणून घेऊया.

Hanuman Jayanti 2024 Date

Hanuman Jayanti 2024 Date : दरवर्षी पवनपुत्र हनुमानजींची जयंती चैत्र महिन्याच्या पौर्णिमेला साजरी केली जाते. या शुभदिनी माता अंजनीच्या उदरातून हनुमानजींचा जन्म झाला. हनुमानजींच्या वाढदिवसाला जयंती न म्हणता जन्मोत्सव म्हणणं योग्य ठरेल, कारण बजरंगबली अमर आहेत. या जगात हयात नसलेल्या व्यक्तींसाठी जयंती शब्द वापरला जातो.

हनुमान हे असे देव आहेत, ज्यांचं खऱ्या मनाने स्मरण केलं तर भक्तांचं प्रत्येक संकट दूर होतं, म्हणून त्यांना संकट मोचन असं म्हणतात. आता हनुमान जयंती 2024 ची तारीख, वेळ, शुभ मुहूर्त आणि पूजा पद्धत जाणून घेऊया

हनुमान जयंती 2024 कधी?

यावर्षी हनुमान जयंती 23 एप्रिल 2024 रोजी आहे. जेव्हा हनुमान जयंती मंगळवारी किंवा शनिवारी येते तेव्हा तिचं महत्त्व अधिक वाढतं, कारण हे दोन्ही दिवस बजरंगबलीला समर्पित आहेत. या दिवशी हनुमानजींची विशेष पूजा केली जाते. या दिवशी हनुमानजींच्या मूर्तीला आकर्षक सजावट, सुंदरकांड पठण, भजन, व्रत, दान, पठण, कीर्तन केलं जातं.

हनुमान जयंती 2024 मुहूर्त

पंचांगानुसार, चैत्र पौर्णिमा तिथी 23 एप्रिल 2024 रोजी पहाटे 03.25 वाजता सुरू होईल आणि 24 एप्रिल 2024 रोजी पहाटे 05.18 वाजता समाप्त होईल. यामुळे 23 एप्रिल रोजी हनुमान जयंती साजरी केली जाणार आहे. या काळात दिवसभर शुभ मुहूर्त असतील.

हनुमान पूजेची वेळ (सकाळी) – सकाळी 09.03 ते दुपारी 01.58
हनुमान पूजेची वेळ (रात्री) - रात्री 08.14 ते रात्री 09.35

हनुमान जयंतीच्या दिवशी शुभ योग

नक्षत्रांबद्दल बोलायचं तर, हनुमान जयंतीला 23 एप्रिल 2024 रोजी, चित्रा नक्षत्र रात्री 10.32 मिनिटांपर्यंत राहील. यानंतर लगेच स्वाती नक्षत्र सुरू होईल. हनुमान जयंतीच्या दिवशी चंद्र कन्या राशीत आणि सूर्य मेष राशीत असेल.

हनुमान जयंती पूजा पद्धत

हनुमान जयंतीच्या दिवशी सकाळी सूर्योदयापूर्वी स्नान करावं. बजरंगबलीसमोर उपवासाचा संकल्प करा. या दिवशी पिवळ्या किंवा लाल रंगाचे कपडे घालणं शुभ असतं. हनुमान जयंतीच्या दिवशी चमेलीच्या तेलात सिंदूर मिसळून बजरंगबलीला चोळा अर्पण करा. यानंतर चमेलीच्या तेलाचा दिवा लावा आणि गुलाबाच्या फुलांची माळ अर्पण करा. पूजेमध्ये बजरंगबलीचा आवडता प्रसाद गुळ आणि हरभरा यांचा समावेश असावा. हनुमानाला बुंदीचे लाडूही अर्पण करता येतात. यानंतर 7 वेळा हनुमान चालिसा पठण करा. या दिवशी घरी रामायण पठण करणं उत्तम मानलं जातं. आरतीनंतर आपल्या क्षमतेनुसार कपडे, अन्न आणि पैसे गरजूंना दान करा.

हेही वाचा: